Microsoft-მა Twitter სარეკლამო პლატფორმიდან მოხსნა

Microsoft Advertising-ის მომხმარებლებმა ელფოსტა მიიღეს, სადაც აცნობეს, რომ ციფრული მარკეტინგის ცენტრი (DMC) Twitter-ის მხარდაჭერას წყვეტს. შესაბამისად, ისინი Twitter-ის ანგარიშებზე სოციალური მედიის მართვის (Digital Marketing Center’s-ის) ინსტრუმენტებით წვდომას ვეღარ შეძლებენ. მომხმარებლები Microsoft Advertising პლატფორმაზე ვერც ძველ ტვიტებსა და ჩართულობას ნახავენ.

ეს მას შემდეგ მოხდა, რაც Twitter-ის აღმასრულებელი დირექტორი, ილონ მასკი, მნიშვნელოვან მარკეტინგულ და სარეკლამო კონფერენციაზე გამოჩნდა, რათა ბრენდები პლატფორმაზე მოეზიდა. Twitter-მა თავისი უმსხვილესი რეკლამის განმთავსებლების ნახევარი მასკი მართველობის პერიოდში დაკარგა.

Microsoft Advertising რეკლამის განმთავსებლებს სხვადასხვა სოციალური მედიის ანგარიშების ერთ ადგილიდან მართვის საშუალებას აძლევდა. მომხმარებლები ტვიტებს, DM-ებსა და შეტყობინებებს Facebook-დან, Instagram-დან და LinkedIn-იდან პასუხობენ.

Microsoft Advertising ბიზნესებს ფასიანი სარეკლამო კამპანიების მართვაში ისეთ პლატფორმებზე ეხმარება, როგორიცაა Google Ads, Facebook, Instagram და Microsoft Search Advertising.

კომპანიები, რომლებიც Microsoft Advertising-ს იყენებენ, Facebook-ზე, Instagram-სა და LinkedIn-ზე კონტენტის შექმნას და მართვას ჩვეულებრივად გააგრძელებენ, როგორც ამას წარსულში აკეთებდნენ.

გასულ წელს, Microsoft-მა ციფრული რეკლამით Microsoft-მა 12 მილიარდ აშშ დოლარზე მეტი გამოიმუშავა.

Twitter-ზე წვდომის დაკარგვა ნიშნავს, რომ რეკლამის განმთავსებლებს თავიანთი სტრატეგიების შეცვლა მოუწევთ. Twitter-ის კამპანიების მართვისა და თვალყურის დევნებისთვის ალტერნატიული პლატფორმები უნდა მოიძიონ. ფაქტია, ილონ მასკის სათავეში მოსვლის შემდეგ რეკლამის განმთავსებლებს რთულად მოსაგვარებელი გამოწვევები შეექმნათ.

dev.ge-ზე ვაკანსიების სერვისი ამოქმედდა

თემის მიხედვით

dev.ge-ზე ვაკანსიების სერვისი ამოქმედდა

Microsoft გაყიდვების შემცირების გამო 10 000 სამუშაო ადგილს შეამცირებს

თემის მიხედვით

Microsoft გაყიდვების შემცირების გამო 10 000 სამუშაო ადგილს შეამცირებს