პროგრამული უზრუნველყოფის სფეროში ხუთი ახალი პროფესიული სერტიფიკაციის შეთავაზებით, Meta Coursera-სთან თავის პარტნიორობას აფართოებს. კვალიფიციურ კადრებზე დიდი მოთხოვნის ფონზე ეს სერტიფიკატები საშუალებას იძლევა, არაერთ მნიშვნელოვან პოზიციაზე გააკეთოთ განაცხადი. პროგნოზების თანახმად, მხოლოდ აშშ-ში 2030 წლისთვის პროგრამული უზრუნველყოფის დეველოპმენტის სფერო 22%-ით გაიზრდება.
პროგრამული უზრუნველყოფის სფეროში ხუთი ახალი პროფესიული სერტიფიკაციის შეთავაზებით, Meta Coursera-სთან თავის პარტნიორობას აფართოებს. კვალიფიციურ კადრებზე დიდი მოთხოვნის ფონზე ეს სერტიფიკატები საშუალებას იძლევა, არაერთ მნიშვნელოვან პოზიციაზე გააკეთოთ განაცხადი. პროგნოზების თანახმად, მხოლოდ აშშ-ში 2030 წლისთვის პროგრამული უზრუნველყოფის დეველოპმენტის სფერო 22%-ით გაიზრდება.
Meta-ს ახალი პროგრამები გთავაზობთ მომზადებას შემდეგ სპეციალობებში: ფრონტენდ-დეველოპერი, ბექენდ-დეველოპერი, Android-დეველოპერი, iOS-დეველოპერი და მონაცემთა ინჟინერი.
სერტიფიკაციებით უნდა დაინტერესდნენ ისინი, ვისაც არ აქვთ შესაბამისი გამოცდილება ან განათლება. ამ სფეროში უკვე მომუშავე პროფესიონალებს კი ასევე შეუძლიათ, უახლეს და მოთხოვნად უნარ-ჩვევებს გაეცნონ. ყველა პროგრამა არის ონლაინ და ორიენტირებულია თვითსწავლაზე. ფასი — თვეში $49.
სწავლის დროს აითვისებთ ინდუსტრიისთვის დამახასიათებელ უნარებს, როგორებიცაა HTML, CSS, პროგრამირება Java-ზე, Python-ზე, MySQL-ზე და სხვა. პრაქტიკულ გამოცდილებას მიიღებთ პორტფოლიოს შექმნისას, რასაც შემდგომში წარუდგენთ რეკრუტერებს, მენეჯერებსა და დამსაქმებლებს.
საბოლოოდ სტუდენტები იღებენ ექსკლუზიურ წვდომას ვაკანსიების პლატფორმა Meta Career Programs-ზე, სადაც შესაძლებელია 200+ დამსაქმებელთან დაკავშირება, რომლებიც Meta-ს სერტიფიკაციების მსმენელებს შორის ტალანტებს ეძებენ. ამასთან ერთად გექნებათ წვდომა კარიერის განვითარების რესურსებზე, რაც სამსახურის ძიებაში დაგეხმარებათ.
კურსი კარგია მათთვის, ვინც კრეატიულად აზროვნებს, მომხმარებლებისთვის საუკეთესო ინტერფეისის შექმნისკენ ილტვის და დიზაინით არის დაინტერესებული.
თქვენი ამოცანა იქნება, შექმნათ მიმზიდველი, ფუნქციური და სწრაფი ვებსაიტი.
კურსის გავლის შემდეგ მიიღებთ უნარებს: HTML, CSS, Javascript, React, Version Control, Wireframes, Content Management System.
რეიტინგი: 4.8;
ხანგრძლივობა: 7 თვე;
ეს კურსი თქვენთვისაა, თუ შეგიძლიათ ლოგიკურად მსჯელობა, გიყვართ მუშაობა და რთული პრობლემების გადაწყვეტა.
ისწავლით ტექნოლოგიების გამოყენებას, რომლებიც საიტის ნაწილის მუშაობას უზრუნველყოფს და რაც იუზერის მიერ მოხმარების შესაძლებლობას უკავშირდება.
უნარები, რომლებსაც კურსის გავლის შემდეგ შეიძენთ: Python, SQL, APIs, HTML, CSS, XML, JSON, Web Server Software, Cloud Hosting, Version Control.
რეიტინგი: 4.8;
ხანგრძლივობა: 8 თვე;
კურსი განკუთვნილია მათთვის, ვისაც უყვარს კრეატიული ამოცანები და გამოწვევები, ვინც ცდილობს, შექმნას საუკეთესო გამოცდილება მომხმარებლებისთვის და უპირატესობას Android-ზე დაფუძნებულ პროდუქტებს ანიჭებს.
კურსის გავლის შემდეგ Android დივაისებისთვის მობილური აპლიკაციების შესაქმნელად კოდის დაწერას ისწავლით.
უნარები, რომლებსაც შეიძენთ: Kotlin, Javascript, React, UI/UX, Data Structures, App Lifecycles, Android Studio, Programming Fundamentals.
ეს კურსი ზუსტად თქვენთვისაა, თუ გიყვართ შემოქმედებითი დავალებები, ცდილობთ, შექმნათ საუკეთესო პროდუქტები მომხმარებლებისთვის და ასევე, უპირატესობას ანიჭებთ Apple-ის პროდუქტებს.
ისწავლით კოდის წერას მობილური აპლიკაციების შესაქმნელად iOS-დივაისებისთვის.
უნარები, რომლებსაც შეიძენთ: Swift, XCode, React, UI/UX, Data Structures, App Lifecycles, Programming Fundamentals.
კურსი განკუთვნილია ყველასთვის, ვისაც აქვს ანალიტიკური აზროვნების უნარი, უყვარს პროცესების გაუმჯობესება, უყვარს რთული პრობლემების გადაჭრა.
ისწავლით, როგორ შექმნათ მონაცემთა ბაზები და პროცესების დიზაინები ინფორმაციის სორტირებისთვის.
უნარები, რომელთაც კურსის გავლის შემდეგ შეიძენთ: SQL, PostgreSQL,Python, Data Modeling, OLAP Cubes, Data Pipelines, Build Databases.
