medik — თქვენი სამედიცინო ასისტენტი
medik — სამედიცინო აპლიკაცია, სადაც პაციენტები ჯავშნიან და მართავენ ექიმთან ვიზიტებს, იღებენ ყველა სამედიცინო ინფორმაციას — ანალიზების პასუხებს, რადიოლოგიის შედეგებს.
medik — სამედიცინო აპლიკაცია, სადაც პაციენტები ჯავშნიან და მართავენ ექიმთან ვიზიტებს, იღებენ ყველა სამედიცინო ინფორმაციას — ანალიზების პასუხებს, რადიოლოგიის შედეგებს.
როგორ გაჩნდა მედიკის იდეა?
მედიკის დამფუძნებელი, ლაშა მურჯიკნელი dev.ge-თან ყვება, რომ მედიკის შექმნის ინსპირაცია დედამისი იყო, პროფესიით — ექიმი.
«მთელი ცხოვრება ვუყურებდი, ექიმები როგორ იყვნენ ჩაფლულები რუტინულ სამუშაოში, დოკუმენტებთან მუშაობასა და PDF ფაილების ძებნაში. დავინახე ინდუსტრიის გაციფრულების შესაძლებლობა და დავიწყე იდეის პროდუქტად ქცევა. პირველი ინვესტიცია მე გავაკეთე და შემდეგ მოვიზიდე სხვა ინვესტიციებიც».
მედიკის აპლიკაციით მომხმარებელს შეუძლია, დაჯავშნოს ვიზიტი და პირდაპირ, ურიგოდ შევიდეს ექიმის კაბინეტში ან ლაბორატორიაში.
როგორ მუშაობს მედიკი?
როგორც ლაშა ამბობს, მედიკი არის პირველი დამოუკიდებელი და ავტომატიზებული სისტემა, ისინი არც ერთ ბანკს, სადაზღვევო კომპანიასა და კლინიკას არ ეკუთვნიან.
ლაშას თქმით, მედიკს რეგიონში პირდაპირი კონკურენტი არ ჰყავს, ხოლო მისი უმთავრესი ინტერესი — პარტნიორები და პაციენტებია. მედიკის ერთერთი მთავარი პრიორიტეტი პაციენტების პირადი ინფორმაციის დაცვაა, პერსონალური ინფორმაციის გაზიარება არასოდეს მოხდება.
ლაშას თქმით, მედიკში ინტეგრაცია ძალიან მარტივია.
«ჩვენ ვეხმარებით კლინიკებს საოპერაციო ხარჯების ოპტიმიზაციაში. პაციენტებს ვაწვდით დამუშავებულ ინფორმაციას, რომ სრული წვდომა ჰქონდეთ საკუთარი ჯანმრთელობის მდგომარეობაზე». — ამბობს ლაშა.
ამჟამად მედიკი ექვს კლინიკასთან თანამშრომლობს:
- ავერსის კლინიკა;
- ბოჭორიშვილის კლინიკა;
- ქირურგიის ეროვნული ცენტრი;
- ჩაჩავას კლინიკა;
- თანამედროვე სამედიცინო ტექნოლოგიების დასავლეთის რეგიონალური ცენტრი WRC
მისივე თქმით, მომავალში მედიკი უფრო გაიზრდება — დაემატება სხვა კლინიკებიც. ლაშა ამბობს, მედიკის კარი ყოველთვის ღიაა ახალი პარტნიორებისთვის.
რაც შეეხება სირთულეებს, დამფუძნელები ყვება, რომ არსებობს ტექნოლოგიური დაბრკოლება -. საქართველოში პროფესიონალი დეველოპერების ნაკლებობაა, განსაკუთრებით სამედიცინო სექტორში.
გარდა ამისა, კიდევ ერთი სირთულეა სამედიცინო სფეროში შეუღწევლობა — მათთან საუბარი რთულია.
«არის შიშები, რომ აპლიკაცია ჩაანაცვლებს ექიმს. თუმცა, ჩვენი მთავარი მიზანი სწორედ ექიმების დახმარებაა, რომ რაც შეიძლება ეფექტურად შეძლონ დიაგნოზის დასმა და მეტი თავისუფალი დროით მეტ პაციენტს უმკურნალონ». — ამბობს ლაშა.
ოჯახის წევრის მართვის პროფილი
საქართველოს კანონმდებლობის შესაბამისად, 18 წლამდე ადამიანს არ აქვს საკუთარი სამედიცინო ინფორმაციის მიღების უფლება. ამიტომ მედიკში არის ოჯახის წევრების მართვის მოდული მშობლებისა და ოჯახის უფროსი ასაკის წევრებისთვის.
სამომავლო გეგმები
მედიკს მაისიდან ვიზიტების დაჯავშნის მოდული დაემატება და იქნება პირველი სრულად ავტომატიზირებული აპლიკაცია, სადაც პაციენტები დაჯავშნიან ვიზიტებს ექიმებთან კლინიკებში, ასევე, ლაბორატორიებში.
კლინიკები და ექიმები კი უფრო ეფექტურად შეძლებენ საკუთარი დროის მენეჯმენტს და მომსახურების ხარისხის გაუმჯობესებას.
ბიოტექი და ტექნოლოგიების როლი მედიცინაში
ბიოტექი და ტექნოლოგიების როლი მედიცინაში
