დეცენტრალიზებული სოციალური ქსელის, Mastodon-ის ცნობით, პლატფორმაზე რეგისტრაციის პროცესი გამარტივდება. ახლა, როდესაც თქვენ Mastodon-ზე დარეგისტრირებას ეცდებით, ის ანგარიშის შესაქმნელად, სერვერის არჩევის ნაცვლად, მარტივ ვარიანტს შემოგთავაზებთ.
დეცენტრალიზებული სოციალური ქსელის, Mastodon-ის ცნობით, პლატფორმაზე რეგისტრაციის პროცესი გამარტივდება. ახლა, როდესაც თქვენ Mastodon-ზე დარეგისტრირებას ეცდებით, ის ანგარიშის შესაქმნელად, სერვერის არჩევის ნაცვლად, მარტივ ვარიანტს შემოგთავაზებთ.
Mastodon-ის ქსელში გაწევრიანებისას მომხმარებლებისთვის ერთ-ერთ მთავარ პრობლემას აურაცხელ სერვერებზე დარეგისტრირება წარმოადგენდა. ეს პროცესი ცენტრალიზებული სოციალური ქსელებისთვის, როგორიცაა Twitter ან Instagram, უცნობია.
Mastodon-ის დამფუძნებელმა და აღმასრულებელმა დირექტორმა, ევგენი როჩკომ ბლოგპოსტში განაცხადა, რომ ახალი ფუნქცია მომხმარებლებს სერვერის არჩევის თავისუფლებას არ ართმევს.
«შეიძლება გვკითხოთ, როგორ აძლიერებს სერვერის ნაგულისხმევი ვარიანტი დეცენტრალიზაციას. ჩვენ გვჯერა, რომ Mastodon-ისთვის მნიშვნელოვანია, კარგი პროდუქტი არა მხოლოდ იდეოლოგიით, არამედ დამსახურებითაც იყოს. თუ ჩვენ მხოლოდ იმ ადამიანებს მოვიზიდავთ, რომლებიც დეცენტრალიზაციაზე უკვე ზრუნავენ, ჩვენი მიზანი — დეცენტრალიზაცია მეინსტრიმი გავხადოთ, ბევრად უფრო რთული შესასრულებელი გახდება». — თქვა მან.
გასულ წელს, მას შემდეგ რაც ილონ მასკმა Twitter იყიდა, რამდენიმე მომხმარებელმა Mastodon-ზე რეგისტრაცია ალტერნატიული ქსელის მოძებნის მიზნით დაიწყო.
უახლესი ინფორმაციით, სოციალური ქსელი ინფრასტრუქტურასა და ინსტრუმენტებს განაახლებს, რათა მომხმარებლებისთვის უსაფრთხო გამოცდილება შექმნას.
გარდა ამისა, Mastodon მალე ისეთ ფუნქციებს დაამატებს, როგორიცაა ციტირებული პასუხები, უკეთესი კონტენტი და პროფილის ძებნა.
ბოლო რამდენიმე კვირის განმავლობაში, ჯეკ დორსის მიერ მხარდაჭერილმა დეცენტრალიზებულმა სოციალურმა ქსელმა, Bluesky-მ დამაიმედებელი ცვლილებები განიცადა. ქსელი ჯერ კიდევ დატესტვის რეჟიმშია, თუმცა ორგანიზაციამ ახლახან Android აპი გამოუშვა და 50,000 მომხმარებლის ზღვარი გადალახა.
