მასკის თქმით, უკრაინელებისთვის Starlink-ის გათიშვა ჯო ბაიდენის ბრალია და არა მისი
ილონ მასკი ამტკიცებს, რომ უკრაინელებისთვის Starlink-ის გათიშვა აშშ-ის პრეზიდენტის, ჯო ბაიდენის და ზოგადად, აშშ-ის ხელისუფლების ბრალია და არა მისი.
ილონ მასკი ამტკიცებს, რომ უკრაინელებისთვის Starlink-ის გათიშვა აშშ-ის პრეზიდენტის, ჯო ბაიდენის და ზოგადად, აშშ-ის ხელისუფლების ბრალია და არა მისი.
ილონ მასკმა ურაინას სტარლინკი ოკუპირებულ ყირიმში, რუსეთის საზღვაო ფლოტზე კონტრშეტევის დროს გაუთიშა. უკრაინის ჯარი ინტერნეტის გარეშე დარჩა და ოპერაცია ვერ განახორციელა.
თავდაპირველად ინფორმაცია მისმა ბიოგრაფმა გაავრცელა. მალევე ის მასკმა თავად დაადასტურა და ტვიტერზე დაწერა:
«უკრაინის ხელისუფლების წარმომადგენლების მხრიდან იყო სევასტოპოლისკენ მთლიან გზაზე Starlink-ის გააქტიურების გადაუდებელი მოთხოვნა. აშკარა იყო რუსული ფლოტის უდიდესი ნაწილის ჩაძირვის განზრახვა. ამ მოთხოვნას რომ დავთანხმებოდი, SpaceX კონფლიქტის ესკალაციის ერთ-ერთ მთავარი აქტის თანამონაწილე იქნებოდა».
მასკი უკრაინამ გააკრიტიკა და სტარლინკს გამორთვას «ბოროტი ნაბიჯი» უწოდა, რომელმაც ქვეყანას ზიანი მიაყენა და ადამიანების სიცოცხლე შეიწირა.
«ილონი წყვეტს, რომ: ვიღაცის მიწა, თავისუფლება, ღირსება სხვა ადამიანის სიცოცხლის ფასად არ ღირს ილონი წყვეტს, ვისი სიცოცხლე რად ღირს. ილონი ამტკიცებს, რომ ჯობია, ჯობია მუხლებზე დაჩოქილმა იცხოვრო, ვიდრე ფეხზე მდგარი მოკვდე». — დაწერა 8 სექტემბერს ტვიტერზე უკრაინის საგარეო საქმეთა სამინისტროს სტრატეგიული კომუნიკაციების ელჩმა, ალექსანდრე შერბამ.
კრიტიკის შემდეგ მასკმა კიდევ ერთი განცხადება გააკეთა და ამჯერად ბრალი აშშ-ის ხელისუფლებას დასდო.
მისი თქმით, Starlink-ები გათიშა, ვინაიდან აშშ-ს რუსეთის მიმართ სანქციები აქვს დაწესებული და ასეთ შემთხვევაში, არ ჰქონდა უფლება, სერვისი [ოკუპირებულ] ყირიმშ მთავრობის თანხმობის გარეშე ჩაერთო.
«თუ პრეზიდენტისგან მივიღებდი მოთხოვნას, ჩავრთავდი. მაგრამ ასეთი რამ არ ყოფილა». -თქვა მან.
The All-In Podcast-ში მასკმა თქვა, რომ უკრაინის თხოვნა Starlink-ის თანამგზავრზე წვდომის ჩართვის შესახებ ნიშნავს ომში მონაწილეობის მიღებას. მისივე თქმით, ყირიმში Starlink-ის გამოყენებამ შეიძლება შექმნას «მინი პერლ ჰარბორი».
მანვე დასძინა, რომ უკრაინის თავდასხმა რუსეთზე, მისი აზრით, «საომარი მოქმედებების მასობრივ ესკალაციას გამოიწვევს».
«ეს რუსეთს არ დაამარცხებს. ეს რუსეთს გააბრაზებს». — თქვა მასკმა. მისივე თქმით, სჯერა, რომ Starlink «უკრაინის მთავრობის ფუნდამენტური კომუნიკაციის ხერხემალად რჩება».
«ეს ერთადერთია, რაც ომის ფრონტზე მუშაობს, დანარჩენი ყველაფერი რუსებმა ჩაკეტეს». — თქვა მასკმა.
ილონ მასკი ადასტურებს, რომ უკრაინას სტარლინკი რუსეთზე კონტრშეტევის დროს გაუთიშა
ილონ მასკი ადასტურებს, რომ უკრაინას სტარლინკი რუსეთზე კონტრშეტევის დროს გაუთიშა
