LinkedIn-მა სახელი გაითქვა, როგორც პლატფორმამ, რომელიც საზოგადოებას კავშირების შექმნასა და დასაქმებაში ეხმარება — მას უკვე 1 მილიარდზე მეტი მომხმარებელი ჰყავს. ახლა, პლატფორმაზე ხალხის მიერ გატარებული დროის გასაზრდელად, კომპანია ახალ ფუნქციას, გეიმინგს ამატებს.
LinkedIn-მა სახელი გაითქვა, როგორც პლატფორმამ, რომელიც საზოგადოებას კავშირების შექმნასა და დასაქმებაში ეხმარება — მას უკვე 1 მილიარდზე მეტი მომხმარებელი ჰყავს. ახლა, პლატფორმაზე ხალხის მიერ გატარებული დროის გასაზრდელად, კომპანია ახალ ფუნქციას, გეიმინგს ამატებს.
TechCrunch-მა დაადასტურა, რომ LinkedIn ახალი თამაშების შექმნაზე მუშაობს. ის მარტივი ფაზლ თამაშის, Wordle-ის მსგავსი იქნება, რომელმაც ვირუსული წარმატება და მილიონობით მოთამაშე მოიპოვა.
აპლიკაციის მკვლევრებმა იპოვეს კოდი, რომელიც იმ სამუშაოს შიფრავს, რომელსაც LinkedIn სწევს. ერთ-ერთმა მათგანმა, ნიმა ოვჯიმ, თქვა, რომ ერთ-ერთი იდეა, რომელსაც LinkedIn ექსპერიმენტის სახით ახორციელებს, გულისხმობს მოთამაშეთა ქულების ორგანიზებას სამუშაო ადგილების მიხედვით, ხოლო კომპანიები «რეიტინგს» ამ ქულების მიხედვით მიიღებენ.
LinkedIn-ის სპიკერმა დაადასტურა, რომ პლატფორმა თამაშებზე მუშაობს, მაგრამ თქვა, რომ გაშვების თარიღი ჯერ ცნობილი არ არის.
«ჩვენ LinkedIn-ის გამოცდილებაში თავსატეხებზე დაფუძნებული თამაშების დამატებას ვცდილობთ, რათა ცოტათი განვიტვირთოთ, ურთიერთობები გავაღრმავოთ და საუბრის ახალი შესაძლებლობა გავაჩინოთ». — თქვა სპიკერმა TechCrunch-ისთვის გაგზავნილ შეტყობინებაში.
მან დასძინა, რომ X-ზე მკვლევრის მიერ გაზიარებული სურათები უახლესი ვერსიები არ არის.
LinkedIn-ის მფლობელი Microsoft სათამაშო ინდუსტრიის გიგანტია. მისმა თამაშების ბიზნესმა — რომელიც მოიცავს Xbox-ს, Activision Blizzard-სა და ZeniMax-ს — გასულ კვარტალში 7.1 მილიარდი აშშ დოლარის შემოსავალი მოიტანა, რითაც Windows-ის შემოსავალს პირველად გადააჭარბა.
LinkedIn-ის სპიკერმა არ ისაუბრა იმაზე, რამდენად არის ჩართული Microsoft LinkedIn-ის სათამაშო პროექტში.
წლების განმავლობაში, LinkedIn-მა უამრავი ახალი ფუნქცია სცადა, რათა პლატფორმის გამოცდილება გაეუმჯობესებინა — სტრატეგიით, რომელიც, შესაძლოა, საუკეთესოდ არის აღწერილი: «როგორ შეგვიძლია ყველაზე პოპულარული ინსტრუმენტები, რომლებსაც ადამიანები ახლა იყენებენ ავიღოთ და ისინი LinkedIn-ის აუდიტორიისთვის შესაბამისი გავხადოთ?».
