ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
18 აპრილი 2024, 14:49
2024-04-18
Limitless — ახალი AI ინსტრუმენტი თქვენი შეხვედრებისთვის
Limitless, ყოფილი Rewind, ახალი AI ინტრუმენტია, რომელიც თქვენი შეხვედრებისთვის იდეალურია. თუ თქვენ კონკრეტული სატარებელი (wearable) AI მოწყობილობის ბოლოდროინდელი მიმოხილვებით იმედგაცრუებული ხართ, Limitless შეეცდება, ეს განწყობა შეგიცვალოთ.
Limitless, რომელიც თავდაპირველად შეხვედრის მოსამზადებლად შეიქმნა, შეუფერხებელ ინტეგრაციას გთავაზობთ. ის წყალგამძლეა და აღჭურვილია მაგნიტური სამაგრით. ხელოვნური ინტელექტის ტრანსკრიფციის სხვა სერვისების მსგავსად, ის მიზნად ისახავს მის მიერ ჩაწერილი საუბრების შეჯამების, წაკითხვისა და ჩანაწერების მიწოდებას.
მომხმარებლებმა უბრალოდ მოწყობილობაზე უნდა დააწკაპუნონ, რათა შეხვედრა ჩაწერონ. თქვენ ასევე შეგიძლიათ, ხანგრძლივად დააჭიროთ მოწყობილობას და შეკითხვა დაუსვათ. თუმცა, გაურკვეველია, Limitless ხმამაღლა გიპასუხებთ თუ აპლიკაციაში.
Limitless-ის ვებსაიტის მიხედვით, გულსაკიდს «ახსოვს ყველაფერი, რასაც მთელი დღის განმავლობაში ამბობთ». კომპანია იმედოვნებს, რომ ამ ფუნქციას, საბოლოოდ, სამუშაოს მიღმა გამოიყენებს.
მაგრამ ამ ხედვამ შეიძლება კონფიდენციალურობის კუთხით შეშფოთება გამოიწვიოს. Limitless ამბობს, რომ ჩანაწერები ანონიმურია და 30 დღის შემდეგ იშლება.
მოწყობილობა დატენვიდან 100 საათს ძლებს. მას შეუძლია იმუშაოს ისეთ საკონფერენციო ინსტრუმენტებთან, როგორიცაა Zoom, Slack, Meet და სხვა. თავსებადია ტელეფონებთან, Mac-თან და კომპიუტერთან.
თავად გულსაკიდი, რომელიც რვა ფერშია და მისი მიწოდება აგვისტოში დაიწყებს, 99 აშშ დოლარი ღირს.
გენერაციული AI-ის 4 ტიპი, რომელიც ჩვენს სამყაროს გარდაქმნის
ტერმინი «გენერაციული AI» ხელოვნური ინტელექტის შედარებით ახალ სფეროს ეხება, რომელსაც ადამიანის მსგავსი შინაარსის შექმნა შეუძლია — სურათებიდან და ვიდეოებიდან დაწყებული, პოეზიითა და კომპიუტერული კოდებით დამთავრებული.