ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

იტალიაში ChatGPT კონფიდენციალურობის პოლიტიკის გამო აიკრძალა

იტალია პირველი დასავლური ქვეყანა გახდა, რომელმაც ყველაზე პოპულარული ჩათბოტი, ChatGPT დაბლოკა. იტალიის მონაცემთა დაცვის ორგანომ განაცხადა, მოდელთან დაკავშირებით კონფიდენციალურობის შეშფოთება არსებობს.

კომენტარის დატოვება
იტალიაში ChatGPT კონფიდენციალურობის პოლიტიკის გამო აიკრძალა

იტალია პირველი დასავლური ქვეყანა გახდა, რომელმაც ყველაზე პოპულარული ჩათბოტი, ChatGPT დაბლოკა. იტალიის მონაცემთა დაცვის ორგანომ განაცხადა, მოდელთან დაკავშირებით კონფიდენციალურობის შეშფოთება არსებობს.

მარეგულირებელმა განაცხადა, რომ ის OpenAI-ის ჩათბოტს დაუყოვნებლივ აკრძალავს და გამოიძიებს. თუმცა კომპანია თვლის, რომ მათი მხრიდან, კონფიდენციალურობის კანონები დაცული იყო.

ChatGPT მილიონობით ადამიანმა გამოიყენა მას შემდეგ, რაც ის 2022 წლის ნოემბერში გამოვიდა.

მას შეუძლია კითხვებს ბუნებრივი, ადამიანის მსგავსი ენის გამოყენებით უპასუხოს და ასევე შეუძლია წერის სხვა სტილებს მიბაძოს.

Microsoft-მა მასზე მილიარდობით დოლარი დახარჯა. კომპანიამ განაცხადა, რომ ტექნოლოგიას თავის Office აპებში, მათ შორის Word-ში, Excel-ში, PowerPoint-სა და Outlook-ში, გამოიყენებს

ხელოვნური ინტელექტი პოტენციურ რისკებთან არის დაკავშირებული. შესაძლოა სამუშაოს გარკვეული ნაწილის ავტომატიზაცია მოხდეს, რაც სამუშაო ადგილების შემცირებას გამოიწვევს. ასევე ჩათბოტი არც დეზინფორმაციის გავრცელებას ერიდება და ზოგჯერ მიკერძოებულიც არის.

ამ კვირის დასაწყისში, ტექნოლოგიების წამყვანმა ფიგურებმა, მათ შორის ილონ მასკმა, ამ ტიპის AI სისტემების შეჩერება მოითხოვეს, რადგან თვლიან, რომ მათი გაკონტროლება მალე შეუძლებელი გახდება.

იტალიურმა მარეგულირებელმა თქვა, რომ ის არა მხოლოდ დაბლოკავს OpenAI-ის ჩათბოტს, არამედ გამოიძიებს, ერგება თუ არა ის მონაცემთა დაცვის ზოგად რეგულაციას (GDPR).

GDPR იმ გზას არეგულირებს, რომლითაც შეგვიძლია, პერსონალური მონაცემები  გამოვიყენოთ, დავამუშავოთ და შევინახოთ.

მარეგულირებელმა 20 მარტს განაცხადა, რომ ჩათბოტი მომხმარებლის საუბრებსა და გადახდის ინფორმაციას ინახავდა. მათი თქმით, პერსონალური მონაცემების მასობრივი შეგროვება/შენახვა დანაშაულია, რომელიც აუცილებლად უნდა დაისაჯოს.

ირლანდიის მონაცემთა დაცვის კომისიამ BBC-ს განუცხადა, რომ იტალიური მარეგულირებლის ნაბიჯს დეტალურად სწავლობს, რათა მათი ქმედების საფუძველი გაიგოს.

კიბერუსაფრთხოების პროვაიდერმა, დენ მორგანმა თქვა, რომ აკრძალვა ევროპაში მოქმედი კომპანიებისთვის პერსონალური მონაცემების დაცვის მნიშვნელობას ნათლად ასახავს.

«ბიზნესებმა პრიორიტეტი პერსონალური მონაცემების დაცვას უნდა მიანიჭოს და მონაცემთა დაცვის მკაცრ რეგულაციას დაემორჩილოს, რომელიც ევროკავშირის მიერ არის დაწესებული». — თქვა მან.

ChatGPT რამდენიმე ქვეყანაში უკვე დაბლოკილია, მათ შორის ჩინეთში, ირანში, ჩრდილოეთ კორეასა და რუსეთში.

OpenAI-მ BBC-ის განუცხადა, რომ მან მონაცემთა დაცვის იტალიური მარეგულირებლის (Garante) მოთხოვნით, ChatGPT იტალიაში ოფიციალურად გამორთო.

«ჩვენ მზად ვართ ადამიანების კონფიდენციალურობა დავიცვათ და გვჯერა, რომ GDPR-სა და კონფიდენციალურობის სხვა კანონებს სრულად ვიცავთ. ჩვენ Garante-სთან მჭიდრო თანამშრომლობას მოუთმენლად ველით და მათ ჩვენი სისტემების მუშაობის სტილს აუცილებლად ავუხსნით». — წერს კომპანია.

OpenAI-მ თქვა, რომ ChatGPT-ის იტალიაში დაბრუნებას მოუთმენლად ელის.

dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თემის მიხედვით
dev.ge-ზე ვაკანსიების სერვისი ამოქმედდა
მსხვილი მედიები Open AI-ის ChatGPT-ის მათი სტატიების უნებართვოდ გამოყენებაში ადანაშაულებენ
მსხვილი მედიები Open AI-ის ChatGPT-ის მათი სტატიების უნებართვოდ გამოყენებაში ადანაშაულებენ
თემის მიხედვით
მსხვილი მედიები Open AI-ის ChatGPT-ის მათი სტატიების უნებართვოდ გამოყენებაში ადანაშაულებენ
დეზინფორმაცია და სექსიზმი: რა სჭირს ChatGPT-ს რომელსაც Google უნდა მოეკლა
დეზინფორმაცია და სექსიზმი: რა სჭირს ChatGPT-ს, რომელსაც Google უნდა «მოეკლა»
თემის მიხედვით
დეზინფორმაცია და სექსიზმი: რა სჭირს ChatGPT-ს, რომელსაც Google უნდა «მოეკლა»


ასევე წაიკითხეთ
ევროპარლამენტმა Amazon-ის ლობისტებს სამკერდე ნიშნები გაუუქმა
ევროპარლამენტმა Amazon-ის ლობისტებს სამკერდე ნიშნები გაუუქმა
ევროპარლამენტმა Amazon-ის ლობისტებს სამკერდე ნიშნები გაუუქმა
რა არის და როგორ იმუშავებს ევროკავშირის AI ოფისი
რა არის და როგორ იმუშავებს ევროკავშირის AI ოფისი
რა არის და როგორ იმუშავებს ევროკავშირის AI ოფისი
ევროკომისიის ბლოგში ვკითხულობთ, რომ შეიქმნება ევროპული AI ოფისი, ევროკავშირის მასშტაბით, ხელოვნური ინტელექტის ექსპერტიზის პირველი ცეტრი იქნება. ის მნიშვნელოვან როლს შეასრულებს AI აქტის განხორციელებაში, ხელს შეუწყობს სანდო ხელოვნური ინტელექტის განვითარებასა და გამოყენებას და საერთაშორისო თანამშრომლობას.
ბრიტანელმა კაცმა ChatGPT-ის წყალობით McDonald's-ში 100 უფასო ვაუჩერი მოიპოვა
ბრიტანელმა კაცმა ChatGPT-ის წყალობით McDonald's-ში 100 უფასო ვაუჩერი მოიპოვა
ბრიტანელმა კაცმა ChatGPT-ის წყალობით McDonald's-ში 100 უფასო ვაუჩერი მოიპოვა
Sora — Open AI-ის ახალი მოდელი, რომელიც ტექსტზე დაყრდნობით ვიდეოს ქმნის
Sora — Open AI-ის ახალი მოდელი, რომელიც ტექსტზე დაყრდნობით ვიდეოს ქმნის
Sora — Open AI-ის ახალი მოდელი, რომელიც ტექსტზე დაყრდნობით ვიდეოს ქმნის
OpenAI-იმ, რომელიც ხელოვნური ინტელექტის ინდურსტიაში ერთ-ერთი წამყვანი კომპანიაა, ახალი AI მოდელი, Sora გამოუშვა, რომელიც მომხმარებლის მიერ მითითებულ ტექსტს წარმოსახვით და რეალისტურ ვიდეო სცენებად გარდაქმნის.
განხილვა
კომენტარები ჯერ არაა.