ბოლო წლებში NFT-ის პოპულარობა გაიზარდა, ვინაიდან ის არტისტებისთვის მათი ციფრული ნამუშევრების და სხვა უნიკალური ციფრული აქტივების მონეტიზაციის საშუალებაა. თუმცა, NFT-ის ზრდასთან ერთად, გაზარდა თაღლითების რაოდენობაც, მათ შორის Instagram-ზეც.
ბოლო წლებში NFT-ის პოპულარობა გაიზარდა, ვინაიდან ის არტისტებისთვის მათი ციფრული ნამუშევრების და სხვა უნიკალური ციფრული აქტივების მონეტიზაციის საშუალებაა. თუმცა, NFT-ის ზრდასთან ერთად, გაზარდა თაღლითების რაოდენობაც, მათ შორის Instagram-ზეც.
Instagram-ზე ერთ-ერთი გავრცელებული NFT თაღლითობა არის ყალბი NFT საჩუქრები ან გაყიდვები. თაღლითები ქმნიან ყალბ ანგარიშებს, რომლებიც, ერთი შეხედვით, ლეგიტიმურ NFT პლატფორმებს ეკუთვნით.
ისინი ხალხს სთავაზობენ NFT-ის ყიდვას ან გაყიდვას. ზოგიერთი ასეთი თაღლით იყენებს ცნობილი არტისტების, პლატფორმებისა და ბრენდების სახელებს, რათა პოტენციური მსხვერპლის ნდობა უფრო ადვილად მოიპოვოს.
თაღლითები მსხვერპლს თავად უგზავნიან ინსტაგრამზე შეტყობინებას. მასში, ძირითადად ეუბნებიან, რომ მათი ნახატი მოეწონათ და უნდათ, როგორც NFT, ისე იყიდონ.
როგორც კი ვინმე დაინტერესდება, თაღლითი ითხოვს გადახდას კრიპტოვალუტაში, როგორც წესი, ბიტკოინში ან ეთერიუმში. ასევე შეიძლება მოითხოვონ პირადი ინფორმაცია ან წვდომა მსხვერპლის ციფრულ საფულეზე.
გადახდის შემდეგ თაღლითი ქრება და მსხვერპლს ფულის და NFT-ის დაბრუნების საშუალება აღარ აქვს.
თაღლითობის კიდევ ერთი გზა, რაც Instagram-ზე ხდება, არის ცნობილი ადამიანების ანგარიშების გაყალბება. თაღლითები ქმნიან ყალბ ანგარიშებს, რომლებიც ერთი შეხედვით ცნობილ ადამიანებს ეკუთვნით. იქ ათავსებენ NFT-ებს და აცხადებენ, რომ მათი გაყიდვით ხელს უწყობენ კონკრეტულ პლატფორმას ან ამას ქველმოქმედებისთვის აკეთებენ. ამ შემთხვევაშიც, როგორც კი მსხვერპლი ფულს გადაიხდის თაღლითი ქრება.
იმისთვის, რომ არ გახდეთ NFT თაღლითობის მსხვერპლი, ფრთხილად იყავით მსგავსი შეთავაზებების მიმართ. ყოველთვის გადაამოწმეთ ცნობილი ადამიანების ანგარიშების ავთენტურობა.
