ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
15 ივლისი 2023, 10:00
2023-07-15
ილონ მასკის ახალი AI კომპანია "სამყაროს ნამდვილი ბუნების გაგებას" ისახავს მიზნად
ილონ მასკმა ახალი AI კომპანია დააფუძნა, რომლის მიზანიც სამყაროს ნამდვილი ბუნების გაგებაა. X.AI Corp (კომპანიის სახელი) ამ წლის დასაწყისში გამოჩნდა. მასკმა აპრილში მიცემულ ინტერვიუში განაცხადა, რომ მას ისეთი ხელოვნური ინტელექტის შექმნა სურდა, რომელიც სამყაროს ბუნების გაგებს ცდილობს და უფრო მეტი სიკეთე მოაქვს, ვიდრე ზიანი.
მასკის უახლესი წამოწყების შესახებ ჯერ კიდევ ბევრი არაფერია ცნობილი. Tesla-სა და SpaceX-ის აღმასრულებელმა დირექტორმა და Twitter-ის ხელმძღვანელმა დატვიტა: “ «ვაცხადებ @xAI-ს შექმნას — რეალობის გასაგებად». კომპანიის ვებგვერდი აღნიშნავს, რომ გუნდი Twitter Spaces ჩატს პარასკევს, 14 ივლისს უმასპინძლებს.
მასკის წინა კომენტარებიდან, ხელოვნური ინტელექტის სტარტაპის შესახებ, ჩანდა, რომ მას ChatGPT-ის შემქმნელი OpenAI-ისა და Bard-ის შემქმნელი Google-ის კონკურენტი სტარტაპის შექმნა სურდა. მანამ წლის დასაწყისში Twitter-თან დაკავშირებული AI პროექტისთვის ათასობით GPU იყიდა. ჯერჯერობით უცნობია არის თუ არა ეს ორი პროექტი ერთმანეთთან კავშირში.
ვებსაიტზე ჩამოთვლილია DeepMind-ის, OpenAI-ის, Google Research-ის, Microsoft Research-ის, Tesla-სა და ტორონტოს უნივერსიტეტის ვეტერანები, რომლებიც პროექტზე მუშაობენ.
«ჩვენ პროექტისთვის რამდენიმე ყველაზე ფართოდ გამოყენებული მეთოდი გამოვიყენეთ, კერძოდ Adam ოპტიმიზატორი, Batch ნორმალიზაცია, Layer ნორმალიზაცია და საპირისპირო მაგალითების აღმოჩენა». — ნათქვამია xAI ვებსაიტზე.
«შემდგომში ინოვაციური ტექნიკა და ანალიზები შემოვიღეთ, როგორიცაა Transformer-XL, Autoformalization, Memorizing Transformer, Batch Size Scaling და μTransfer. ჩვენ ვმუშაობდით და ვხელმძღვანელობდით სფეროში რამდენიმე ყველაზე პოპულარულ ტექნოლოგიებზე, მათ შორის AlphaStar, AlphaCode, Inception, Minerva, GPT-3.5 და GPT-4».
მასკის გარდა, გუნდის წევრები არიან იგორ ბაბუშკინი, მანუელ კროსი, იუჰაი (ტონი) ვუ, კრისტიან სეგედი, ჯიმი ბა, ტობი პოლენი, როს ნორდინი, კაილ კოსიჩი, გრეგ იანგი, გუოდონგ ჟანგი და ზიჰანგ დაი.
როგორ იყენებენ დიზაინერები და არქიტექტორები ხელოვნურ ინტელექტს
ავტორი: ალესია კარნაუხოვა. ბლოგი თავდაპირელად გამოქვეყნდა dev.ua-ზე.
ხელოვნური ინტელექტი სულ ურო ფართოდ გამოიყენება სხვადასხვა სფეროში. მისი სწრაფი განვითარება იწვევს მითქმა-მოთქმას ზოგიერთი პროფესიის გაქრობის შესახებ, რომელიც ადვილად შეიძლება ჩაანაცვლოს მანქანურმა გონებამ.
მას არ შეუძლია, სრულად შეცვალოს ადამიანური აზროვნება, მაგრამ შეუძლია, მნიშვნელოვნად გაამარტივოს რუტინული სამუშაო და გახდეს კრეატიულობის შთაგონების წყაროც კი.
ნეიროქსელებთან მუშაობა არქიტექტორებმა და დიზაინერებმაც დაიწყეს. რით შეიძლება იყოს ის მათთვის სასარგებლო და როგორ უნდა გამოიყენონ მისი პოტენციალი მაქსიმალურად — ZIKZAK Architects-ის გუნდი მოგიყვებათ.
გენერაციული AI-ის 4 ტიპი, რომელიც ჩვენს სამყაროს გარდაქმნის
ტერმინი «გენერაციული AI» ხელოვნური ინტელექტის შედარებით ახალ სფეროს ეხება, რომელსაც ადამიანის მსგავსი შინაარსის შექმნა შეუძლია — სურათებიდან და ვიდეოებიდან დაწყებული, პოეზიითა და კომპიუტერული კოდებით დამთავრებული.