პორტუგალიაში, ქალაქ ლისაბონში ტექნოლოგიურ სამყაროში ყველაზე მნიშვნელოვან და მასშტაბურ კონფერენციაზე, Web Summit-ზე, სხვა ქართილ სტარტაპებთან ერთად, Helio.AI-ც მონაწილეობს.
Helio.AI რეკრუტინგის მართვის ინოვაციური სისტემაა, რომელიც ხელოვნური ინტელექტის გამოყენებით კომპანიებს პროცესების ავტომატიზაციაში ეხმარება.
პორტუგალიაში, ქალაქ ლისაბონში ტექნოლოგიურ სამყაროში ყველაზე მნიშვნელოვან და მასშტაბურ კონფერენციაზე, Web Summit-ზე, სხვა ქართილ სტარტაპებთან ერთად, Helio.AI-ც მონაწილეობს.
Helio.AI რეკრუტინგის მართვის ინოვაციური სისტემაა, რომელიც ხელოვნური ინტელექტის გამოყენებით კომპანიებს პროცესების ავტომატიზაციაში ეხმარება.
Web Summit-ზე Helio.AI სტარტაპ პროგრამით არის წარმოდგენილი. ეს მოიცავს სტენდს, სადაც სტარტაპის დამფუძნებლები ვიზიტორებს პროდუქტს აცნობენ.
გარდა ამისა, ვებსამიტი იდეალური სივრცეა ნეთვორქინგისთვის, პოტენციურ კლიენტებთან და ინვესტორებთან კომუნიკაციისთვის.
«მსგავსი შეხვედრების დროს კიდევ ერთხელ ვხვდებით, რომ გამოცდილების გაზიარება და კომუნიკაცია, განვითარების საუკეთესო საშუალებაა». — ეუბნება Helio.AI-ის წარმომადგენელი, ნინი მოსიაშვილი dev.ge-ს.
ამასთან, როგორც ნინი ამბობს, Helio.AI WebSummit-ის რჩეულ სტარტაპებს შორის მოხვდა და Showcase-ის სცენაზე გასვლის შესაძლებლობა აქვს. ეს ნიშნავს, რომ 16 ნოემბერს Helio-ს წარმომადგენელი შეკრებილ აუდიტორიას სტარტაპისა და პროდუქტის შესახებ სცენიდან მოუყვება.
სტარტაპი 2 თვის წინ შეიქმნა. შესაბამისად, მსგავსი მასშტაბის ღონისძიებაზე პირველად არის წარმოდგენილი.
«სტარტაპის ამდენი ადამიანისთვის გაცნობა ძალიან მნიშვნელოვანია. სულ 2 თვეა რაც გავეშვით და ჩვენი სერვისით უკვე ათეულობით კომპანია სარგებლობს. WebSummit-ზე კიდევ ერთხელ დავრწმუნდით, რომ ის საქმე ავირჩიეთ, რომელიც გვიყვარს და ნამდვილად შეგვიძლია შევცვალოთ რეკრუტინგი მსოფლიოში». — ამბობს ნინი.
Web Summit 13 ნოემბერს დაიწყო და 16 ნოემბრამდე გაგრძელდება. მას მსოფლიოს 160 ქვეყნიდან 70 000 ადამიანი ესწრება — ასეულობით სტარტაპი და ტექნოლოგიური ორგანიზაცია. მათ შორის, არაერთი სტარტაპი და საერთაშორისო სტატუსის მქონე კომპანია საქართველოდან.
