Guardian-ის ტექნოლოგიების ყოფილი რედაქტორი, ჩარლზ არტური ამტკიცებს, რომ Google-მა ონლაინ რეკლამებში დომინანტური პოზიცია უკანონოდ გამოიყენა და იმ ინფორმაციის გავრცელება შეამცირა, რომელსაც გამომცემლები იყენებდნენ.
Guardian-ის ტექნოლოგიების ყოფილი რედაქტორი, ჩარლზ არტური ამტკიცებს, რომ Google-მა ონლაინ რეკლამებში დომინანტური პოზიცია უკანონოდ გამოიყენა და იმ ინფორმაციის გავრცელება შეამცირა, რომელსაც გამომცემლები იყენებდნენ.
Google-ის წინააღმდეგ სარჩელი 3,4 მილიარდი ფუნტის (4,2 მილიარდი დოლარი) კომპენსაციის მოთხოვნით შეიტანეს.
კომპანიამ განაცხადა, რომ სპეკულაციურ ქმედებებს ენერგიულად შეებრძოლება და სიმართლეს დაამტკიცებს.
ეს Google-ის წინააღმდეგ უკვე მეორე მსგავსი სარჩელია. პირველი შემთხვევა Ofcom-ის (თავრობის მიერ დამტკიცებული მარეგულირებელი ორგანო გაერთიანებული სამეფოში) ყოფილ დირექტორს, კლაუდიო პოლაკს უკავშირდება, რომელიც ტექნოლოგიური გიგანტისგან 13,6 მილიარდ ფუნტამდე ზარალის ანაზღაურებას ითხოვს.
საქმე სარეკლამო ტექნოლოგიას — adtech-ს ეხება, წამში იღებს გადაწყვეტილებას, რომელი რეკლამა ანახონ მომხმარებლებს, რამდენი დაჯდება და რამდენს გამოიმუშავებენ გამომცემლები.
სარეკლამო ტექნოლოგიაში Google-ის დომინაციის საქმეს დიდი ბრიტანეთის კონკურენციის მარეგულირებელი, კონკურენციისა და ბაზრის ორგანო (CMA) იკვლევს.
სარჩელში არტური ამტკიცებს, რომ Google-ის მიერ პოზიციის ბოროტად გამოყენების გამო, adtech სერვისების ფასები გაიზარდა და გამომცემლების შემოსავალი, რომელსაც რეკლამებით გამოიმუშავებდნენ, უკანონოდ შემცირდა.
«CMA ამჟამად Google-ის ანტიკონკურენტულ ქცევას იკვლევს, მაგრამ უფლება არ აქვთ, რომ მათ კომპენსაციის გადახდა მოსთოვონ. ჩვენ ამის გამოსწორება მხოლოდ სასამართლოს საშუალებით შეგვიძლია». — წერს არტური.
Google-მა თავის სარეკლამო ინსტრუმენტებზე ისაუბრა და აღნიშნა, რომ მათი მთავარი მიზანი ვებსაიტებისა და აპლიკაციების დახმარებაა.
«ჩვენი adtech მილიონობით ვებსაიტსა და აპს კონტენტის დაფინანსებაში ეხმარება და საშუალებას აძლევს, მოხმარებლებამდე ეფექტურად მიაღწიონ». — განაცხადეს კომპანიაში.
მიუხედავად იმისა, რომ CMA-მ დაადგინა, რომ Google adtech-ის სახით უდიდეს პროვაიდერს ფლობდა კომპანია მაინც ამტკიცებს, რომ მას ბევრი კონკურენტი ჰყავს. ასევე ამბობს, რომ მისი adtech-ის საფასური დაბალია, ან ინდუსტრიის საშუალო მაჩვენებლებს ემთხვევა.
საქმეში, რომელიც იანვარში დაიწყო, აშშ-ს იუსტიციის დეპარტამენტმა Google-ს «ინდუსტრიის ბეჰემოთი» უწოდა, რომელმაც ლეგიტიმური კონკურენციის წესები დაარღვია.
სხვათაშორის, 2021 წელს ფრანგულმა მარეგულირებელმა, Autorité de la Concurrence-მა Google სარეკლამო სექტორის წესების დარღვევის გამო 220 მილიონი ევროთი დააჯარიმა.
