მიმდინარე კვირას Google-ის თანამშრომლებმა ამერიკაში საპროტესტო აქციები მოაწყვეს, რათა მხარი დაუჭირონ ახლახან გათავისუფლებულ თანამშრომლებს. ისინი ასევე მოითხოვენ, კომპანიამ ყურადღება მიაქციოს მათ სამუშაო პირობებს.
მიმდინარე კვირას Google-ის თანამშრომლებმა ამერიკაში საპროტესტო აქციები მოაწყვეს, რათა მხარი დაუჭირონ ახლახან გათავისუფლებულ თანამშრომლებს. ისინი ასევე მოითხოვენ, კომპანიამ ყურადღება მიაქციოს მათ სამუშაო პირობებს.
აქციები მოყვა Google-ის მიერ ისტორიაში ყველაზე მეტი თანამშრომლის, 12 000 ადამიანის გათავისუფლებას. ბოლო თვეებში დიდი რაოდენობით თანამშრომელი სხვა მსხვილმა ტექნიკურმა კომპანიებმაც გაუშვეს. მათ შორისაა: Microsoft, Salesforce, Meta, Amazon, Intel, Spotify.
ნიუ-იორკში Google-ის მაღაზიასთან საპროტესტო აქცია მას შემდეგ დაიწყო, რაც Google-ის მშობელმა კომპანიამ Alphabet-მა მეოთხე კვარტალში 13.6 მილიარდი დოლარის მოგების შესახებ განაცხადა.
«Google-მა 12 000 თანამშრომლის სამსახურიდან გათავისუფლებით საკუთარი საძირკვეკლი გაანადგურა. აშკარაა, რომ მცირე დანაზოგი, რომელსაც კომპანია თანაშრომლების გათავისუფლებით ჯიბეში იდებს, არაფერია გასულ კვარტალში მიღებულ მოგებასა და აქციების შესყიდვებზე დახარჯულ თანხასთან შედარებით». — თქვა პროგრამული უზრუნველყოფის ინჟინერმა ალბერტა დევორმა.
პროტესტის ორგანიზატორები Google-ის თანამშრომლები არიან. გამოსვლებში მონაწილეობენ კომპანიის ქვეკონტრაქტორები.
«დღევანდელი დღე გვიჩვენებს, რომ ზოგიერთი საკითხი, რომლებზეც ჩვენ ვსაუბრობთ, გავლენას ახდენს ყველა თანამშრომელზე, მიუხედავად იმისა, თუ რა არის მათი სამუშაო ან სტატუსი». — თქვა დევორმა, რომელიც Google-ში სამ წელზე მეტი ხნის განმავლობაში მუშაობდა.
1-ლ თებერვალს კალიფორნიაში გამართულ მიტინგზე ათობით ქვეკონტრაქტორმა ისაუბრა მუშაობის უხარისხო პირობებზე. მათი თქმით, კომპანიაში დაბალი ხელფასებია, შეღავათები კი არ არის. Google-ში მათი საქმე კონტენტის მიმოხილვა, YouTube კლიპების, შეურაცხმყოფელი და მგრძნობიარე მასალის რეკლამების ძიებაა. პროტესტის მონაწილე თანამშრომლები ამბობენ, რომ მათი ანაზღაურება ბევრად ჩამოუვარდება Google-ის მინიმალურ სტანდარტებსა და შეღავათებს, რომლებიც პირდაპირი კონტრაქტის მქონე თანამშრომლებს აქვთ.
