ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
30 აგვისტო 2023, 14:47
2023-08-30
Google და Nvidia AI ინფრასტრუქტურის შექმნის მიზნით ერთიანდებიან
29 აგვისტოს ჩიპების მწარმოებელმა, Nvidia-მ Google Cloud-თან პარტნიორობა გამოაცხადა, რათა მომხმარებლებისთვის ახალი AI ინფრასტრუქტურა განავითაროს. კომპანიები აპირებენ გენერაციული AI და მონაცემთა მეცნიერების ინსტრუმენტები შექმნან და მართონ.
Nvidia-ს განცხადებით, ტექნოლოგიური გიგანტები ერთად სხვა კომპანიების მხარდასაჭერად იმუშავებენ, რომლებსაც ახალი მანქანათმცოდნეობის პროდუქტების შესაქმნელად დიდი გამოთვლითი ძალა სჭირდებათ. პარტნიორობა Google-ის ღრუბლოვანი განყოფილების ყოველწლიურ კონფერენციაზე, Google Cloud Next-ზე გამოცხადდა.
«ჩვენ იმ წერტილში ვართ, სადაც დაჩქარებული გამოთვლები და გენერაციული AI გაერთიანდნენ, რათა ინოვაციები უპრეცედენტო ტემპით დააჩქარონ», — აღნიშნაNvidia-ს აღმასრულებელმა დირექტორმა, ჯენსენ ჰუანგმა კომპანიის ბლოგ პოსტში.
«ჩვენი თანამშრომლობა Google Cloud-თან დეველოპერებს დაეხმარება, დააჩქარონ მუშაობა ინფრასტრუქტურასთან, პროგრამულ უზრუნველყოფასთან და სერვისებთან, რომლებიც ენერგოეფექტურობას ზრდის და ხარჯებს ამცირებს». — წერს ჰუანგი.
Google-მა თქვა, რომ თავისი დიდი ენობრივი მოდელი, PaxML, რომელიც კომპანიის ჩათბოტს, Bard-ს ემყარება, ახლა Nvidia-ს აპარატურით მუშაობს, კონკრეტულად ჩიპების მწარმოებლის მძლავრი H100 ჩიპებით. 40 000$-იანი ჩიპები Google-ის სერვერებს აძლიერებს.
«Google Cloud-ს AI-ში ინოვაციების დიდი ისტორია აქვს. კომპანია ზრუნავს, მომხმარებლებისთვის ინოვაციები დააჩქაროს». — თქვა Google Cloud-ის აღმასრულებელმა დირექტორმა, თომას კურიანმა.
Nvidia-ს ჩიპები ახლა Google Cloud-ის ვირტუალურ მანქანებს და VertexAI-ს აძლიერებს, რომელიც Google-ის მანქანური სწავლების ზოგიერთ ყველაზე მოწინავე მოდელს მოიცავს.
როგორ იყენებენ დიზაინერები და არქიტექტორები ხელოვნურ ინტელექტს
ავტორი: ალესია კარნაუხოვა. ბლოგი თავდაპირელად გამოქვეყნდა dev.ua-ზე.
ხელოვნური ინტელექტი სულ ურო ფართოდ გამოიყენება სხვადასხვა სფეროში. მისი სწრაფი განვითარება იწვევს მითქმა-მოთქმას ზოგიერთი პროფესიის გაქრობის შესახებ, რომელიც ადვილად შეიძლება ჩაანაცვლოს მანქანურმა გონებამ.
მას არ შეუძლია, სრულად შეცვალოს ადამიანური აზროვნება, მაგრამ შეუძლია, მნიშვნელოვნად გაამარტივოს რუტინული სამუშაო და გახდეს კრეატიულობის შთაგონების წყაროც კი.
ნეიროქსელებთან მუშაობა არქიტექტორებმა და დიზაინერებმაც დაიწყეს. რით შეიძლება იყოს ის მათთვის სასარგებლო და როგორ უნდა გამოიყენონ მისი პოტენციალი მაქსიმალურად — ZIKZAK Architects-ის გუნდი მოგიყვებათ.
გენერაციული AI-ის 4 ტიპი, რომელიც ჩვენს სამყაროს გარდაქმნის
ტერმინი «გენერაციული AI» ხელოვნური ინტელექტის შედარებით ახალ სფეროს ეხება, რომელსაც ადამიანის მსგავსი შინაარსის შექმნა შეუძლია — სურათებიდან და ვიდეოებიდან დაწყებული, პოეზიითა და კომპიუტერული კოდებით დამთავრებული.