Google, Amazon, Discord, Duolingo — 2024 დიდ ტექ კომპანიებში მასობრივი შემცირებებით დაიწყო
2024 წელი დიდ ტექნოლოგიურ კომპანიებში თანამშრომელთა მასობრივი გათავისუფლებებით დაიწყო.
2024 წელი დიდ ტექნოლოგიურ კომპანიებში თანამშრომელთა მასობრივი გათავისუფლებებით დაიწყო.
2024 წელი დიდ ტექნოლოგიურ კომპანიებში თანამშრომელთა მასობრივი გათავისუფლებებით დაიწყო.
Twitch-მა, ლაივ სტრიმინგ სერვისმა, რომელსაც ძირითადად გეიმერები იყენებენ და რომელსაც Amazon ფლობს, 500 თანამშრომლის გათავისუფლება დააანონსა. ეს თანამშრომელთა მთლიანი რაოდენობის 35%-ია. კომპანიის CEO-მ, დენ კლანსიმ თქვა, რომ Twitch-ს სჭირდება, «სწორი ზომის იყოს, ვინაიდან ჯერჯერობით ის საჭიროზე მნიშვნელოვნად დიდია».
ასევე, 100 ადამიანი გაუშვეს Amazon-ის აუდიო წიგნების განყოფილებიდან.
Amazon-მა გაათავისუფლა რამდენიმე ასეული თანამშრომელი Prime Video-დან და MGM-დან.
Google-მა გაათავისუფლა ათობით დეპარტამენტის ასობით თანამშრომელი, ინჟინრებისა და ჰარდვეარ განყოფილებების ჩათვლით. კომპანიამ ასევე შეამცირა Google Assistant-ის თანამშრომლები.
გათავისუფლებული და კომპანიაში დარჩენილი თანამშრომლები ამბობენ, რომ Google აღარ დააფინანსებს ორცხობილებს კომპანიაში. ასევე, აღარ იქნება მასაჟის სერვისი. მათივე თქმით, Google აღარ უზრუნველყოფს მაღალი დონის ლეპტოპებს არაინჟინერი თანამშრომლებისთვის და მათ Chromebook-ებს გადასცემს. ასევე, ზოგ თანამშრომელს არ ექნება თავისი სამუშაო მაგიდა და მისი სხვებთან განაწილება მოუწევს. «ვფიქრობ, ოცნება დასრულდა». — თქვა ერთ-ერთმა მოქმედმა თანამშრომელმა.
თანამშრომლების 10%-ს ათავისუფლებს Duolingo — აპლიკაცია, რომელიც უცხო ენების შესწავლაში გეხმარება. ჯერჯერობით უცნობია, ზუსტად ვის ოუწევს სამსახურის დატოვება. თუმცა, ზოგიერთმა მედიამ დაწერა, რომ შემცირება არ შეეხებათ სრულ განაკვეთზე მომუშავე თანამშრომლებს.
17%-ს ათავისუფლებს Discord. კომპანიის CEO-ს, ჯეისონ ციტრონის თქმით, სამსახურს დატოვებს 170 ადამიანი, «რათა დარჩენილები მეტად ფოკუსირდნენ და უფრო ეჯაილურად იმუშაონ».
1800 სამუშაო ადგილს ამცირებს თამაშების შემქმნელი კომპანია Unity Software. მიზეზი რესტრუქტურიზაციაა «გრძელვადიანი ზრდისთვის».