Google-მა 1000-მდე თანამშრომელი გაათავისუფლა

დაზარალებული განყოფილებებია Google Assistant, როგორც ცოდნისა და ინფორმაციის პროდუქტის გუნდის რეორგანიზაციის ნაწილი; და Devices and Services PA (DSPA) გუნდი, რომელიც  Pixel, Nest და Fitbit აპარატურას მართავს.

კომპანიამ, რომელსაც 2023 წლის 30 სექტემბრის მდგომარეობით 182,000 თანამშრომელი ჰყავდა, ინფორმაცია დაადასტურა. Google-მ ასევე განაცხადა, რომ სამუშაო ადგილების შემცირება ორგანიზაციული ცვლილებების ნაწილი იყო.

«საუკეთესოდ პოზიციონირებისთვის 2023 წლის მეორე ნახევრის განმავლობაში, ჩვენმა გუნდებმა ცვლილებები განახორციელეს, რათა  უფრო ეფექტურები გამხდარიყვნენ. ზოგიერთი გუნდი ამ ტიპის ორგანიზაციული ცვლილებების განხორციელებას აგრძელებს, რაც  გლობალურად გარკვეულ როლების აღმოფხვრას მოიცავს». — თქვა Google-ის სპიკერმა განცხადებაში.

The Alphabet-ის თანამშრომელთა კავშირმა X-ზე დაწერა, რომ თანამდებობიდან გათავისუფლება «საჭირო არ არის» და კომპანიას არ შეუძლია თანამშრომლების გაშვება მაშინ, როდესაც მილიარდებს გამოიმუშავებს.

Google-მა ასევე  თავისი AR აპარატურის გუნდის წევრების უმეტესი ნაწილი გაათავისუფლა. ცნობილია, რომ Google-ის ახლა ნაცვლად ცალკეული გუნდებისა, ერთი ძირითადი ტექნიკის ინჟინერიის გუნდი ეყოლება, რომელიც Pixel-ზე, Fitbit-სა და Nest-ზე იმუშავებს.

კომპანიამ ასევე დაადასტურა, რომ ამ რესტრუქტურიზაციის ფარგლებში კომპანიას Fitbit-ის თანადამფუძნებლები, ჯეიმს პარკი და ერიკ ფრიდმანიც ტოვებენ.

გასულ წელს, Google-მა თანამშრომლები სხვადასხვა გუნდში გაათავისუფლა, მათ შორის Waze რუკების სერვისში, რეკრუტირების გუნდში და ახალი ამბების განყოფილებაში. ტექნოლოგიურმა გიგანტმა 2023 წლის იანვარში  დაახლოებით 12000 როლი გაათავისუფლა, რაც მისი მუშახელის 6%-ს შეადგენს.

Google კიდევ რამდენიმე ასეულ თანამშრომელს გაათავისუფლებს

თემის მიხედვით

Google კიდევ რამდენიმე ასეულ თანამშრომელს გაათავისუფლებს

Google-ში 16 წლიანი მუშაობის შემდეგ თანამშრომელი ელექტრონული ფოსტით გაათავისუფლეს

თემის მიხედვით

Google-ში 16 წლიანი მუშაობის შემდეგ თანამშრომელი ელექტრონული ფოსტით გაათავისუფლეს