ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
სიახლეების განყოფილება
8 დეკემბერი 2023, 15:52
2023-12-08
Gemini — AI მოდელი, რომლითაც Google-ს GPT 4-ის დაჯაბნა უნდა
„ეს Google-ში AI-ის ახალი ეპოქის დასაწყისია — Gemini-ის ეპოქა». — ამბობს კომპანიის CEO, სუნდარ პიჩაი. Gemini პიჩაიმ საზოგადოების წინაშე პირველად ივნისში, I/O დეველოპერთა კონფერენციაზე წარადგინა. როგორც სუნდარ პიჩაი და Google DeepMind-ის CEO, დემის ჰასაბისი აღწერენ, ეს არის უზარმაზარი წინსვლა AI მოდელის განვითარებაში, რომელიც საბოლოოდ Google-ის თითქმის ყველა პროდუქტზე მოახდენს გავლენას.
„ეს Google-ში AI-ის ახალი ეპოქის დასაწყისია — Gemini-ის ეპოქა». — ამბობს კომპანიის CEO, სუნდარ პიჩაი. Gemini პიჩაიმ საზოგადოების წინაშე პირველად ივნისში, I/O დეველოპერთა კონფერენციაზე წარადგინა. როგორც სუნდარ პიჩაი და Google DeepMind-ის CEO, დემის ჰასაბისი აღწერენ, ეს არის უზარმაზარი წინსვლა AI მოდელის განვითარებაში, რომელიც საბოლოოდ Google-ის თითქმის ყველა პროდუქტზე მოახდენს გავლენას.
Gemini გენერაციული ხელოვნური ინტელექტის ახალი მოდელია. ტექნოლოგიურმა გიგანტმა, რომელიც Gemini-ს აქამდე შემუშავებულთა შორის ყველაზე ძლიერ და ზოგადი დანიშნულების AI-ს უწოდეს, განაცხადა, რომ 2024 წელს დიდი ენობრივი მოდელის (LLM) გაძლიერებას გეგმავს.
Gemini-ს ენობრივი მოდელი მულტიმოდალურია, რაც ნიშნავს, რომ მას სხვადასხვა ტიპის ინფორმაციის აღქმა შეუძლია — როგორც ტექსტის, ისე აუდიოს, ვიდეოსა და ფოტოების.
მაგალითად:
პირველ ფოტოზე Gemini-ს ეკითხებიან, თუ რას ხედავს. Gemini პასუხობს:
«მე ვხედავ ადამიანის მარჯვენა ხელს. ხელი გაშლილია, ჩანს თითები».
მეორე ფოტოზე, ანალოგიურ კითხვაზე Gemini-ს პასუხია:
«ადამიანი აკაკუნებს ხის კარზე».
ხელმისაწვდომი იქნება Gemini-ს 3 სხვადასხვა ვერსია:
Gemini Ultra — ყველაზე დიდი და უნარიანი, უაღრესად რთული ამოცანების შესასრულებლად.
Gemini Pro — ამოცანების ფართო სპექტრისთვის.
Gemini Nano — Android-ის მომხმარებლებისთვის, რომლებსაც Gemini-ზე მომუშავე აპლიკაციების შექმნა სურთ. მაგალითად, Gemini Nano-თი ადამიანები შეძლებენ, Pixel 8 Pro-ს მოდელის სმარტფონზე გაკეთებული აუდიო ჩანაწერების მოკლე შეჯამება გააკეთონ (ჯერჯერობით მხოლოდ ინგლისურ ენაზე).
Google Gemini-ს OpenAI-ის GPT მოდელების კონკურენტად მოიაზრებს. კომპანიის AI ჩატბოტის, Bard-ის ვიცე-პრეზიდენტმა, სისი საიომ თქვა, რომ Gemini Pro-მ GPT-3.5-ს რვა ინდუსტრიიდან ექვსში აჯობა. Google-ის ყველაზე მოწინავე მოდელმა, Gemini Ultra-მ ახალი GPT-4 რვა ნიშნიდან შვიდში დაამარცხა.
Google Bard ახლა Gemini Pro-თი არის განახლებული, რაც Bard-ს საშუალებას აძლევს, უფრო ღრმა და საფუძვლიანი მსჯელობა გაიგოს. Gemini Pro-მხარდაჭერილი Bard ხელმისაწვდომია 170-ზე მეტ ქვეყანაში, მხოლოდ ინგლისურ ენაზე.
კომპანიის განცხადებით, 2024 წლიდან Google Bard Gemini Ultra-სთან იქნება ინტეგრირებული. უახლოეს თვეებში კომპანია Gemini-ს თავის სხვა აპლიკაციებში დაამატებს, მათ შორის ძიებაში, Google Ads-სა და Chrome ბრაუზერში.
როგორ შეიძლება, ხელოვნურმა ინტელექტმა შეცვალოს LGBTQIA+ ადვოკატირება
ახალი AI Comes Out of the Closet — «AI კარადიდან გამოდის» სისტემა მიზნად ისახავს ხელოვნური ინტელექტისა და LGBTQIA+ მხარდაჭერის შერწყმას.
ავტორი: დევიდ სვინი, MIT
დღეს, 21 მაისს ევროპულმა საბჭომ მიიღო ხელოვნური ინტელექტის აქტი — კანონი, რომელიც «მიზნად ისახავს ხელოვნური ინტელექტის წესების ჰარმონიზაციას». ევროპული საბჭო აცხადებს, რომ აქტი მიჰყვება რისკებზე დაფუძნებულ მიდგომას — რაც უფრო მაღალია საზოგადოებისთვის ზიანის მიყენების რისკი, მით უფრო მკაცრია წესები. ეს არის პირველი კანონმდებლობა მსოფლიოში, რომელსაც შეუძლია, დააწესოს ხელოვნური ინტელექტის რეგულირების გლობალური სტანდარტი.