ბოლო რამდენიმე თვის განმავლობაში ტექნოლოგიური სამყარო დიდი ენის მოდელებზე, ჩათბოტებსა და ხელოვნურ ინტელექტზე გადაერთო, რომლებიც ისეთი გიგანტი კომპანიების მიერ არის შემუშავებული, როგორიცაა Microsoft, Google და OpenAI. ტენდენცია Meta-სთვისაც მომხიბვლელი აღმოჩნდა და AI-ით მხარდაჭერილი ენის გენერატორი, სახელად LLaMA გამოუშვა.
ბოლო რამდენიმე თვის განმავლობაში ტექნოლოგიური სამყარო დიდი ენის მოდელებზე, ჩათბოტებსა და ხელოვნურ ინტელექტზე გადაერთო, რომლებიც ისეთი გიგანტი კომპანიების მიერ არის შემუშავებული, როგორიცაა Microsoft, Google და OpenAI. ტენდენცია Meta-სთვისაც მომხიბვლელი აღმოჩნდა და AI-ით მხარდაჭერილი ენის გენერატორი, სახელად LLaMA გამოუშვა.
LLaMA ChatGPT-ის ან Bing-ის მსგავსი არ არის — კერძოდ, ეს არ არის სისტემა, როემელსაც ადამიანთან კომუნიკაცია შეუძლია. პირიქით — კვლევის ინსტრუმენტია, რომელსაც სწრაფად ცვალებად და განვითარებად სამყაროში მნიშვნელოვანი ფუნქცია გააჩნია.
სხვა სიტყვებით რომ ვთქვათ, LLaMa ექსპერტებს ხელოვნური ინტელექტთან დაკავშრებული პრობლემების აღმოჩენასში, გამოკვლევასა და აღმოფხვრაში ეხმარება — მიკერძოებულობიდან და ტოქსიკურობიდან დაწყებული, ჰალუცინაციებით დამთავრებული.
სწორედ ამ მიზნის სრულყოფისთვის Meta-მ LLaMa გამოუშვა, რომელიც რეალურად არა ერთი, არამედ რამდენიმე სხვადასხვა ზომის მოდელისგან შედგება. როგორც კომპანია ამბობს, მოდელი კვლევით სამუშაოებზეა ორიენტირებული და უნივერსიტეტებისთვის, არასამთავრობო ორგანიზაციებისთვისა და ლაბორატორიებისთვის სარგებლის მომტანია.
«გვჯერა, რომ AI-ით დაინტერესებულმა საზოგადოებამ — აკადემიურმა მკვლევრებმა, სამოქალაქო საზოგადოებამ, თუნდაც პოლიტიკოსებმა და ტექნოლოგიურ ინდუსტრიაში მყოფმა პროფესიონალებმა — დახვეწილი და სრულყოფილი ხელოვნური ინტელექტის შექმნაზე გაერთიანებული ძალებით უნდა იმუშაონ. მოუთმენლად ველით იმის ხილვას, რას შექმნის საზოგადოება LLaMA-ს გამოყენებითა და დახმარებით». — წერს კომპანია თებერვალში გამოქვეყნებულ ბლოგპოსტში.
Meta ამტკიცებს, რომ LLaMA მოდელის მეორე ვერსია, LLaMA-13B, იმაზე გაცილებით უკეთ მუშაობს, ვიდრე OpenAI-ის პოპულარული GPT-3 მოდელი. ხოლო ყველაზე სრულყოფილი — LLaMA-65B ისეთ მოდელებს უწევს კონკურენციას, როგორიცაა DeepMind’s Chinchilla70B და Google’s PaLM 540B.
LLaMA-13B-ს შეუძლია მონაცემთა ცენტრში მუშაონაც შეუძლია. ეს მცირე დაწესებულებებისთვის, რომლებსაც ამ სისტემაზე ტესტების ჩატარება სურთ, დადებითი სიახლეა. თუმცა, დამოუკიდებელი მკვლევრებისთვის, ვისთვისაც საჭირო აღჭურვილობა მიუწვდომელია, არაფერს ნიშნავს.
Meta-მ ხელოვნური ინტელექტის სამყაროში თავის დამკვიდრება რამდენიმე წლის წინაც სცადა. მისი AI მოდელი BlenderBot საშინელი მუშაობისა და ფუნქციების გამო გააკრიტიკეს. მეორე მოდელი, სახელად Galactica, რომელიც სამეცნიერო ნაშრომების დასაწერად შეიქმნა, ოფლაინ გათიშული იყო და გაუგებარ წინადადებს წერდა.
LLaMa-ს შემთხვევაში კომპანია პოზიტიურად არის განწყობილი და თვლის, რომ მომხმარებლების იმედებს აუცილებლად გაამართლებს.
«ჩვენი ღირებულებების ერთგულები ვართ. ჩვენს ახალ მოდელს ხელოვნური ინტელექტის მკვლევართა საზოგადოებისთვის ხელმისაწვდომს გავხდით და AI-ის განვითარებასა და სრულყოფას ხელს შევუწყობთ». — თქვა Meta-ს აღმასრულებელმა დირექტორმა, მარკ ცუკერბერგმა.
