ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

გაეროს ქალთა სტატუსის კომისიაზე BTU-ს რექტორი, ნინო ენუქიძე სიტყვით გამოვიდა

14 მარტს, ნიუ-იორკში გამართულ გაეროს ქალთა სტატუსის 67-ე კომისიაზე BTU-ს პროექტზე, ,კოდინგის სკოლა ქალებისთვის» იმსჯელეს. ღონისძიებაზე ექსპერტ პანელისტის რანგში სიტყვით ბიზნესისა და ტექნოლოგიების უნივერსიტეტის რექტორი, ნინო ენუქიძე გამოვიდა.

კომენტარის დატოვება
გაეროს ქალთა სტატუსის კომისიაზე BTU-ს რექტორი, ნინო ენუქიძე სიტყვით გამოვიდა

14 მარტს, ნიუ-იორკში გამართულ გაეროს ქალთა სტატუსის 67-ე კომისიაზე BTU-ს პროექტზე, ,კოდინგის სკოლა ქალებისთვის» იმსჯელეს. ღონისძიებაზე ექსპერტ პანელისტის რანგში სიტყვით ბიზნესისა და ტექნოლოგიების უნივერსიტეტის რექტორი, ნინო ენუქიძე გამოვიდა.

«კოდინგის სკოლა ქალებისთვის» BTU-ში 2019 წელს გაეროს ქალთა ორგანიზაციასთან პარტნიორობით დაფუძნდა. პროექტი გაეროს მიერ შემუშავებული ქალთა გაძლიერების მეოთხე პრინციპს პასუხობს, რომელიც ქალების განათლების, პროფესიული მომზადებისა და განვითარების ხელშეწყობას გულისხმობს.

კომისიაზე ნინო ენუქიძემ ციფრულ ეპოქაში ქალებისთვის თანაბარ საგანმანათლებლო შესაძლებლობებზე ისაუბრა. 

ნინო ენუქიძე
«დღეს აღარ არსებობს ინდუსტრია, რომელიც ციფრულ ტრანსფორმაციას არ განიცდის. ტექნოლოგიები ეკონომიკური ზრდის დიდი აქსელერატორად იქცა. ამის პარალელურად, ქალები ტექნოლოგიურ განვითარებაში ნაკლებად არიან ჩართული. მეტიც, Global Gender Gap Report-ის თანახმად, კიდევ 132 წელია საჭირო, რომ ტექნოლოგიებში გენდერული ბალანსი დაცული იყოს. ამ პროცესში დიდი როლი განათლებას აქვს. ტექნოლოგიები თანაბრად ხელმისაწვდომი უნდა იყოს ქალებისა და გოგოებისთვისაც. ამისთვის კი საჭიროა, განხორციელდეს სრულად დაფინანსებული პროგრამები, გაიცეს სტიპენდიები და გრანტები».

მან საქართველოში არსებულ ვითარებაზე, კოდირების სკოლაზე, მის მიზნებსა და შედეგებზე დეტალურად ისაუბრა.

ნინო ენუქიძე
«საქართველოში გოგოების მხოლოდ 14-15% ირჩევს ტექნოლოგიურ კარიერას. ქალები ცალსახა უმცირესობაში არიან. მიუხედავად ამ ყველაფრისა, მე ღრმად მწამს, რომ ჩვენ შევძლებთ პოზიტიური ცვლილებების განხორციელებას, რაც დიდ გავლენას მოახდენს მიმდინარე პროცესებზე. და ჩვენ ეს უკვე დავიწყეთ. სიამაყით ვაცხადებ, რომ პროექტში,500 ქალი ტექში» გადავამზადეთ არა მხოლოდ ქალები საქართველოს სხვადასხვა რეგიონიდან და ოკუპირებული ტერიტორიებიდან, სადაც რუსეთმა შეზღუდა მათი არჩევანის თავისუფლება, არამედ დევნილი ქალები უკრაინიდან, რომელთაც ტექნოლოგიების სხვადასხვა კურსები შევასწავლეთ».   

მთავარი მესიჯი, რომელიც ენუქიძემ კომისიაზე გააჟღერა, ქართველი ქალების ბრძოლისუნარიანობას, რთულ ცხოვრებასა და გენდერულ დისბალანს ეხებოდა. მისი თქმით, საქართველოში უამრავ ქალს შეხვდებით, რომლებსაც თამამი ნაბიჯების გადადგმის არ ეშინიათ.

«საქართველოში ნახავთ ქალებს, რომლებიც ყველა წინაღობის მიუხედავად, არჩევანის თავისუფლებისთვის ბრძოლას აგრძელებენ. მათ, ვისთვისაც პროფესიას სქესი და ინტერესს საზღვარი არ აქვს. მათ, ვინც უკან არ იხევს, იმის გამო რომ მათი როლი, უფლებები და პასუხისმგებლობები წინასწარ, სხვების მიერაა განსაზღვრული. და მაინც, ქალები ვაწყდებით ძალადობას გენდერული ნიშნით, შევიწროებას და ფემიციდს, უთანასწორო ანაზღაურებას და უმაღლეს რგოლში მუშაობის შეზღუდვებს, მეწარმე ქალთა მცირე რიცხვს და გამოწვევებს ფინანსებთან წვდომაში, აუნაზღაურებელ საშინაო სამუშაოს, ციფრულ უთანასწორობას და სხვა მრავალ პრობლემას». — განაცხადა ნინო ენუქიძემ.

გაეროს ქალთა სტატუსის კომისიის სხდომა ყოველწლიური ღონისძიებაა, რომელიც სხვადასხვა აქტუალურ თემას მოიცავს. მიმდინარე კომისიის თემა «ინოვაციები და ტექნოლოგიური ცვლილებები, განათლება ციფრულ ეპოქაში გენდერული ბალანსის მისაღწევად და ქალების გასაძლიერებლად» გახლდათ. სესიებში, როგორც წესი, მონაწილეობას მაღალი რანგის დელეგატები მსოფლიოს ყველა ქვეყნიდან იღებენ.

dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თემის მიხედვით
dev.ge-ზე ვაკანსიების სერვისი ამოქმედდა
USAID და BTU საქართველოს 6 რეგიონიდან 1500 ქალს ICT მიმართულებით გადაამზადებს
USAID და BTU საქართველოს 6 რეგიონიდან 1500 ქალს ICT მიმართულებით გადაამზადებს
თემის მიხედვით
USAID და BTU საქართველოს 6 რეგიონიდან 1500 ქალს ICT მიმართულებით გადაამზადებს


ასევე წაიკითხეთ
GITA-ს მხარდაჭერითა და StrategEast-ის ორგანიზებით,  საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
გრეის ჰოპერის ჯილდოზე განაცხადების მიღება დაიწყო
გრეის ჰოპერის ჯილდოზე განაცხადების მიღება დაიწყო
გრეის ჰოპერის ჯილდოზე განაცხადების მიღება დაიწყო
კრიპტო ბაზარი USAID-ის პროგრამის ფარგლებში სტაჟირებას აცხადებს
კრიპტო ბაზარი USAID-ის პროგრამის ფარგლებში სტაჟირებას აცხადებს
კრიპტო ბაზარი USAID-ის პროგრამის ფარგლებში სტაჟირებას აცხადებს
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
აგრო-ტექნოლოგიური სტარტაპის, DG Systems-ის აღმასრულებელმა დირექტორმა, თორნიკე მჟავანაძემ dev.ge-სთან იმ საფრთხეებზე ილაპარაკა, რომლებიც რუსული კანონის დამიტკიცებას მოჰყვება. მან აღნიშნა, რომ ამით სტარტაპ ეკოსისტემამ შესაძლოა ინვესტიციები დაკარგოს.
განხილვა
კომენტარები ჯერ არაა.