Facebook მომხმარებელთა მონაცემების არასწორად გამოყენებისთვის დააჯარიმეს
Facebook-ის მფლობელი, Meta, მომხმარებელთა მონაცემების არასწორად გამოყენებისთვის 1,2 მილიარდი ევროთი დააჯარიმეს.
Facebook-ის მფლობელი, Meta, მომხმარებელთა მონაცემების არასწორად გამოყენებისთვის 1,2 მილიარდი ევროთი დააჯარიმეს.
ირლანდიის მონაცემთა დაცვის კომისიის (DPC) მიხედვით, ეს ისტორიაში ყველაზე დიდი ჯარიმაა, რომელიც ევროკავშირის მონაცემთა დაცვის კანონის მიხედვით დაწესებულა.
GDPR წესებს ადგენს, რომლებიც კომპანიებმა მომხმარებლის მონაცემების ევროკავშირის ფარგლებს გარეთ გადაცემის დროს უნდა დაიცვან.
Meta აცხადებს, რომ «გაუმართლებელ და არასაჭირო» გადაწყვეტილებას გაასაჩივრებს.
ამ გადაწყვეტილების არსი სტანდარტული სახელშეკრულებო დებულებების (SCCs) გამოყენებაა, ევროკავშირის მონაცემების აშშ-ში გადასატანად.
ევროკომისიის მიერ მომზადებული ეს სამართლებრივი კონტრაქტები გარანტიებს შეიცავს, რათა პერსონალური მონაცემების ევროპის ფარგლებს გარეთ გადაცემისას მათი დაცვა უზრუნველყონ.
მაგრამ არსებობს შეშფოთება, რომ აშშ-ის დაზვერვას ამ მონაცემებზე წვდომა შეეძლო.
მსხვილ კომპანიებს მონაცემთა გადაცემის რთული ქსელები აქვთ, რომელიც შეიძლება ელ.ფოსტის მისამართებს, ტელეფონის ნომრებს და ფინანსურ ინფორმაციას შეიცავდეს.
Meta ამბობს, რომ მათი ფართო გამოყენება ჯარიმას უსამართლოს ხდის.
Facebook-ის პრეზიდენტმა, ნიკ კლეგმა თქვა: «ამიტომ, ჩვენ იმედგაცრუებული ვართ, რომ იმავე სამართლებრივი მექანიზმის გამოყენებისას დავჯარიმდით, რომელსაც უამრავი სხვა კომპანია იყენებს».
თუმცა კონფიდენციალურობის ჯგუფები ამ პრეცედენტს მიესალმებიან.
კონფიდენციალურობის პროფესიონალთა საერთაშორისო ასოციაციის წარმომადგენელმა, კეიტლინ ფენესიმ თქვა: «ამ რეკორდული ჯარიმის ზომა მის მიერ გაგზავნილი სიგნალის მნიშვნელობას შეესაბამება».
2013 წელს აშშ-ის ეროვნული უსაფრთხოების სააგენტოს ყოფილმა კონტრაქტორმა, ედვარდ სნოუდენმა გაამხილა, რომ ამერიკის ხელისუფლებას ევროპელი მომხმარებლების მონაცემებზე ხელი ისეთი ტექნოლოგიური კომპანიების საშუალებით მიუწვდებოდათ, როგორიცაა Facebook და Google.
ჯარიმის რეკორდული ზომის მიუხედავად, ექსპერტებმა განაცხადეს, რომ მათი აზრით, Meta-ს კონფიდენციალურობის პრაქტიკა და პოლიტიკა არ შეიცვლება.
2021 წელს Amazon ევროკავშირის კონფიდენციალურობის სტანდარტის ანალოგიურად დარღვევისთვის დაჯარიმდა.
ირლანდიის DPC-მ მკაცრი რეგულაციების დარღვევისთვის Meta-ს საკუთრებაში არსებული სხვა ბიზნესი WhatsApp-იც დააჯარიმა.
ტარგეტირებული რეკლამის გამოყენებისთვის ირლანდიამ Meta 390 მლნ ევროთი დააჯარიმა
ტარგეტირებული რეკლამის გამოყენებისთვის ირლანდიამ Meta 390 მლნ ევროთი დააჯარიმა
TikTok ბრიტანეთში «ბავშვთა მონაცემების ბოროტად გამოყენებისთვის» £12.7 მილიონით დაჯარიმდა
TikTok ბრიტანეთში «ბავშვთა მონაცემების ბოროტად გამოყენებისთვის» £12.7 მილიონით დაჯარიმდა
