კონგრესში განხილულმა ახალმა კანონპროექტმა შეიძლება აშშ-ში TikTok აკრძალოს. დონალდ ტრამპი, რომელსაც ადრე შეერთებულ შტატებში TikTok-ის აკრძალვა სურდა, ახლა ამბობს, რომ აპლიკაციას თავადაც გამოიყენებს. ზოგიერთი ადამიანი, ვინც კანონპროექტს მხარს უჭერს, ამტკიცებს, რომ ეს რაიმეს აკრძალვის კანონპროექტი სულაც არ არის.
კონგრესში განხილულმა ახალმა კანონპროექტმა შეიძლება აშშ-ში TikTok აკრძალოს. დონალდ ტრამპი, რომელსაც ადრე შეერთებულ შტატებში TikTok-ის აკრძალვა სურდა, ახლა ამბობს, რომ აპლიკაციას თავადაც გამოიყენებს. ზოგიერთი ადამიანი, ვინც კანონპროექტს მხარს უჭერს, ამტკიცებს, რომ ეს რაიმეს აკრძალვის კანონპროექტი სულაც არ არის.
პასუხი დამოკიდებულია იმაზე, თუ ვის ეკითხებით, მაგრამ ძირითადად, ერთ, თანმიმდევრულ პასუხს ვიღებთ: TikTok ძალიან პოპულარული აპლიკაციაა და ის ჩინურ კომპანიას ეკუთვნის. ცნობილია, რომ ჩინეთის მთავრობა ადგილობრივ კომპანიებს აკონტროლებს. ასე რომ, TikTok-ის კრიტიკოსები წუხან, რომ ჩინეთის მთავრობას შეუძლია, პლატფორმა ამერიკელი მოქალაქეების პერსონალური მონაცემების მოსაპოვებლად გამოიყენოს;
ამერიკელების დაცვის კანონი უცხოელი მოწინააღმდეგეების მიერ კონტროლირებადი აპლიკაციებისგან (The Protecting Americans from Foreign Adversary Controlled Applications Act) აშშ-ში TikTok-ს პირდაპირ არ აკრძალავს. მაგრამ ის პლატფორმას აკრძალავს, თუ ByteDance ამერიკული ოპერაციების არაჩინელ მფლობელებზე მიყიდვაზე უარს იტყვის.
2020 წელს, როდესაც დონალდ ტრამპს სურდა, რომ ByteDance-ს TikTok-ის ამერიკული ოპერაციები ამერიკელი მყიდველისთვის მიეყიდა, ByteDance-მა და Microsoft-მა ამასთან დაკავშირებით ერთმანეთთან ისაუბრეს. თუმცა გარიგება არ შედგა. ამჟამად, ძნელი წარმოსადგენია, რომ Big Tech კომპანია TikTok-ს იყიდის — ბაიდენის ადმინისტრაციის ანტიმონოპოლიური პოზიციის გათვალისწინებით.
ახალი კანონპროექტი TikTok-ს მომხმარებლების ტელეფონებიდან არ წაშლის. მაგრამ ის Apple-სა და Google-ს მათი აპლიკაციების მაღაზიებიდან აპლიკაციის გავრცელებაში ხელს შეუშის, რაც საბოლოოდ TikTok-ს გამოუსადეგარს გახდის.
ის საკმაოდ სწრაფად მოძრაობს: კანონპროექტი რესპუბლიკელმა დეპუტატმა. მაიკ გალაჰერმა და დემოკრატიულმა დეპუტატმა, რაჯა კრიშნამოორთმა გასულ კვირას წარადგინეს; რესპუბლიკელების მიერ კონტროლირებადი პალატა კანონპროექტს, სავარაუდოდ, ამ კვირაში მიიღებს. ამის შემდეგ მას სენატისა და პრეზიდენტის ჯო ბაიდენის დასტური დასჭირდება, რომ კანონად იქცეს.
ByteDance-ს აშშ-ში TikTok-ის ოპერაციების სხვისთვის გადასაცემად 180 დღე ექნება… თუ ეს არ მოხდა, Apple-სა და სხვა Big Tech კომპანიებს მოუწევთ აშშ-ში TikTok-თან მუშაობა შეწყვიტონ, წინააღმდეგ შემთხვევაში ჯარიმები დაეკისრებათ.
საინტერესოა, რომ ჯო ბაიდენი TikTok-ს საპრეზიდენტო კამპანიისთვის იყენებს. მაგრამ ასევე თქვა, რომ აკრძალვის კანონპროექტს მიიღებს.
