ეროვნულ უსაფრთხოებასთან დაკავშირებით აშშ-ის წუხილების მიუხედავად, პრეზიდენტი ჯო ბაიდენი ტიკტოკს შეუერთდა. რამდენიმე წელია, აშშ სამთავრობო უწყებების თანამშრომლებს სამსახურის ტელეფონებზე ტიკტოკ აპლიკაციის ქონას უკრძალავს.
ეროვნულ უსაფრთხოებასთან დაკავშირებით აშშ-ის წუხილების მიუხედავად, პრეზიდენტი ჯო ბაიდენი ტიკტოკს შეუერთდა. რამდენიმე წელია, აშშ სამთავრობო უწყებების თანამშრომლებს სამსახურის ტელეფონებზე ტიკტოკ აპლიკაციის ქონას უკრძალავს.
პრეზიდენტის ანგარიშის სახელია: @bidenhq, პირველი ვიდეო კი გამოქვეყნდა სუპერ ბოულის დღეს, კვირას. ვიდეოს აღწერაში წერია: lol hey guys.
ვიდეოში ბაიდენს ეკითებიან, ამერიკული ფეხბურთის ჩემპიონატის ფინალში რომელ გუნდს უჭერს მხარს: Kansas City Chiefs-ს თუ San Francisco 49ers-ს. პრეზიდენტი კი პასუხობს, რომ Philadelphia Eagles-ს, ვინაიდან მისი ცოლი სწორედ ამ გუნდის გულშემატკივარია და ამიტომ, ასე უფრო მშვიდად დაიძინებს.
ვიდეოში ინტერვიუერი ბაიდენს ასევე ეკითხება, რას ფიქრობს კონსპირაციაზე, რომლის მიხედვითაც, მომღერალ ტეილორ სვიფტის ურთიერთობა Kansas City Chiefs-ის ვარსკვლავთან, ტრავის კელსისთან იყო წინასწარ დაგეგმილი, რათა ხალხის ყურადღება NFL-ის ჩემპიონატისკენ მიპყრობილიყო და საბოლოოდ, ჯო ბაიდენის მეორე ვადით არჩევის მხარდაჭერა უზრუნველეყო.
პასუხად პრეზიდენტმა იხუმრა: «შარში გავეხვევი, თუ ამაზე ვიტყვი».
ჯო ბაიდენის ტიკტოკ ანგარიშსს არა თავად პრეზიდენტი, არამედ მისი ადმინისტრაცია მართავს.
აშშ-ის ხელისუფლება TikTok-ს ებრძვის, მაგრამ ის ახალგაზრდებში უდიდესი პოპულარობით სარგებლობს. TikTok-ზე ხშირად იხილება პოლიტიკური და სოციალური საკითხები. ჯო ბაიდენის ადმინისტრაცია იმედოვნებს, რომ ისინი მეტი ახალგაზრდის მომხრობას შეძლებენ.
უსაფრთხოებასთან დაკავშირებულ საკითებზე კი მაიკლ სტარ ჰოპკინსი, დემოკრატი სტრატეგი, რომელსაც ბარაკ ობამასა და ჰილარი კლინტონის საპრეზიდენტო კამპანიებზე მუშაობის გამოცდილება აქვს, ამბობს, რომ ბევრ დემოკრატს კითხვები აქვს.
«თუმცა, კანდიდატი ამომრჩეველს უნდა შეხვდეს იქ, სადაც ისინი არიან. ჩვენ არ გვაქვს ფუფუნება, უარი ვთქვათ პატფორმაზე, როცა მას რესპუბლიკელებიც იყენებენ».
