Efes საქართველოს მეწარმეობის პროგრამის პრე-აქსელერატორი დაიწყო

პრე-აქსელერაციის პროგრამის შესარჩევ ტურში მონაწილეობა 60-მდე სტარტაპმა მიიღო.

მათი მთავარი მიმართულება ცირკულარული ეკონომიკა, მწვანე მეწარმეობა, მდგრადი განვითარება, სოციალური გავლენა, გარემოს დაცვა და  ენერგოეფექტურობაა.

განაცხადებისა და გასაუბრებების საფუძველზე 9 გუნდი შეირჩა. ისინი მომდევნო 2 კვირის განმავლობაში საკუთარი სტარტაპის განვითარებაზე იზრუნებენ.

შერჩეული მონაწილეები:

• არემარე — ეკოსაგანმანათლებლო, სარეკრეაციო, სადემონსტრაციო სივრცე, რომელიც ხელს უწყობს ეკომეგობრული ცხოვრების წესის დამკვიდრებას, ენერგოეფექტური მშენებლობისა და რეგენერაციული მეურნეობის მიდგომების პოპულარიზაციასა და დანერგვას.
• AI Farmer — სათბურების მართვის ავტომატიზებული სისტემა, რომელიც აერთიანებს კვალიფიცირებული აგრონომების ცოდნას, უახლოეს ტექნოლოგიებსა და ხელოვნური ინტელექტის შესაძლებლობებს.
• მწვანე საჩუქარი — ნარჩენის ეფექტური ლოჯისტიკური სქემით შეგროვება და გადამუშავებული ნარჩენისგან მეორეული, ეკომეგობრული, პროდუქტების დამზადება.
• Preshfood — მობილური აპლიკაცია, რომელიც მომხმარებელს აძლევს შესაძლებლობას შეღავათიან ფასად შეიძინოს საკვები, რომელიც მათთვის საყვარელ კაფეებს, საკონდიტროებსა თუ მაღაზიებს ჭარბად აღმოაჩნდათ.
• ხიბლი — გადამამუშავებელი საწარმო, რომელიც ემსახურება ხილისა და ბოსტნეულის ნარჩენების გადამუშავებასა და კომპოსტირებას.
• DAMSI Block — ენერგოეფექტური და ეკომეგობრული სამშენებლო მასალა, რომელიც მნიშვნელოვანად ამცირებს მშენებლობის ხარჯებს.
• Da Vinci Green Systems — დინამიური სისტემები სათბურებისთვის, რომლებიც მომხმარებელს აძლევს საშუალებას მიიღონ 2-ჯერ მეტი მოსავალი 4-ჯერ ნაკლები ინვესტიციით.
• Ecomap — ცირკულარული ეკონომიკის ციფრული ეკოსისტემა.
• With us — დამგზავრების აპლიკაცია, რომელიც ერთმანეთთან აკავშირებს ერთსა და იმავე მარშრუტზე მიმავალ მძღოლსა და მგზავრს.

პრე-აქსელერატორი ჰიბრიდულ ფორმატში (ონლაინ და ოფლაინ შეხვედრები) ჩატარდება და 12 კვირის განმავლობაში გაგრძელდება. მონაწილეები ცოდნას რამდენიმე მიმართულებით გაიღრამევებენ: პროდუქტის განვითარება და ვალიდაცია, მომხმარებლის სეგმენტაცია, ფასეული შეთავაზება, მარკეტინგი, ბრენდინგი, რეკლამა, გაყიდვები, Impact Measurement, MVP — ტექნიკური პროდუქტის შექმნა, ბიზნესმოდელი და ფინანსები, Pitch Deck, დაფინანსების წყაროების მოძიება. 

პროგრამის დასრულების შემდეგ დემო დღე გაიმართება, სადაც მონაწილე გუნდები 3-თვიანი მუშაობის შედეგებს წარადგენენ.

პრე-აქსელერატორის ორგანიზატორები: EFES Georgia, Impact Hub Tbilisi და Startup Büro არიან. 

dev.ge-ზე ვაკანსიების სერვისი ამოქმედდა

თემის მიხედვით

dev.ge-ზე ვაკანსიების სერვისი ამოქმედდა

რას სთავაზობენ ბიზნესებს სტარტაპ აქსელერატორები საქართველოში

თემის მიხედვით

რას სთავაზობენ ბიზნესებს სტარტაპ აქსელერატორები საქართველოში