Binance-ის აღმასრულებელ დირექტორს ფულის გათეთრების ბრალდება ემუქრება
აშშ-ს პროკურორებმა შესაძლოა კრიპტოვალუტის უმსხვილეს ბირჟა Binance-ს და მის ხელმძღვანელებს ფულის გათეთრებისთვის სანქციები დააკისროს.
აშშ-ს პროკურორებმა შესაძლოა კრიპტოვალუტის უმსხვილეს ბირჟა Binance-ს და მის ხელმძღვანელებს ფულის გათეთრებისთვის სანქციები დააკისროს.
კომპეტენტური ადამიანების თქმით, Binance-ს დამფუძნებელი, ჩანგ პენგ ჟაო კომპანიის იმ აღმასრულებლებს შორისაა, რომლებიც შესაძლოა პროკურატურის მთავარი სამიზნეები იყვნენ.
გავრცელებული ინფორმაციით, საქმეში აშშ-ის იუსტიციის დეპარტამენტის სამი ოფისია ჩართული: ფულის გათეთრებისა და აქტივების აღდგენის განყოფილება (MLARS), ვაშინგტონის დასავლეთ ოლქის პროკურატურა და კრიპტოვალუტის აღსრულების ეროვნული გუნდი.
მოხსენების თანახმად, Binance-ის ადვოკატები ესაუბრნენ DOJ-ის (შეერთებული შტატების იუსტიციის დეპარტამენტი) წარმომადგენლებს შესაძლო საპროცესო გარიგების შესახებ.
Binance-მა საპასუხოდ გამოქვეყნებულ განცხადებაში მიუთითა, რომ უსაფრთხოების თვალსაზრისით მთელ ფინანსურ სექტორში საუკეთესოა.
თავად ჩანგპენგ ჟაომ კი დატვიტა: «უგულებელყავით შიში, გაურკვევლობა და ეჭვი. განაგრძეთ მშენებლობა».
Binance-ის როლი და გავლენა კრიპტო სამყაროში განვითარებულ მოვლენებზე უდიდესია.
Binance-მა და მისმა აღმასრულებელმა დირექტორმა FTX ბირჟის ბოლოდროინდელ კოლაფსზე დიდი გავლენა მოახდინეს. როდესაც FTX-ის გადახდისუუნარობის შესახებ ხმები გავრცელდა, Binance-მა 529 მილიონი აშშ დოლარი FTX ტოკენის მფლობელობაში მოიყვანა, რამაც მის უკვე გაკოტრებულ კონკურენტს ძირი გამოუთხარა. ჟაო ასევე ლიდერია მცდელობაში, ინდუსტრიის სხვა მოთამაშეები მეტად გამჭვირვალედ ოპერირებდნენ.
ამ წლის დასაწყისში, Binance-მა ბლოგპოსტში აღნიშნა, რომ რაიმე სახის უკანონო აქტივობასთან კრიპტოვალუტებით 2021 წელს განხორციელებული ტრანზაქციების მხოლოდ 0,15% იყო დაკავშირებული.
FTX-ის დამფუძნებელი დააკავეს
FTX-ის დამფუძნებელი დააკავეს
Binance-მ FTX-ის დახმარებაზე უარი თქვა, გარიგება არ შედგება
Binance-მ FTX-ის დახმარებაზე უარი თქვა, გარიგება არ შედგება
Binance-ის დამფუძნებელი ჩანგპენგ ჟაო საქართველოშია
Binance-ის დამფუძნებელი ჩანგპენგ ჟაო საქართველოშია
TBC-იმ Binance-სთან პარტნიორობის მემორანდუმი გააფორმა
TBC-იმ Binance-სთან პარტნიორობის მემორანდუმი გააფორმა
