OpenAI ტექსტისა და გამოსახულების უახლეს გენერატორს ფართოდ ხელმისაწვდომს ხდის. კომპანია ChatGPT Plus-ისა და Enterprise-ის მომხმარებლებს ახალ DALL-E 3 მოდელზე წვდომას აძლევს — ის ChatGPT-ის აპში მუშაობს. OpenAI ამბობს, რომ მოდელისთვის უსაფრთხოების დამატებითი ნორმები შეიმუშავა და ის გაფართოებული გამოშვებისთვის მზადაა.
OpenAI ტექსტისა და გამოსახულების უახლეს გენერატორს ფართოდ ხელმისაწვდომს ხდის. კომპანია ChatGPT Plus-ისა და Enterprise-ის მომხმარებლებს ახალ DALL-E 3 მოდელზე წვდომას აძლევს — ის ChatGPT-ის აპში მუშაობს. OpenAI ამბობს, რომ მოდელისთვის უსაფრთხოების დამატებითი ნორმები შეიმუშავა და ის გაფართოებული გამოშვებისთვის მზადაა.
DALL-E 3 პირველად გასულ თვეში დაანონსდა. OpenAI-მ ნათლად აჩვენა, თუ როგორ გაუმჯობესდა ის წინა მოდელთან შედარებით. DALL-E 3 მომხმარებლებს საშუალებას აძლევს, ChatGPT უფრო გრძელი და ვიზუალურად დახვეწილი ბრძანებებისთვის გამოიყენოს. DALL-E 3 Bing Chat-სა და Bing Image Generator-საც დაემატა. ამან Microsoft-ის პლატფორმა პირველი გახადა, რომელმაც მოდელზე უფრო ფართო საჯარო წვდომა შემოიტანა — ChatGPT-მდეც კი.
მავნე გამოსახულებების შესამცირებლად დამცავი მოაჯირები ყოველთვის არ მუშაობდა. მაგალითად, მომხმარებლები მსოფლიო სავაჭრო ცენტრის სურათებს ქმნიდნენ, რომელსაც SpongeBob SquarePants-ის თვითმფრინავი ეჯახებოდა. მას შემდეგაც კი, რაც Microsoft-მა გარკვეული მოთხოვნები დაბლოკა, მომხმარებლებმა ალტერნატიული გზები იპოვეს.
ტექსტისა და გამოსახულების ყველაზე პოპულარული გენერატორები, როგორიცაა Midjourney, Stable Diffusion და DALL-E, ხარვეზებით მუშაობენ. მოდელები საავტორო უფლებებს ხშირად არღვევენ. ამასთან ერთად, ისეთ ფოტოებს ქმნიან, რომლებიც ეთიკურ ნორმებს ცდება.
OpenAI გვპირდება, რომ ამჯერად ბევრად უფრო ფართო ნაბიჯებს გადადგამს და DALL-E 3 წინა მოდელთან შედარებით უფრო დახვეწილი და უსაფრთხო იქნება. კომპანია ამბობს, რომ
«მოდელს ცოცხალი მხატვრების სტილში სურათების შექმნის შესაძლებლობას არ მისცემს. ამასთან ერთად, მუშაობის ხარისხიც საგრძნობლად გაიზრდება.
OpenAI-ს ასევე შიდა ინსტრუმენტი აქვს, რომელიც ამბობს, რომ 99 პროცენტიანი სიზუსტით შეუძლია აღმოაჩინოს ფოტო DALL-E 3-ის მიერ არის გენერირებული თუ არა.
