27 ივნისს, თბილისში, Startup Grind კირა მაკაგონს უმასპინძლებს
Startup Grind-ის ინიციატივით, 27 ივნისს 18:00 საათზე «ქორთიარდ მარიოტში» კომპანია RingCentral Ventures-ის ინოვაციების მიმართულების ხელმძღვანელთან, კირა მაკაგონთან შეხვედრა გაიმართება.
Startup Grind-ის ინიციატივით, 27 ივნისს 18:00 საათზე «ქორთიარდ მარიოტში» კომპანია RingCentral Ventures-ის ინოვაციების მიმართულების ხელმძღვანელთან, კირა მაკაგონთან შეხვედრა გაიმართება.
RingCentral Ventures მიზნად ისახავს, ხელი შეუწყოს იმ მეწარმეებსა და სტარტაპებს, რომლებიც ეფექტური კომუნიკაციისა და კოლაბორაციისთვის ინოვაციურ და თანამედროვე გადაწყვეტებს ქმნიან. კომპანიის მიერ განხორციელებული თითოეული ინვესტიციის მოცულობა კი 250 000-დან 3 მილიონ აშშ დოლარამდე მერყეობს.
შეხვედრის ფარგლებში კირა მაკაგონი სტარტაპების მხრიდან ფონდების მოზიდვის სტრატეგიების შემუშავების ხერხებზე ისაუბრებს — იმ თვისებებზე, რომელიც თითოეულ სტარტაპს უნდა გააჩნდეს კაპიტალის მოზიდვის პროცესში და იმ მახასიათებლებზე, რომლებიც ვენჩურული კაპიტალის (Venture Capital) მქონე კომპანიების დაინტერესებას იწვევს.
შეხვედრაზე დამსწრე საზოგადოებას შესაძლებლობა ექნება კითხვები დასვას და სტარტაპის განვითარებისა და ინვესტორების მოზიდვის შესახებ საერთაშორისო დონის პროფესიონალისგან რჩევები მიიღოს.
შეხვედრის დასრულების შემდეგ კი გაიმართება ნეთვორქინგის სესია, სადაც დამსწრეებს შესაძლებლობა ექნებათ, არაფორმალურ გარემოში შეხვდნენ საერთაშორისო ვენჩურულ კაპიტალისტებს, ადგილობრივ ანგელოზ ინვესტორებს, გაესაუბრონ ინდუსტრიის ექსპერტებს და შეიძინონ ახალი კავშირები.
RingCentral Ventures-ის მიერ განხორციელებული თითოეული ინვესტიციის მოცულობა $250 000 — დან $3 მილიონ აშშ დოლარამდე მერყეობს. 2021 წლიდან კომპანიამ 5 ინვესტიცია განახორციელა.
კირა მაკაგონი RingCentral Ventures-ის გუნდთან ერთად სტარტაპების განვითარებასა და ხელშეწყობაზე უკვე 11 წელია მუშაობს. ამჟამად ის ინოვაციების მიმართულების ხელმძღვანელია და მას კომპანიის გლობალური პროდუქტი, მომხმარებელთა გამოცდილება, ინჟინერია, ქლაუდის ოპერაციები, უსაფრთხოება და IT მიმართულება აბარია.
მაკაგონი აქტიურად იღებდა მონაწილეობას RingCentral Ventures-ის პროდუქტის სტრატეგიის შემუშავებასა და გლობალურ ბაზარზე პოზიციონირებაში. მისი დამსახურებით, კომპანიის მიერ ყოველწლიური შემოსავალი 1.5 მილიარდ აშშ დოლარს გაუტოლდა.
ივლისის ტექნოლოგიური ღონისძიებები საქართველოში
ივლისის ტექნოლოგიური ღონისძიებები საქართველოში
ლევან შალამბერიძე: სტარტაპერებს ვურჩევ, იცოდნენ, სად გავლენ საქართველოს ბაზრის შემდეგ
ლევან შალამბერიძე: სტარტაპერებს ვურჩევ, იცოდნენ, სად გავლენ საქართველოს ბაზრის შემდეგ
