მსოფლიოში ერთ-ერთი წამყვანი სატრანსპორტო კომპანია, ჩინური Didi სამშობლოში აკრძალვიდან 18 თვის შემდეგ ოფიციალურად ბრუნდება. ეს ნაბიჯი ჩინეთის მიერ ბოლო სამი წლის განმავლობაში ინტერნეტსექტორის შეზღუდვების შემსუბუქების ნაწილია.
მსოფლიოში ერთ-ერთი წამყვანი სატრანსპორტო კომპანია, ჩინური Didi სამშობლოში აკრძალვიდან 18 თვის შემდეგ ოფიციალურად ბრუნდება. ეს ნაბიჯი ჩინეთის მიერ ბოლო სამი წლის განმავლობაში ინტერნეტსექტორის შეზღუდვების შემსუბუქების ნაწილია.
2021 წლის ივლისში ჩინეთის ხელისუფლებამ ქვეყნის აპლიკაციების მაღაზიებს Didi-ს ამოღება უბრძანა, რადგან, მათი აზრით, პლატფორმა მომხმარებლების მონაცემებს არალეგალურად აგროვებდა.
იმავე თვის დასაწყისში Didi ნიუ-იორკში გამოვიდა და პირველი გაყიდვებიდან სოლიდური 4 მილიარდიც მოაგროვა. თუმცა, ეს ამბავი პეკინთან დაპირისპირების საფუძველი აღმოჩნდა.
Didi-მ ჩინეთის მთავრობა ვერ დაარწმუნა, რომ მისი მონაცემების შეგროვების პრაქტიკა უსაფრთხო იყო. აშშ-ში საჯაროდ გამოსვლის შემდეგ, სადაც, სავარაუდოდ, ჩინეთის ასობით მილიონი მოქალაქის მონაცემების შეგროვება შეიძლებოდა, ჩინეთის კიბერსივრცის მთავარმა დამკვირვებელმა წელიწადნახევრიანი გამოძიება დაიწყო.
ცოტა ხნის წინ კი კომპანიამ ჩინურ სოციალურ პლატფორმაზე, Weibo-ზე დაწერა, რომ ჩინეთის ხელისუფლებასთან მოლაპარაკებები წარმატებით მიმდინარეობს.
«ჩვენმა კომპანიამ ქვეყნის ხელისუფლებასთან და კიბერუსაფრთხოების მარეგულირებელთან თანამშრომლობისკენ დიდი ნაბიჯები გადადგა. გამოძიების დროს აღმოჩენილი უსაფრთხოების პრობლემები გამოსწორდება».
კიბერუსაფრთხოების მიმოხილვის ოფისმა, რომელიც ინტერნეტ კომაპნიების მიერ მონაცემთა უსაფრთხოების პრობლემების გადასაჭრელად არის შექმინილი, Didi-ს Didi Chuxing-ისთვის ახალი მომხმარებლის რეგისტრაციის განახლების უფლება მისცა.
მონაცემების განახლებასთან ერთად, კომპანიას წესების დარღვევისთვის 1 მილიარდი დოლარის ჯარიმის გადახდაც მოუწევს. Didi აშშ-დანაც ოფიციალურად გავიდა, რაც ჩინეთის ტექნოლოგიური კომპანიებისთვის ხელსაყრელი არჩევანია.
მომხმარებელთა რეგისტრაციის ხელახლა დაწყებამდე, Didi-ს მომხმარებლებს აპლიკაციის გამოყენება ჯერ კიდევ შეეძლოთ, თუ აპლიკაცია უკვე გადმოწერილი ჰქონდათ, თუმცა, ის კონკურენტებმა ალყაში მოაქციეს. მაგალითად, Alibaba-ს რუკების და ნავიგაციის სერვისმა, AutoNavi-მ, მაშინვე მესამე მხარის აგრეგატორის ფუნქცია შეიძინა.
Didi აცხადებს, რომ მომავალში ჩინეთის მთავრობასთან ურთიერთობისას გაცილებით ფრთხილი იქნება.
«მომავალში კომპანია პლატფორმის ინფრასტრუქტურისა და დიდი მონაცემების უსაფრთხოების უზრუნველსაყოფად ეფექტურ მეთოდებს გამოიყენებს, რათა ეროვნული კიბერუსაფრთხოება დაიცვას». — ნათქვამია Weibo-ზე გამოქვეყნებულ პოსტში.
