ჩინური ტექნოლოგიური გიგანტი, Xiaomi აცხადებს, რომ ამ თვეში თავისი პირველი ელექტრომობილის (EV) მიწოდებას დაიწყებს — ეს კომპანიის კონკურენტულ საავტომობილო ინდუსტრიაში შესვლის პირველი მცდელობაა.
ჩინური ტექნოლოგიური გიგანტი, Xiaomi აცხადებს, რომ ამ თვეში თავისი პირველი ელექტრომობილის (EV) მიწოდებას დაიწყებს — ეს კომპანიის კონკურენტულ საავტომობილო ინდუსტრიაში შესვლის პირველი მცდელობაა.
მანქანის ფასი სავარაუდოდ 28 მარტს გახდება ცნობილი.
ჩინეთის სიდიდით მეხუთე სმარტფონების მწარმოებელი აცხადებს, რომ მას შეკვეთების მისაღებად ქვეყნის 29 ქალაქში 59 მაღაზია აქვს.
ეს ხდება მაშინ, როდესაც ჩინეთში ისეთ კომპანიებს შორის, როგორიცაა BYD და Tesla ფასების ომი გრძელდება.
გასულ წელს, Speed Ultra 7 (SU7) წარდგენისას, Xiaomi-ს აღმასრულებელმა დირექტორმა, ლეი ჯუნმა თქვა, რომ კომპანია მსოფლიოში ავტომობილების შემქმნელების ხუთეულში შესვლას ისახავს მიზნად.
Xiaomi-მ განაცხადა, რომ მომდევნო 10 წლის განმავლობაში ავტომობილების ბიზნესში 10 მილიარდი აშშ დოლარის (7,8 მილიარდი ფუნტი) ინვესტიციას განახორციელებს.
ლეიმ თქვა, რომ SU7 «სუპერ ელექტროძრავის» ტექნოლოგიაა, რომელსაც შეუძლია აჩქარდეს უფრო სწრაფად, ვიდრე Tesla-სა და Porsche-ს ზოგიერთ ელექტრომობილს.
SU7-ს პეკინის ქარხანაში ავტომობილების სახელმწიფო მწარმოებელი, BAIC Group დაამზადებს, რომელსაც წელიწადში 200 000 ავტომობილის წარმოება შეუძლია.
Tesla-მ, რომელსაც მულტიმილიარდერი ილონ მასკი ხელმძღვანელობს, ბოლო თვეებში ჩინეთში თავისი მანქანების ღირებულება ათასობით დოლარით შეამცირა, რადგან ადგილობრივმა კონკურენტებმა, როგორიცაა BYD, ასევე დაწიეს ფასები.
დღევანდელი განცხადების შემდეგ Xiaomi-ის აქციები ჰონგ-კონგში 10%-ით გაიზარდა.
