10 ყველაზე ცუდი მიმართულება IT სფეროში მუშაობის დასაწყებად

Business Insider-მა კარიერული ქოუჩებისა და IT-სპეციალისტების გამოკითხვა ჩაატარა, ასევე, Blind, Fishbowl და Reddit ფორუმებიდან ინფორმაცია შეაგროვა. შედეგად გამოცემის ჟურნალისტებმა IT-სფეროში კარიერის დასაწყებად ყველაზე წარუმატებელი პროფესიების სია შეადგინეს. 

გამოცემის ვერსიის თანახმად, ტოპ 10 სწორედ ასე გამოიყურება:

1. ტექნიკური მხარდაჭერის სპეციალისტი — პროფესიის მთავარ მინუსს წარმოადგენს ურთიერთობა რთულ კლიენტებთან, დაბალი ხელფასი რიგით თანამშრომლებში, ასევე განვითარების შეზღუდული შესაძლებლობები. 
2. კლიენტებთან მუშაობის სპეციალისტი — ამ სფეროში დასაქმებულები ასევე უჩივიან რთულ კლიენტებს, ერთფეროვან დავალებებს, სწრაფ ტემპს, ასევე რამდენიმე კლიენტთან ერთდროულად მუშაობის აუცილებლობას. 
3. სოცქსელების კოორდინატორი — პროფესიის მინუსად დაასახელეს მუშაობის მონოტონურობა, ხელფასის ზრდის ხანგრძლივი მოლოდინი, სტრესის მაღალი დონე და კარიერული ზრდის არარსებობა. რამდენიმე სპეციალისტმა ასევე მიუთითა, რომ მათ სხვა სფეროების დავალებების შესრულებაც უწევთ. 
4. IT-რეკრუტერი — პროფესიის უარყოფით მხარედ დაასახელეს სტრესი; ბაზრის არაპროგნოზირებადობა, განმცხადებლების რთული ქცევა და თავად კომპანიების მოთხოვნების არასტაბილურობა, რაც მნიშვნელოვნად ართულებს მიზნების მიღწევას. 
5. ქსელის ინჟინერი — სპეციალობის მინუსი გახდა დაბალი საწყისი ხელფასი, ღამით და შაბათ-კვირას მუშაობის აუცილებლობა, რთული კლიენტები, ასევე მაღალი ფიზიკური დატვირთვა. 
6. კონტენტის მოდერატორი — სამუშაოს მთავარ მინუსს წარმოადგენს აუცილებლობა, ნახო ძალადობის შემცველი კონტენტი, რაც პროვოცირებს ფსიქიკურ აშლილობას; არაა პროფესიული ზრდისა და შტატგარეშე მუშაობის შესაძლებლობა. 
7. პროექტის მენეჯერი — პროფესიის ნაკლად დაასახელეს მაღალი პასუხისმგებლობა იმ პირობებში, როდესაც საკვანძო გადაწყვეტილებების მიღებისას გავლენა მცირეა; სამუშაო უკავშირდება რთულ კლიენტებსა და ეჭვებს საკუთარი მუშაობის მნიშვნელობაზე. 
8. ზედამხედველი Amazon-ში — თანამშრომლები დღეში მინიმუმ რვა საათის განმავლობაში უწყვეტად უყურებენ საწყობის მუშების მუშაობას, რაც ნეგატიურად აისახება მათ ჯანმრთელობაზე — მათ უჩნდებათ თავის ტკივილი, ასევე მხედველობის პრობლემები. გარდა ამისა, ბევრი უჩივის ხისტ გეგმასა და სამუშაოს მკაცრ ტრეკინგს. 
9. კიბერუსაფრთხოების ანალიტიკოსი — ამ სფეროში დასაქმებულები დიდ დროს უთმობენ ჟურნალების დათვალიერებას და მუდმივად ებრძვიან კიბერთავდასხმებს. ამავე დროს, კომპანიის სხვა თანამშრომლები კიბერუსაფრთხოების ანალიტიკოსებს უსარგებლოებად მიიჩნევენ. 
10. მონაცემთა შეყვანის სპეციალისტი — ამ სფეროს მინუსებად დასახელდა შედარებით დაბალი ხელფასი, მაღალი დატვირთვა და ამონაცენის ერთფროვნება. სამუშაო ტოვებს დროისა და ღირებული უნარების კარგვის შეგრძნებას.

ექნება თუ არა გავლენა დიდ კომპანიებში შემცირებებს ქართულ IT ბაზარზე

თემის მიხედვით

ექნება თუ არა გავლენა დიდ კომპანიებში შემცირებებს ქართულ IT ბაზარზე