X Corp, იგივე ტვიტერი სასამართლოში უჩივის ორგანიზაციას სახელწოდებით «ციფრული სიძულვილის წინააღმდეგ ბრძოლის ცენტრი» — ორგანიზაცია ტვიტერის სიძულვილის ენასთან გამკლავების გზებს აკრიტიკებდა მას შემდეგ, რაც კომპანია ილონ მასკმა იყიდა და მისი მართვა დაიწყო.
X Corp, იგივე ტვიტერი სასამართლოში უჩივის ორგანიზაციას სახელწოდებით «ციფრული სიძულვილის წინააღმდეგ ბრძოლის ცენტრი» — ორგანიზაცია ტვიტერის სიძულვილის ენასთან გამკლავების გზებს აკრიტიკებდა მას შემდეგ, რაც კომპანია ილონ მასკმა იყიდა და მისი მართვა დაიწყო.
X-ის სარჩელის თანახმად, რომელიც სან ფრანცისკოს ფედერალურ სასამართლოში შევიდა, CCDH განზრახ ცდილობდა კომპანიის რეპუტაციის შებღალვას და კრიტიკული მოსაზრებების გამოქვეყნებას, რათა პლატფორმაზე რეკლამის განმთავსებლების რიცხვი შეემცირებინა.
სარჩელის მიხედვით, Twitter-დან მონაცემების შეგროვებითა და კონფიდენციალური პირის წახალისებით, არასათანადოდ შეეგროვებინა ინფორმაცია ტვიტერის შესახებ, რათა შემდეგ ეს ინფორმაცია მესამე მხარისთვის გადაეცა, CCDH-მ დაარღვია Twitter-ის მომსახურების პირობები და ფედერალური ჰაკინგ კანონები.
X ასევე ამტკიცებს, რომ CCDH-მა ჩაატარა მასშტაბური კამპანია, რათა გაეჩუმებინა ტვიტერის მომხმარებლები და «მათი ყურადღება გაემახვილებინა იმ შეხედულებებზე, რომლებსაც ისინი სოციალურ მედიაში აქვეყნებენ».
ბრალდებების პასუხად CCDH-ის აღმასრულებელმა დირექტორმა, ირმან აჰმედმა CNN-ს უთხრა, რომ სარჩელის უდიდესი ნაწილი, ფაქტობრივად, «კონფიდენციალურ პირს ეხება, რაც მისთვის კონსპირაციის თეორიას უფრო ჰყავს».
«სიმართლე ის არის, რომ მან [ილონ მასკმა] დაიწყო თავისი, როგორც კომპანიის CEO-ს წარუმატებლობის მიზეზის სხვებში ძიება. იმიტომ რომ ყველამ ვიცით, რომ როცა კომპანიის მართვა ხელში მან აიღო და თქვა, რომ „ამიერიდან ტვიტერი გამოხატვის თავისუფლების პლატფორმაა“, სიგნალი გაუგზავნა რასისტებს, მიზოგინებს, ჰომოფობებს და ანტისემიტებს. და ახლა უკვირს, როცა ადამიანებს შეუძლიათ, ეს პლატფორმაზე სიძულვილისა და დისკრიმინაციის ზრდაწს დაუკავშირონ. ილონ მასკი თითქოს სარკეს უჩივის იმის გამო, რომ არ მოსწონს ის, რასაც ხედავს». — განაცხადა ირმან აჰმედმა.
მისივე თქმით, ბოლო 24 საათში «ციფრული სიძულვილის წინააღმდეგ ბრძოლის ცენტრის» ვებასიტს ათასობით ადამიანი სტუმრობდა და ბევრი ფინანსურადაც დაეხმარა.
ტვიტერმა, ახლა უკვე X-მა სარჩელის შეტანამდე განაცხადა, რომ ორგანიზაციას რეკლამის შესახებ ფედერალური კანონის დარღვევის შესახებაც უჩივლებდა. თუმცა, სარჩელში ამის შესახებ არაფერია ნათქვამი.
