სიახლეების განყოფილება მსოფლიო 2 აგვისტო 2023, 13:49

სახელი TweetDeck-საც შეეცვალა და ახლა XPro ჰქვია

მას შემდეგ, რაც ილონ მასკის გადაწყვეტილებით, სოციალურ ქსელ ტვიტერს სახელი შეეცვალა და X ეწოდა, TweetDeck-ის დროც დადგა.

TweetDeck-ს ახლა XPro ჰქვია.

Name is changing to XPro. Will come with a wide range of psy op plugins.
— Elon Musk (@elonmusk) July 28, 2023

TweetDeck ინსტრუმენტია, რომელიც მომხმარებლებს ტვიტერის ანგარიშის მართვაში ეხმარებათ. ის ტვიტერის ინტერფეისშია ინტეგრირებული. ტვიტდექი, ახლა უკვე XPro მომხმარებელს საშუალებას აძლევს, ერთი გვერდით აკონტროლოს რამდენიმე ანგარიში, ასევე, შეიმუშავოს threads, ანუ ტვიტი, რომელსაც კომენტარების სახით გაგრძელება მოჰყვება.

თუმცა, ამ ინსტრუმენტით სარგებლობა, ილონ მასკის პირობებში, მხოლოდ ვერიფიცირებულ მომხმარებლებს შეუძლიათ, ვერიფიკაცია კი ფასიანია და $8 ღირს.

ილონ მასკმა Twitter 2022 წლის ოქტომბერში $44 მილიარდად იყიდა და მას შემდეგ არაერთი ცვლილება განახორციელა. სამსახურიდან გაათავისუფლა ათასობით ადამიანი, ფასიანი გახადა ლურჯი ნიშანი. შეცვალა სახელიც და სოციალურ ქსელს ახლა X ჰქვია.