სასამართლომ ესპანეთში Telegram-ის დაბლოკვის შესახებ თავისივე ბრძანება შეაჩერა. სასამართლო პოლიციის ანგარიშს ელოდება იმის შესახებ, თუ რა გავლენა აქვს საკომუნიკაციო აპლიკაციას მომხმარებლებზე.
სასამართლომ ესპანეთში Telegram-ის დაბლოკვის შესახებ თავისივე ბრძანება შეაჩერა. სასამართლო პოლიციის ანგარიშს ელოდება იმის შესახებ, თუ რა გავლენა აქვს საკომუნიკაციო აპლიკაციას მომხმარებლებზე.
სასამართლომ Telegram-ის დაბლოკვის გადაწყვეტილება მას შემდეგ მიიღო, რაც რამდენიმე მედია-კომპანიამ იჩივლა — მათი განცხადებით, Telegram თავის მომხმარებლებს საშუალებას აძლევს, მათი კონტენტი უნებართვოდ გამოიყენონ. ბრძანება ორშაბათს, 25 მარტს უნდა ამოქმედებულიყო.
თუმცა, 25 მარტს მოსამართლე სანტიაგო პედრაზმა თავისივე გადაწყვეტილება გააუქმა.
Telegram-მა Reuters-ის კითხვებს არ უპასუხა.
გამოძიების პროცესში მოსამართლე სანტიაგო პედრაზმა მოითხოვა ინფორმაცია იმ მომხმარებლების ვინაობის შესახებ, რომლებმაც შესაძლოა დაცული კონტენტი უკანონოდ გააზიარეს ოფშორული ზონიდან — ვირჯინიის კუნძულებიდან, სადაც რუსული აპლიკაცია Telegram — დაფუძნებული პაველ დუროვის მიერ, რეგისტრირებულია, როგორც ბიზნესი.
ესპანეთის მომხმარებელთა ასოციაცია FACUA-მ განაცხადა, რომ მიესალმა «იმ ფაქტს, რომ მის მიერ გამოცემულ ბრძანებაზე Telegram-ის შეჩერების შესახებ გამოხმაურებამ აიძულა სასამართლო, დაფიქრებულიყო იმ უზარმაზარ გავლენაზე, რაც მას მოჰყვებოდა». FACUA იმედოვნებს, რომ პოლიციის დასკვნა გამოიწვევს სასამართლოს ბრძანების საბოლოოდ გაუქმებას.
