WhatsApp-ს არხების Instagram-ის მსგავსი ფუნქცია ექნება

Meta-მ დღეს WhatsApp-ის არხები 150-ზე მეტ ქვეყანაში გაუშვა.

არხები არის კერძო, ცალმხრივი სამაუწყებლო ჯგუფები ცნობილი ადამიანებისთვის, არასამთავრობო ორგანიზაციებისთვის და სხვა საჯაროდ ხილული ფიგურებისთვის, რათა ფოლოვერებისთვის ინფორმაცია გაავრცელონ, ისევე როგორც ეს შეუძლიათ Telegram-სა და Instagram-ის არხებზე. Meta-მ არხების ფუნქცია მესენჯერზე თებერვალში და ფეისბუქზე გასულ წელს შემოიტანა. 

WhatsApp-ის მომხმარებლებს არხებთან შეერთება მოქმედი მოწვევის ბმულით შეეძლებათ. აპი მომხმარებლებს ტელეფონის ნომრებს და იდენტობას  არ გაუმჟღავნებს. არხებით გაგზავნილი შეტყობინებები ხელმისაწვდომი იქნება 30-დღიანი პერიოდის განმავლობაში, მაგრამ არ იქნება ბოლომდე დაშიფრული, როგორც კომუნიკაციის ყველა სხვა ფორმა WhatsApp-ზე.

არხები ძირითადად განკუთვნილია არხის მფლობელის განცხადებებისთვის. მიუხედავად იმისა, რომ არხის ფოლოვერებს შეუძლიათ პოსტებზე რეაგირება მოახდინონ და ხმა მისცენ გამოკითხვებში, ისინი არხებზე გამოქვეყნებას  ვერ შეძლებენ.

Meta ინდოეთის კრიკეტის ეროვნულ გუნდთან და ინდოელ ცნობილ სახეებთან  თანამშრომლობდა, მათ შორის: Diljit Dosanjh, Neha Kakkar და Katrina Kaif, რათა ფუნქცია ინდოეთში გაეშა და პოპულარული გაეხადა. სწორედ ინდოეთში ჰყავს WhatsApp-ს ყველაზე მეტი მომხმარებელი მსოფლიოში  — 487 მილიონი ადამიანი. აშშ-ში კომპანია თანამშრომლობდა მუსიკოსებთან, როგორიცაა ოლივია როდრიგო და დევიდ გეტა.

თუმცა, მომხმარებლები შეშფოთებულნი არიან რეკლამებისა და «რეკომენდებული» არხების პოტენციური გაზრდით.

Instagram მომხმარებელთა პრეტენზიებს დაფინანსებულ კონტენტთან და შემოთავაზებულ პოსტებთან დაკავშირებით აწყდება, Telegram-ის მომხმარებლები ასევე იმედგაცრუებულნი არიან პლატფორმაზე განთავსებული რეკლამებით. მომხმარებლები შეშფოთებულნი არიან, რომ WhatsApp-ის ახალმა ფუნქციამ შეიძლება სერვისის ფუნდამენტური ბუნება შეცვალოს, რომელიც ჯერ კიდევ სხვაგვარად არის ორიენტირებული შეტყობინებებზე.