Web Summit-ის აღმასრულებელი დირექტორი, პედი კოსგრეივი თანამდებობიდან გადადგა მას შემდეგ, რაც რამდენიმე დიდი კომპანია ყოველწლიურ ტექნოლოგიურ კონფერენციას გამოეთიშა. მიზეზი ისრაელ-ჰამასის ომთან დაკავშირებით კოსგრეივის გაკეთებული კომენტარებია.
Web Summit-ის აღმასრულებელი დირექტორი, პედი კოსგრეივი თანამდებობიდან გადადგა მას შემდეგ, რაც რამდენიმე დიდი კომპანია ყოველწლიურ ტექნოლოგიურ კონფერენციას გამოეთიშა. მიზეზი ისრაელ-ჰამასის ომთან დაკავშირებით კოსგრეივის გაკეთებული კომენტარებია.
«სამწუხაროდ, ჩემი პირადი კომენტარები ღონისძიების, ჩვენი გუნდის, სპონსორების, სტარტაპებისა და დამსწრე საზოგადოების ზიანის მომტანი აღმოჩნდა». — თქვა კოსგრეივმა. — «კიდევ ერთხელ გულწრფელად ბოდიშს ვიხდი ნებისმიერი ზიანისთვის, რომელიც ამან გამოიწვია».
Web Summit-ის აღმასრულებელი დირექტორმა თანამდებობა X-ზე გამოქვეყნებული კომენტარებიდან 10 დღის შემდეგ დატოვა. ის ღაზაში ისრაელის ომს გმობს. 13 ოქტომბერს მან დაწერა: «ომის დანაშაული ომის დანაშაულია მაშინაც კი, როდესაც მოკავშირეების მიერ არის ჩადენილი და შესაბამისად უნდა დაისაჯოს».
კოსგრეივმა ასევე 7 ოქტომბერს ჰამასის მებრძოლების თავდასხმებიც დაგმო, რომლებმაც ისრაელში, ხელისუფლების ცნობით, დაახლოებით 1400 ადამიანი იმსხვერპლა.
თავდასხმებიდან ორი კვირის შემდეგ ისრაელის ჯარებმა ღაზას სექტორი დაბომბეს — დაიღუპა მინიმუმ 4,385 ადამიანი.
კოსგრეივის კომენტარებამდე ერთი დღით ადრე, უფლებადამცველმა ორგანიზაცია Amnesty International-მა განაცხადა, რომ ღაზაში მშვიდობიანი მოსახლეობის «კოლექტიური დასჯა» ომის დანაშაულად ითვლება.
კოსგრეივმა Web Summit-ის ბლოგზე თითქმის 600-სიტყვიანი განცხადება გამოაქვეყნა, რომელშიც ბოდიშს იხდიდა და თავისი პოზიციის განმარტვას ცდილობდა.
«მე ჰამასის 7 ოქტომბრის ბოროტ, ამაზრზენ თავდასხმას უპირობოდ ვგმობ. ასევე მათ ყველა მძევლის გათავისუფლებისკენ მოვუწოდენ». — წერს ის. -"ისრაელის უფლებას არსებობდეს და დაიცვას საკუთარი თავი ცალსახად მხარს ვუჭერ. ასევე მჯერა, რომ თავის დაცვისას ისრაელმა საერთაშორისო სამართალი და ჟენევის კონვენციები უნდა გაითვალისწინოს, ანუ არ ჩაიდინოს ომის დანაშაულები».
აღმასრულებელი დირექტორის თავდაპირველ კომენტარებს ტექნოლოგიური გიგანტების მხრიდან სწრაფი რეაქცია მოჰყვა, მათ შორის Google-ის მშობელი კომპანია Alphabet-ისგან, Meta-სგან, Siemens-სა და Amazon-სგან, რომლებმაც კონფერენცია დატოვეს. წლევანდელი კონფერენცია 13-16 ნოემბერს ლისაბონშია დაგეგმილი.
Web Summit-ის სპიკერმა CNN-ს განუცხადა, რომ კომპანია ახალ აღმასრულებელ დირექტორს რაც შეიძლება მალე დანიშნავს.
«2023 წლის Web Summit ლისაბონში ჩატარდება ისე, როგორც დაგეგმილია». — დასძინა სპიკერმა.
41 წლის კოსგრეივმა Web Summit 2009 წელს დევიდ კელსთან და დაირი ჰიკისთან ერთად დააფუძნა.
