ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

უკრაინული მობილური ოპერატორი, Kyivstar მასშტაბური კიბერთავდასხმის ობიექტი გახდა

უკვე მესამე დღეა, მილიონობით უკრაინელი მობილური და ინტერნეტსერვისის გარეშეა დარჩენილი. მიზეზი ქვეყნის უდიდეს სატელეკომუნიკაციო ოპერატორზე მასშტაბური კიბერთავდასხმაა. 

კომენტარის დატოვება
უკრაინული მობილური ოპერატორი, Kyivstar მასშტაბური კიბერთავდასხმის ობიექტი გახდა

უკვე მესამე დღეა, მილიონობით უკრაინელი მობილური და ინტერნეტსერვისის გარეშეა დარჩენილი. მიზეზი ქვეყნის უდიდეს სატელეკომუნიკაციო ოპერატორზე მასშტაბური კიბერთავდასხმაა. 

რა მოხდა? 

12 დეკემბრის დილას უკრაინის მოსახლეობის ნახევარზე მეტმა — 24.3 მილიონმა ადამიანმა აღმოაჩინა, რომ ყველანაირ მობილური სიგნალზე წვდომა შეზღუდული აქვს. ეს უდიდესი პრობლემაა ქვეყნისთვის, რომელიც ომის პირობებში მობილურ ტელეფონებზეა დამოკიდებული — სწორედ სმარტფონებით იღებენ ისინი სიგნალებს რუსული თავდასხმებისა და თავშესაფრების შესახებ.  

ამასთან, მთელი ქვეყნის მასშტაბით, მაღაზიები ვერ ახერხებდნენ, მიეღოთ გადახდები საბანკო ბარათებით, არ მუშაობდა ბანკომატები და ლვივში ქუჩების ავტომატური განათებაც კი გაითიშა. 

რა იყო მიზეზი? 

ძალიან მალე გაირკვა, რომ მიზეზი Kyivstar-ზე განხორციელებული კიბერთავდასხმაა, მიყენებული ზიანი კი — ძალიან სერიოზული და მასშტაბური. 

Kyivstar-ის აღმასრულებელმა დირექტორმა, ოლექსანდრ კომაროვმა Kyiv Post-ს უთხრა: 

«ეს იყო კარგად დაგეგმილი და პროფესიონალური კიბერთავდასხმა ყველა პერსპექტივიდან — არა მხოლოდ კივერ, არამედ ტელეკომის პერსპექტივიდან. ინფრასტრუქტურას უდიდესი ზარალი მიადგა». 

რაც შეეხება იმას, თუ კონკრეტულად როგორ განხორციელდა კიბერთავდასხმა — კომაროვი ამბობს, რომ «ტექნიკოსებმა პერიმეტრულ დაუცველობას მიაგნეს, რომელიც ჰაკერებმა სათავისოდ გამოიყენეს». 

როდის მოგვარდება პრობლემა? 

ოლექსანდრ კომაროვმა Kyiv Post-თან თქვა, რომ «საუკეთესო შემთხვევაში, სერვისის მიწოდება ნაწილობრივ ოთხშაბათს, 13 დეკემბერს აღდგებოდა».

«ეს — საუკეთესო შემთხვევაში, ჩვენ ჯერაც პრობლემების აღმოჩენის პროცესში ვართ. ეს პირველი პრობლემაა. მეორე პრობლემა ის არის, რომ აღდგენის შემდეგ არ დავტოვოთ დაუცველობა, რათა მტერმა არ გამოიყენოს. ვიმეორებ — ჯერ წინ ბევრი სიურპრიზი გველოდება».  

13 დეკემბრის დილას კომპანიამ განაცხადა, რომ მან ნაწილობრივ აღადგინა ფიქსირებული კომუნიკაციები.

ვინ დგას თავდასხმის უკან?

ცხადია, მთავარი ეჭვმიტანილი რუსეთია. თავდასხმის მასშტაბი ცხადად მიუთითებს, რომ ეს სახელმწიფო აქტორებმა ჩაიდინეს. 

კონფიდენციალურმა წყარომ უკრაინული უსაფრთხოების სამსახურიდან Reuters-ს განუცხადა, რომ შემოწმების შედეგად გაირკვა, რომ ბოლო დღეებში «ამ ქსელებზე დიდი რუსული ტრაფიკი შეინიშნებოდა». 

უკრაინა, საერთაშორისო პარტნიორების დახმარებით, რუსული კიბერთავდასხმებს წლების განმავლობაში წარმატებით უმკლავდებოდა. 

2022 წლის თებერვალში, რუსეთის უკრაინაში შეჭრის შემდეგ კიბერთავდასხმების სიხშირე გაიზარდა. თუმცა, მათ პირველ წარმატებას სწორედ Kyivstar-ის წინააღმდეგ მიაღწიეს. 

«ჩემთვის ეს ომის ნაწილია. ეს კიბერ-ომია კრიტიკული მნიშვნელობის ინფრასტრუქტურის წინააღმდეგ». — ამბობს ოლექსანდრ კომაროვი. 

მომხდარის შესახებ უკრაინის უსაფრთხოების სამსახურმა გამოძიება დაიწყო. უწყების განცხადებით, კიბერთავდასხმის მიღმა რუსული სპეცსამსახურები დგანან. 

ამასთან, 13 დეკემბრის დილას რუსულმა ჰაკერულმა ჯგუფმა, სახელად Solntsepek განაცხადა, რომ ამ თავდასხმაზე პასუხისმგებლობას იღებს. 

«ჩვენ, Solntsepek ჰაკერები ვიღებთ სრულ პასუხისმგებლობას Kyivstar-ის წინააღმდეგ მომხდარ თავდასხმაზე. ჩვენ მივიტანეთ იერიში მასზე, ვინაიდან ეს კომპანია უზრუნველყოფს უკრაინის შეიარაღებული ძალების, ისევე, როგორც უკრაინული სამთავრობო უწყებებისა და სამართალდამცავი სტრუქტურების კომუნიკაციებს. მივმართავთ ყველა სხვა უწყებას, რომელიც უკრაინის სამხედრო ძალებს ეხმარება — მოემზადეთ». — წერია Solntsepek-ის ტელეგრამ არხზე. 

მათ ასევე განაცხადეს, რომ დააზიანეს დიდი რაოდენობით კომპიუტერები, თუმცა, Kyivstar-მა ეს ცნობა უარყო

განახორციელა თუ არა თავდასხმა უშუალოდ Solntsepek-მა, უცნობია. ვინც არ უნდა ყოფილიყო, ეს ვერ მოხდებოდა რუსეთის ხელისუფლების უშუალო ბრძანებისა და ნებართვის გარეშე. 

დაზარალდნენ თუ არა უკრაინის შეიარაღებული ძალები?

Kyivstar-ის სპიკერი, ვოლოდიმირ ფიტიო ირწმუნება, რომ არა — «უხერხულობა» მხოლოდ სამოქალაქო პირებს ექმნებათ. 

ილონ მასკი ადასტურებს რომ უკრაინას სტარლინკი ​რუსეთზე კონტრშეტევის დროს გაუთიშა 
ილონ მასკი ადასტურებს, რომ უკრაინას სტარლინკი ​რუსეთზე კონტრშეტევის დროს გაუთიშა 
თემის მიხედვით
ილონ მასკი ადასტურებს, რომ უკრაინას სტარლინკი ​რუსეთზე კონტრშეტევის დროს გაუთიშა 
უკრაინას სურს ციფრული თავდასხმები ომის დანაშაულად კვალიფიცირდეს
უკრაინას სურს, ციფრული თავდასხმები ომის დანაშაულად კვალიფიცირდეს
თემის მიხედვით
უკრაინას სურს, ციფრული თავდასხმები ომის დანაშაულად კვალიფიცირდეს


ასევე წაიკითხეთ
EU-მ Yandex-ის თანადამფუძნებელს, არკადი ვოლოჟს სანქციები მოუხსნა 
EU-მ Yandex-ის თანადამფუძნებელს, არკადი ვოლოჟს სანქციები მოუხსნა 
EU-მ Yandex-ის თანადამფუძნებელს, არკადი ვოლოჟს სანქციები მოუხსნა 
adtech  — როგორ იყენებდა პენტაგონი რეკლამას თვალთვალისთვის
adtech — როგორ იყენებდა პენტაგონი რეკლამას თვალთვალისთვის
adtech — როგორ იყენებდა პენტაგონი რეკლამას თვალთვალისთვის
2019 წელს სამთავრობო კონტრაქტორმა და ტექნოლოგმა, მაიკ იეგლიმ,  ვაშინგტონში ვიზიტები დაიწყო. მას ქვეყნის ეროვნული უსაფრთხოების დაწესებულებაში ყველასთვის, ვინც მოუსმენდა, მკვეთრი და მნიშვნელოვანი გაფრთხილება ჰქონდა: აშშ-ის მთავრობას Grindr-ის პრობლემა ჰქონდა. სტატია თავდაპირველად გამოქვეყნდა Wired-ში
AI ფორუმს მართავს რუსული კომპანია, რომელიც ირიბად KGB-სთან თანამშრომლობს
AI ფორუმს მართავს რუსული კომპანია, რომელიც ირიბად KGB-სთან თანამშრომლობს
AI ფორუმს მართავს რუსული კომპანია, რომელიც ირიბად KGB-სთან თანამშრომლობს
OpenTalks.AI — ასე ჰქვია ღონისძებას, რომელიც 6-7 მარტს თბილისში, Axis Pullman-ში იმართება და რომელიც რუსული კომპანია IP Laboratory-ის მიერ ორგანიზებული. IP Laboratory აღნიშნავს, რომ OpenTalks მათი მთავარი ღონისძიებაა. 
მშობელმა კომპანიამ Yandex $5 მილიარდად გაყიდა და რუსეთიდან გავიდა
მშობელმა კომპანიამ Yandex $5 მილიარდად გაყიდა და რუსეთიდან გავიდა
მშობელმა კომპანიამ Yandex $5 მილიარდად გაყიდა და რუსეთიდან გავიდა
განხილვა
კომენტარები ჯერ არაა.