Anonymous: ჩვენ გავთიშეთ „ქართული ოცნების" და POSTV-ის საიტები
ანონომური ჰაკერების საერთაშორისო მოძრაობა Anonymous აცხადებს, რომ მათ გამორთეს პროპაგანდისტული მედია POSTV-ის და მმართველი პარტია «ქართული ოცნების» ვებსაიტები.
ანონომური ჰაკერების საერთაშორისო მოძრაობა Anonymous აცხადებს, რომ მათ გამორთეს პროპაგანდისტული მედია POSTV-ის და მმართველი პარტია «ქართული ოცნების» ვებსაიტები.
საიტები უკვე რამდენიმე საათია, გამორთულია.
Anonymous-ის განცხადებაში წერია:
«ანომიმუსმა» წაშალა საქართველოს მმართველი პარტიის (http://gd.ge) და მასთან დაკავშირებული პროპაგანდისტული მედია POSTV-ის (http://postv.media) ვებგვერდები.
საქართველოს რუსეთის მიერ მართულ მარიონეტულ ხელისუფლებას: მიუხედავად ჩვენი გაფრთხილებისა, თქვენ უგულებელყავით ჩვენი მოხოვნა, შეგეწყვიტათ პოლიციური სისასტიკე დემონსტრანტების წინააღდმდეგ და განაგრძეთ მათზე ძალადობა, შევიწროება და დაზიანება. თქვენივე მოქალაქეების წინააღმდეგ არაადამიანური საქციელისთვის ჩვენ გავაგრძელებთ თქვენი მთავრობის ყველა ვებ რესურსის დაზიანებას და გამორთვას.
ეს არ არის მუქარა, ეს პირობაა.
სანამ სამართალი არ იზეიმებს, მას ჰაკერული თავდასხმები და პროტესტი ჩაანაცვლებს. უსაფრთხოებისა და დემოკრატიის მიზეზი გაამართლებს თავდასხმას თქვენს ვირტუალურ ინფრასტრუქტურაზე.
გახსოვდეთ: საქართველო არ არის რუსეთი და არც არასდროს იქნება».
🚨Anonymous has taken down the websites of Georgia’s ruling party (https://t.co/x308tB4f5U) and its affiliated propaganda media outlet POSTV (https://t.co/agcw4dEyOf)
— Anonymous TV 🇺🇦 (@YourAnonTV) May 1, 2024
— To the puppet government of Georgia, controlled by Russia: Despite our warning, you have decided to disregard… pic.twitter.com/6mnCeim9Zn
Anonymous-მა გაფრთხილება ერთი დღით ადრე გამოაქვეყნა. ისინი რუსული კანონის საწინააღმდეგო აქციის მონაწილეების ძალადობივ დარბევას გამოეხმაურნენ. მათ აქციის მონაწილეებს უთხრეს, რომ არ არიან მარტო.
ასევე თქვეს, რომ აქციის მონაწილეებზე თავდასხმა გამოიწვევდა სამთავრობო უწყებების შესახებ ინფორმაციების გავრცელებას.
«ქართულმა ოცნებამ» მეორედ დააინიციირა რუსული კანონი და პირველი მოსმენით მიიღო კიდეც. ის პარლამენტში მეორე მოსმენითაც მიიღეს.
პარალელურად მიმდინარეობს მასშტაბური, მშვიდობიანი საპროტესტო აქციები, რომელსაც ხელისუფლება სპეცრაზმს, წყლის ჭავლს, ცრემლსადენ გაზს და წიწაკის სპრეის უპირისპირებს.
ნალოგიური კანონპროექტი «ქართულმა ოცნებამ» შარშანაც დააინიციირა და პირველი მოსმენით დაამტკიცა კიდეც. თუმცა, მარტში, მასობრივი საპროტესტო გამოსვლების შემდეგ უკან გაიწვია.
ახალ კანონპროექტში ყველა ჩანაწერი უცვლელია, გარდა ერთისა — «უცხოური გავლენის აგენტის» ნაცვლად გამოყენებული იქნება ტერმინი — «უცხოური ძალის ინტერესების გამტარი ორგანიზაცია». შინაარსი უცვლელია და საკუთარი ქვეყნის წინააღმდეგ მუშაობაზე მიუთითებს.
მმართველი პარტიის მიზანია, ყველა ის არასამთავრობო ორგანიზაცია და მედია, რომელთაც დაფინანსების ნაწილი საერთაშორისო წყაროებიდან აქვთ მიღებული — «უცხოური ძალის ინტერესების გამტარ ორგანიზაციად» გამოაცხადონ და შესაბამის ბაზაში რეგისტრაცია დაავალდებულონ.
სწორედ მსგავსი კანონის საფუძველზე დევნიან რუსეთში არასამთავრობო ორგანიზაციებს და მედიებს.
ბექა დალაქიშვილი პროტესტზე: გამარჯვება, თავისუფლება და კეთილდღეობა ძალიან ახლოსაა
ბექა დალაქიშვილი პროტესტზე: გამარჯვება, თავისუფლება და კეთილდღეობა ძალიან ახლოსაა
