ცნობილი ჰაკერი და Twitter-ის ყოფილი თანამშრომელი, რომელიც ამტკიცებდა, რომ კომპანიაში უსაფრთხოების ფართო ხარვეზები იყო, კიბერუსაფრთხოების და ინფრასტრუქტურის უსაფრთხოების სააგენტოში (CISA) სამუშაოდ ბაიდენის ადმინისტრაციას უერთდება.
ცნობილი ჰაკერი და Twitter-ის ყოფილი თანამშრომელი, რომელიც ამტკიცებდა, რომ კომპანიაში უსაფრთხოების ფართო ხარვეზები იყო, კიბერუსაფრთხოების და ინფრასტრუქტურის უსაფრთხოების სააგენტოში (CISA) სამუშაოდ ბაიდენის ადმინისტრაციას უერთდება.
CISA-მ 5 სექტემბერს განაცხადა, რომ მამხილებელი, პეიტერ «მაჯ» ზატკო, სააგენტოს ნახევარ განაკვეთზე შეუერთდა. ინფორმაცია პირველად The Washington Post-მა გამოაქვეყნა.
CISA-ს დირექტორი, ჯენ ისტერლი აღფრთოვანებულია, რომ «უსაფრთხოების ლეგენდარული მკვლევარი», ზატკო მის გუნდს შეუერთდა. მისი თქმით, პიეტერი CISA-ს გეგმების განხორციელებაში დაეხმარება.
«მოხარული ვარ განვაცხადო, რომ პეიტერ „მაჯ“ ზატკო CISA-ს გუნდს შეუერთდა! მაჯ ნახევარ განაკვეთზე შემოგვიერთდება, რათა უსაფრთხოების კულტურა ერთობლივად ჩამოვაყალიბოთ». — თქვა CISA-ს დირექტორმა, ჯენ ისტერლიმ.
ზატკომ თქვა, რომ მას პატივი აქვს საჯარო სამსახურს ოფიციალურად დაუბრუნდეს და CISA-სთან იმუშაოს.
«კიბერუსაფრთხოება იყო მექანიზმი, რომლის მეშვეობითაც მე გავლენა მქონდა. ამ მიმართულებით ჩემი ცხოვრება ინოვაციების სფეროს წინსვლას მივუძღვენი. ამის გაკეთებას ყოველთვის ვცდილობდი, როგორც საჯარო, ისე კერძო სექტორში. ჩემი მისიის გაგრძელებას მოუთმელნად ველი». — ნათქვამია ზატკოს განცხადებაში.
გასულ წელს, ზატკომ საჩივარი გაავრცელა, რომელშიც ნათქვამია, რომ Twitter-ს, ახლა ცნობილი როგორც X, უსაფრთხოების მნიშვნელოვანი ხარვეზები აქვს და ფედერალური სავაჭრო კომისიის 2011 წლის განკარგულებას არ შეესაბამება.
Twitter-მა იმ დროს ბრალდებები უარყო და აღნიშნა, რომ ისინი «არათანმიმდევრული და არაზუსტია».
