Threads-ის ვებ ვერსია "მომდევნო რამდენიმე კვირაში" გამოვა

Threads-ში მან დაწერა, რომ მომხმარებლები მომდევნო რამდენიმე კვირაში შეძლებენ როგორც ვებ ვერსიის, ასევე საძიებო ფუნქციის გამოყენებას. 

იმავე პოსტში ზაკერბერგმა მიუთითა აპლიკაციის სწრაფ ზრდაზე და დაამატა, რომ ის «აღფრთოვანებულია გუნდის მუშაობის ტემპით».

ამ დროისთვის, Threads-ის პოსტების ნახვა Desktop-ზე შესაძლებელია, თუმცა, როდესაც მომხმარებლები პასუხის, ხელახლა გამოქვეყნების, მოწონების და გაგზავნის ღილაკებს აწკაპუნებენ, QR კოდი ჩნდება და მობილური აპლიკაციის გადმოწერას გთხოვთ. 

ამჟამად Threads-ის ფუნქციები საკმაოდ შეზღუდულია და მომხმარებლებისთვის რთულია თემების ან პოსტების ძიება.

Meta-მ პლატფორმა Thread, რომელიც ფაქტობრივად ტვიტერის ანალოგია, ერთი თვის წინ გაუშვა. პარალელურად, ილონ მასკმა ტვიტერი X-ად შეცვალა, ხოლო ლურჯი ნიშანი ფასიანი გახადა და მისი მიღება ყველას შეუძლია, ვინც 8-11 აშშ დოლარს გადაიხდის. მასკის ქმედებებმა მომხმარებლების უკმაყოფილება გამოიწვია და ზაკერბერგმაც ალტერნატივა უზრუნველყო. 

ხალხი გადმოვიდა Threads-ში, როგორც კი ის გამოვიდა და ერთ კვირაში 100 მილიონ მომხმარებელს მიაღწია. თუმცა, ახლა პლატფორმის აქტიური მომხმარებლების რაოდენობა 50%-ით არის შემცირებული.