Instagram Threads — Meta-მ ტვიტერის კონკურენტი აპლიკაცია გაუშვა
Meta-მ ტვიტერის კონკურენტი აპლიკაცია, Instagram Threads გაუშვა. მარკ ცუკერბერგის თქმით, პირველივე რამდენიმე საათში აპლიკაცია 5 მილიონზე მეტმა მომხმარებელმა გადმოწერა.
Meta-მ ტვიტერის კონკურენტი აპლიკაცია, Instagram Threads გაუშვა. მარკ ცუკერბერგის თქმით, პირველივე რამდენიმე საათში აპლიკაცია 5 მილიონზე მეტმა მომხმარებელმა გადმოწერა.
ექსპერტების განცხადებით, Threads-მა შეიძლება მოიზიდოს ის მომხმარებლები, რომლებიც Twitter-ზე ბოლოდროინდელი ცვლილებებითა და შეზღუდვებით უკმაყოფილოები არიან.
Threads მომხმარებლებს საშუალებას აძლევს, გამოაქვეყნონ პოსტი 500-მდე სიმბოლოთი, ასევე, აქვს ტვიტერის მსგავსი ბევრი სხვა ფუნქცია.
აპლიკაციის გაშვებას უკვე გამოეხმაურა ილონ მასკი. მისი თქმით, «უმჯობესია, იყო თავდასხმის ქვეშ ტვიტერზე, ვიდრე ტკივილის დამმალავ ინსტაგრამზე ყალბი ბედნიერებით დატკბე».
კითხვაზე, აჯობებს თუ არა Threads ტვიტერს, მარკ ცუკერბერგმა უპასუხა რომ ამას დრო დასჭირდება, მაგრამ პლატფორმაზე 1 მილიარდზე მეტ ადამიანს ელოდება.
«ტვიტერს ჰქონდა ამის შესაძლებლობა, მაგრამ ვერ გააკეთა. იმედია, ჩვენ შევძლებთ». — თქვა მან.
Thread-ის გადმოწერა შესაძლებელია მსოფლიოს 100-ზე მეტ ქვეყანაში, მათ შორის, საქართველოშიც. თუმცა, ჯერჯერობით, არ არის ხელმისაწვდომი ევროკავშირის ქვეყნებში, პერსონალურ მონაცემთა შესახებ რეგულაციების გამო.
აპლიკაცია ხელმისაწვდომია როგორც ანდროიდის, ისე ios-ის მომხმარებლებისთვის.
