ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

ტექნოლოგიების გავლენა კინო ინდუსტრიაზე

ტექნოლოგია გარდაქმნის სხვადასხვა ინდუსტრიას. სწორედ ტექნოლოგიებმა მოიტანეს ძირეული ცვლილებები კინოში. შეიცვალა ფილმის გადაღება, პოსტ-პროდიუსინგი, მონტაჟი, დისტრიბუცია და მარკეტინგი. ტექნოლოგია უზრუნველყოფს ინდუსტრიისთვის ძალიან საჭირო უპირატესობას.  მისმა გამოყენებამ გააუმჯობესა კინოს გადაღების ხარისხობრივი ასპექტები, რადგან მოწინავე ტექნოლოგიები უზრუნველყოფს მიმზიდველ და მკაფიო ვიზუალს, გაუმჯობესებულ ხმის ეფექტებს, უფრო მარტივ მონტაჟის ხელსაწყოებს და ფილმების ციფრულ  განაწილებას, რაც მაყურებელს ფილმისგან გამდიდრებულ გამოცდილებას სთავაზობს.

კომენტარის დატოვება
ტექნოლოგიების გავლენა კინო ინდუსტრიაზე

ტექნოლოგია გარდაქმნის სხვადასხვა ინდუსტრიას. სწორედ ტექნოლოგიებმა მოიტანეს ძირეული ცვლილებები კინოში. შეიცვალა ფილმის გადაღება, პოსტ-პროდიუსინგი, მონტაჟი, დისტრიბუცია და მარკეტინგი. ტექნოლოგია უზრუნველყოფს ინდუსტრიისთვის ძალიან საჭირო უპირატესობას.  მისმა გამოყენებამ გააუმჯობესა კინოს გადაღების ხარისხობრივი ასპექტები, რადგან მოწინავე ტექნოლოგიები უზრუნველყოფს მიმზიდველ და მკაფიო ვიზუალს, გაუმჯობესებულ ხმის ეფექტებს, უფრო მარტივ მონტაჟის ხელსაწყოებს და ფილმების ციფრულ  განაწილებას, რაც მაყურებელს ფილმისგან გამდიდრებულ გამოცდილებას სთავაზობს.

მაყურებლის გადმოსახედიდან, ტექნოლოგიური ცვლილება ძალიან თვალსაჩინოა. კინომოყვარულს შეუძლია ისარგებლოს სკრინინგის ინოვაციური ინტერფეისებით, როგორიცაა 3D სათვალე, VR საბურავი, IMAX, 7D და მრავალი სხვა. მაყურებელს შეუძლია ფილმების ყურება OTT (Over The Top) პლატფორმებზე, მაგალითად: Amazon Prime, Netflix, Youtube და რამდენიმე სხვა. ფილმის გადაღების ბიზნესი ახლა მრავალმხრივია. ტექნოლოგიამ მხოლოდ გაამარტივა და გააფართოვა კინოს გადაღების, ფილმების ყურებისა და სხვა ბიზნეს აქტივობების საქმიანობის სფერო.

ტექნოლოგიამ შეცვალა კინოწარმოების საფუძვლები

ფილმის გადაღება დამღლელი პროცესია — ის მოითხოვს ბევრი გამოცდილი პროფესიონალის, მხატვრისა და ტექნიკოსის ერთობლივ ძალისხმევას.

ასევე მიცავს განვითარების უზარმაზარ ხარჯებს და სხვა ტექნიკურ ასპექტებს, მათ შორის, IP უფლებების ჩათვლით. ციფრული ტექნოლოგიების ევოლუციამ გამოიწვია ტრანსფორმაციული ცვლილებები კინოს გადაღების თითქმის ყველა ასპექტში.

ფილმის გადაღება

ციფრულმა კამერებმა შეცვალეს ფილმის გადაღების პროცესი. დიდი ფორმატის სენსორული კამერებისა და ლინზების დახმარებით, შესაძლებელია ფილმების მარტივად გადაღება კადრების მაღალი სიხშირით მკვეთრ 4K, 8K ან HD ფორმატში.

ფოტოგრაფებს შეუძლიათ ჩაატარონ  ექსპერიმენტები, გამოიყენონ მრავალი კუთხის კამერა და სხვადასხვა კონტროლის პანელი, რათა მიიღონ საჭირო ფერებისა და სინათლის სქემა, გაჯერება და სხვ. ციფრული კამერა ასევე საშუალებას აძლევს ფოტოგრაფებს, გადაიღონ რეალურ დროში და დაუყოვნებლივ გამოასწორონ ნებისმიერი შეცდომა.

წარმოების ღირებულება

ტექნოლოგია მართლაც დაეხმარა კინორეჟისორებს ფილმის გადაღების საერთო ხარჯების შემცირებაში. კინორეჟისორებს შეუძლიათ გადაიღონ, დაამონტაჟონ და შეინახონ თავიანთი ფილმების ციფრული ასლები, რაც შედარებით იაფია, ვიდრე ფილმების ფირებით შენახვა.

ციფრული კამერების და სხვა ტექნოლოგიების გამოყენება ხელს უწყობს ფილმის წარმოებას უფრო ნაკლებ დროში, ვიდრე ეს ჩვეულებრივი კინოკამერითაა შესაძლებელი. ციფრული ფორმატი ასევე საშუალებას აძლევს კინორეჟისორებს, მალე დაასრულონ ფილმის გადაღება. 

მონტაჟი

ფილმის მონტაჟი ხდება პოსტ-წარმოების ეტაპზე, სადაც ციფრული ტექნოლოგია ეხმარება მემონტაჟეებს, იმუშაონ რამდენიმე განყოფილებაზე და გააერთიანონ ისინი სუფთა ფილმის მისაღებად.

ჩვენ გვაქვს ფილმის დამონტაჟების მრავალი პროგრამული უზრუნველყოფა, რომლებშიც მემონტაჟეებს შეუძლიათ, ადვილად დააკავშირონ ფილმის ნაწილები, ხმები, სპეციალური ეფექტები და სხვა ელემენტები. 

ციფრული ტექნოლოგიის გამოყენებით, მემონტაჟეს შეუძლია, შეუზღუდავი რაოდენობის შეცდომები დაუშვას და გამოასწოროს ისინი სუფთა შედეგის მისაღებად.

შენახვა

ფირზე გადაღებული ფილმების შენახვა ძალიან შრომატევადი და ძვირი საქმე იყო, რასაც მრავალი ლოგისტიკური გამოწვევა ახლდა თან.

ციფრულმა ფილმებმა შეამსუბუქა ეს საქმე, რადგან ახლა ფილმის შესანახად მხოლოდ რამდენიმე გიგაბაიტია საჭირო. 

ფილმების ციფრული ასლები შესაძლოა ინახებოდეს სერვერებზე. ეს ბევრად უფრო იაფი ჯდება, ვიდრე ფილმის ფირის ფიზიკურ სივრცეში შენახვა.

ფილმის დისტრიბუცია

ციფრულმა ტექნოლოგიამ კინორეჟისორებს საშუალება მისცა, გაავრცელონ თავიანთი ფილმები უფრო ფართო აუდიტორიაზე ფაქტობრივად არარსებული დამატებითი ხარჯით.

კინორეჟისორებს შეუძლიათ, გაავრცელონ თავიანთი ფილმები OTT პლატფორმებზე, რათა აუდიტორიამდე მივიდნენ ტრადიციული კინოთეატრების გარეთაც.

ფილმის უფლებები შეიძლება გადანაწილდეს მომხმარებლებზე ციფრულად, რაც ხსნის ფილმის გავრცელების ახალ, ამაღელვებელ სამყაროს.

ინოვაციურ ტექნოლოგიებს კინემატოგრაფია ახალ საფეხურებზე აჰყავს

უახლესი ტექნოლოგიების გამოყენებით ფილმის გადაღება რევოლუციურია. ჩვენ შეგვიძლია ვნახოთ, როგორ გამოიყენება მოწინავე გაჯეტები, ინოვაციური აუდიოვიზუალური ტექნიკა, აპარატურა და აპლიკაციები მომხიბლავი ვიზუალის მარტივად მოსაწოდებლად.

3D და 4K-8K ტექნოლოგია

3D ეფექტებმა 4K ტექნოლოგიასთან ერთად შეცვალა სამეცნიერო ფანტასტიკის ჟანრის ფილმებისა და ექშენის გამოცდილება.

კინორეჟისორებს შეუძლიათ გამოიყენონ განათების (lucid) კამერა, VR ტექნოლოგია და მაღალი გარჩევადობის ფორმატები სამგანზომილებიანი ვიდეოს გადასაღებად, 4k ან 8k ხარისხით.

ეს ტექნოლოგია კინორეჟისორებს ეხმარება, გადაიღონ წყალქვეშა სცენები, ასევე, სცენები მრავალი კუთხით, რათა მაყურებლამდე მიიტანონ განსაცვიფრებელი გამოცდილება.

დრონები

წავიდა დრო, როდესაც დაბლა მფრინავ თვითმფრინავებს ან ვერტმფრენებს იყენებდნენ პანორამული ან ზედა ხედის სცენების გადასაღებად. ამ კადრებს სტაბილიზაციის პრობლემებთან ერთად, მაღალი ფასიც ჰქონდა.

დრონების შექმნა ძალიან სასარგებლო და მოსახერხებელი აღმოჩნდა. ის კინორეჟისორებს საშუალებას აძლევს, მიიღონ ზედა ხედისა და პანორამული კადრები ძალიან დაბალ ფასად.

დრონები შეიძლება გამოყენებულ იქნას მაღალი ხარისხის action სცენების დახვეწილად გადასაღებად. 

მრავალგანზომილებიანი ფილმის ტექნოლოგია

90-იანი წლების დასაწყისში 3D ფილმების ყურება ქაღალდისგან დამზადებული 3D სათვალეებით იყო შესაძლებელი. მას შემდეგ მკვეთრი ცვლილებები მოხდა მრავალგაზომილებნიანი ფილმების ტექნოლოგიაში. ტექნოლოგია უკვე იმ ეტაპზეა, როდესაც 3D ფილმების ნახვა შესაძლებელია ყოველგვარი მოწყობილობის ან სათვალის გარეშე.

ტექნოლოგიამ გადაინაცვლა 7D, 8D ფილმებზე, სადაც მაყურებელს შეუძლია, განიცადოს კომპიუტერით კონტროლირებადი რხევა, რყევა, დაცემა, აწევა, წყლის შესხურება, ჰაერის ტემპერატურა და სხვა სპეცეფექტები. მრავალგანზომილებიანი ტექნოლოგიები მაყურებელს საშუალებას აძლევს, დატკბეს ფილმის ვიზუალით, სმენით, დინამიკურ და ტაქტილურ ასპექტებთან ერთად.

ორმაგი კამერის ვირტუალური რეალობა

Dual Camera VR  ფილმის გადაღების ინოვაციური ტექნოლოგიაა, რომელიც შემოაქვს რეალურ სამყაროს VR სფეროში.

ამ ტექნოლოგიაში, ერთი კამერა იღებს ფილმის პერსონაჟებს, ხოლო მეორეს შეუძლია გადაიღოს შემოგარენი და გარემო.

როდესაც ორივე ვიზუალი ვირტუალურ რეალობასთან ერთიანდება, ეს მნახველს 360 გრადუსიანი ხედვის საშუალებას აძლევს.

ჭკვიანური სცენარის წერა ხელოვნური ინტელექტის საშუალებით

ფილმების შექმნის ტექნოლოგია ძირითადად მოწყობილობების სიმრავლეს და მომხმარებლებისთვის აუდიოვიზუალური გამოცდილებების გაუმჯობესებას ეხება, მაგრამ რა შეიძლება ითქვას ტექნოლოგიაზე, რომელიც რეალურად ცვლის კინორეჟისორების როლს? ეს არც ისე შორეული მომავლის შესაძლებლობაა. ნიუ-იორკის უნივერსიტეტის მკვლევრებმა ააშენეს ხელოვნური ინტელექტის პროგრამული უზრუნველყოფა, რომელსაც შეუძლია სცენარების დაწერა. საუკეთესო რამ ამ ხელოვნური ინტელექტის მქონე მოაზროვნე რობოტში, რომელსაც ბენჯამინი ჰქვია, არის ის რომ მან შეძლო სიმღერის დაწერა მას შემდეგ, რაც მკვლევრებმა მას 30 000-ზე მეტი სიმღერა ასწავლეს. გთავაზობთ ბენჯამინის სცენარით გადაღებულ ფილმს:

ხელოვნური ინტელექტის მქონე ხმის ინჟინერია და დიზაინი

მიუხედავად იმისა, რომ ხმის ინჟინერიის უნარები და ხელსაწყოები სწრაფად განვითარდა უახლესი ტექნოლოგიების წყალობით, ახლა AI ეხმარება ხმის დიზაინერებს, შექმნან უფრო რეალისტური ხმოვანი ეფექტები მუნჯური კინოს კადრებზე. ახლა ხელოვნური ინტელექტის ბოტები გამოიყენება რეალისტური ხმების გამოსავლენად, რომლებიც შეიძლება მიენიჭოს არჩეულ ვიზუალურ ეფექტს. კომპიუტერებზე მიწოდებული ვიდეოების სწავლით, ხელოვნურ ინტელექტზე მომუშავე ხმის საინჟინრო პროგრამას ახლა შეუძლია აღმოაჩინოს ვიზუალებთან ასოცირებული ხმის ეფექტები და შესაბამისად, უფრო ზუსტად გამოიყენოს ისინი.

3D პრინტერები რეკვიზიტებისა და სცენისთვის

ახლა დეკორატორებს და კინორეჟისორებს შეუძლიათ, თავიანთი ციფრული ნახატები და ილუსტრაციები გადააქციონ მორგებულ 3D ობიექტებად. 3D დაბეჭდილი ობიექტები შეიძლება ძალიან სასარგებლო იყოს სცენარისტისა და დეკორაციის დიზაინერების ფანტაზიის რეალურად ქცევისთვის. იქნება ეს სამეცნიერო ფანტასტიკური ფილმებისთვის თუ სხვა ჟანრებისთვის, 3D პრინტერი ნამდვილად დიდ დახმარებას გაუწევს საქმიანობას.

უკეთესი განათების დიზაინი

გამოთვლით პროგრამებთან ერთად, რომლებიც გამოიყენება სხვადასხვა სინათლის სქემებისა და ფილმის გადასაღებ მოედანზე დიზაინისთვის, გაჩნდა ნათელი სივრცე, რომელიც მოიცავს როგორც განათების მეცნიერებას, ასევე სინათლის დიზაინის ხელოვნებას. კინორეჟისორებისთვის სასურველი სინათლის დიზაინის ჩართვა სქემაში ახლა ბევრად უფრო ადვილია, ვიდრე ოდესმე ყოფილა.

ძლიერი ანიმაცია

დღევანდელ ფილმებში ანიმაცია ძალიან მაღალი ხარისხისაა. უახლესი კომპიუტერით დამხმარე გრაფიკისა და ანიმაციური ტექნოლოგიის წყალობით ყველაზე რთული სამოქმედო სცენები ახლა გრაფიკოსთან ერთად შეიძლება შეიქმნას და ჩაერთოს კადრების თანმიმდევრობაში.

ტექნოლოგია აგრძელებს გავლენის ქონას კინოინდუსტრიაზე და მაყურებლის გამოცდილებაზე. ახალი ვიზუალური ტექნიკა, მოწყობილობები, ხელსაწყოები, ფილმების ყურების ახალ ფორმატებში უახლესი ონლაინ სადისტრიბუციო არხებით, ეს ყველაფერი დღეს ფორმას აძლევს და ცვლის კინოინდუსტრიას.

დიდი ხუთეული და ხელოვნური ინტელექტის რევოლუცია
დიდი ხუთეული და ხელოვნური ინტელექტის რევოლუცია
თემის მიხედვით
დიდი ხუთეული და ხელოვნური ინტელექტის რევოლუცია


ასევე წაიკითხეთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
ევროპარლამენტარებმა მსოფლიოში პირველი ყოვლისმომცველი AI კანონი დაამტკიცეს
ევროპარლამენტარებმა მსოფლიოში პირველი ყოვლისმომცველი AI კანონი დაამტკიცეს
ევროპარლამენტარებმა მსოფლიოში პირველი ყოვლისმომცველი AI კანონი დაამტკიცეს
ევროპარლამენტმა ხელოვნური ინტელექტის (AI) რისკების შემცირების მიზნით მსოფლიოში პირველი ყოვლისმომცველი AI კანონი დაამტკიცა.
GPT-ით გაძლიერებულ ჰუმანოიდ რობოტს საუბარი, მსჯელობა და ქმედებების ახსნა შეუძლია
GPT-ით გაძლიერებულ ჰუმანოიდ რობოტს საუბარი, მსჯელობა და ქმედებების ახსნა შეუძლია
GPT-ით გაძლიერებულ ჰუმანოიდ რობოტს საუბარი, მსჯელობა და ქმედებების ახსნა შეუძლია
LinkedIn 250 AI კურსზე უფასო წვდომას გთავაზობთ
LinkedIn 250 AI კურსზე უფასო წვდომას გთავაზობთ
LinkedIn 250 AI კურსზე უფასო წვდომას გთავაზობთ
საგანმანათლებლო და დასაქმების პლატფორმა, LinkedIn მომხმარებლებს 250 AI კურსზე უფასო წვდომას სთავაზობს. ისინი უფასოდ ხელმისაწვდომი 5 აპრილამდე იქნება. 
განხილვა
კომენტარები ჯერ არაა.