ტექნოლოგიების მნიშვნელოვანი როლი სისხლის სამართლის სფეროში

ისინი, ვინც დღეს სისხლის სამართლის მართლმსაჯულებას სწავლობენ, სიცოცხლის გადარჩენის ფიზიკურ, იურიდიულ და უკვე ტექნოლოგიურ კურსებს გადიან. წარმოგიდგენთ რამდენიმე საინტერესო ტექნოლოგიას, რომლებიც სისხლის სამართლის სფეროში მნიშვნელოვან როლს ასრულებენ.

დიდი მონაცემები

დიდი მონაცემები ყველა სფეროსა და ინდუსტრიის მნიშვნელოვანი ნაწილია. IBM-ის თანახმად, მსოფლიო ყოველდღიურად 2.5 კვინტილიონ მონაცემს აწარმოებს და ამუშავებს. კონკრეტულად სისხლის სამართლის სფეროში, მონაცემთა შეგროვება იურიდიულ ექსპერტებს რამდენიმე გზით ეხმარება. მაგალითად, დნმ და თითის ანაბეჭდი ხშირად მონაცემთა ბაზებში ინახება, რაც ხელს ეჭვმიტანილების უმოკლეს დროში ამოცნობასა და დაჭერას უწყობს. მონაცემები სამართალდამცავებს დანაშაულის ტენდენციის ამოცნობასა და შესაბამისი ზომების მიღებაშიც ეხმარება.

Uniform Crime Reporting Program-ის (სამართალდამცავ ორგანოებში გამოსაყენებლად სანდო სტატისტიკას აწარმოებს) მოხსენებაზე «დანაშაული შეერთებულ შტატებში, 2016» საუბრისას, FBI-ის დირექტორმა, კრისტოფერ რეიმ სამართალდამცავ ორგანოებს ინციდენტების შესახებ მოხსენების ეროვნულ სისტემაზე გადასვლისკენ მოუწოდა. სისტემა აშშ-ში მონაცემთა ყოვლისმომცველი ანგარიშგების მეშვეობით, მიზნად გამჭვირვალობის გაზრდასა და დანაშაულის უფრო მკაფიო ხედვის დამკვიდრებას ისახავს. 

დამატებით, ამერიკის შეერთებული შტატების იუსტიციის დეპარტამენტი დანაშაულის ამოცნობის რამდენიმე საინფორმაციო სისტემასაც ასახელებს, რომლებიც ხელმისაწვდომია როგორც სისხლის სამართლის საზოგადოებისთვის, ასევე არაკრიმინალური მართლმსაჯულების სააგენტოებისთვისაც:

• ეროვნული დანაშაულის საინფორმაციო ცენტრი (NCIC)
• სამართალდამცავი საწარმოების პორტალი (LEEP)
• მონაცემთა ეროვნული გაცვლა (N-DEx)
• შემდეგი თაობის იდენტიფიკაცია (NGI)
• ეროვნული კრიმინალური ფონის შემოწმების სისტემა (NICS)
• მართლმსაჯულებისა და საზოგადოებრივი უსაფრთხოების საერთაშორისო ქსელი (Nlets)

სწრაფი იდენტიფიკაციის სისტემები

დიდი მონაცემების განვითარებამ სწრაფი იდენტიფიკაციის სისტემების ზრდა გამოიწვია, რაც პოლიციელებს საშუალებას აძლევს, პირთა კრიმინალური ისტორია მარტივი ძებნის გზით დაათვალიერონ. მაგალითად, როდესაც ადამიანი მანქანას ყველანაირი მოწმობის გარეშე მართავს, ტექნოლოგია პოლიციელს მისი ამოცნობის საშუალებას მაინც აძლევს. 

FBI-ის შემდეგი თაობის იდენტიფიციკაციის (NGI) სისტემა ბიომეტრიულ მონაცემებს, მათ შორის თითის ანაბეჭდებს, ირისის ამოცნობასა და სახის ამოცნობას იყენებს. NGI-ში არსებული ტექნოლოგიები მუდმივად ახლდება და ვითარდება, რათა NGI გამოსაკვლევი პირის შესახებ უახლესი ინფორმაციის მოსაპოვებლად ყველაზე სრულყოფილ გზად იქცეს.

გამოვლენის, მონიტორინგისა და პოზიციონირების სისტემები

დღეს სამართალდამცავ ორგანოებს ტექნოლოგიების გამოყენება ზუსტად დანაშაულის ჩადენის მომენტში მომხდარი კრიმინალური ქმედებების გამოსავლენად და გამოსაძიებლად შეუძლიათ. რეაგირების ნაცვლად, ეს ტექნოლოგიები სამართალდამცავ ორგანოებს საშუალებას აძლევს უფრო პროაქტიულნი იყვნენ.

გამოვლენის, მონიტორინგისა და პოზიციონირების სისტემების რამდენიმე ტექნოლოგია არსებობს, რომელიც სამართალდამცავ სტრუქტურებს ეხმარება:

დრონები: როდესაც პოლიციას საჰაერო ხედვა სჭირდება, დრონები ტერიტორიის უსაფრთხოდ დათვალიერებას უზრუნველყოფენ.

გლობალური პოზიციონირების სისტემები (GPS): GPS პოლიციელებს არა მხოლოდ დანაშაულის ადგილზე მოხვედრაში ან კრიმინალების უფრო ადვილად პოვნაში, არამედ დეპარტამენტებს საპოლიციო ძალების უკეთ მართვაშიც ეხმარება. 

სროლის ტექნოლოგია: ეს ტექნოლოგია სროლას მყისიერად აფიქსირებს და პოლიციელს ინფორმაციას აწვდის, თუ რამდენი მსროლელი იმყოფება ადგილზე და რამდენი გასროლა მოხდა. ჩიკაგოს პოლიცია ამ ტექნოლოგიას წარმატებით იყენებს, რადგან სროლის ინციდენტები და მკვლელობები 2016 წლიდან 2017 წლამდე რამდენიმე რაიონში მინიმუმ 20%-ით შემცირდა.’

სანომრე ნიშნების სკანირება: ავტომატური სანომრე ნიშნების სკანირების ტექნოლოგია პოლიციელებს საშუალებას აძლევს, მყისიერად დაინახონ, მოიპარეს თუ არა მანქანა მათ რაიონში, ან არსებობს თუ არა მძღოლის დაკავების ორდერი.

სათვალთვალო კამერები: სათვალთვალო კამერებს მოვლენების კონკრეტულ ტერიტორიაზე გადაღება და სამართალდამცავებისთვის ღირებული ინფორმაციის მიწოდება შეუძლიათ.

მანქანის კომპიუტერები

ქაღალდის გარეშე მოხსენების წერის გამოყენებამ შეიძლება ხელი მონაცემთა შეგროვების სიზუსტის გაუმჯობესებას შეუწყოს და პოლიციის ძალებისთვის ფულიც დაზოგოს. მანქანის კომპიუტერები, ისევე როგორც მობილური მოწყობილობები აპლიკაციებით, რომლებიც პოლიციელებს მოხსენების ჩაწერის საშუალებას ტაბლეტებსა და სმარტფონებზე აძლევენ, რამდენიმე უპირატესობას ქმნიან:

• გრამატიკისა და მართლწერის შეცდომები შემცირდა, მათ შორის, ადამიანების სახელების არასწორი მართლწერისა ან ძირითადი ინფორმაციის გამოტოვების შემთხვევები.
• პოლიციის ონლაინ სისტემებში მოხსენებების მყისიერად ატვირთვის შესაძლებლობა, რათა დამუშავება უფრო ეფექტური გახდეს.
• ანგარიშების ავტომატური სარეზერვო ასლი, რაც მოხსენებების დაკარგვასა და დაზიანებას გამორიცხავს — ეს ტექნოლოგია ოფიცრებს ეხმარება, სარეზერვო ასლისთვის დისპეტჩერს დაუკავშირდნენ ან სხვა დახმარება ადგილზე მიიღონ.

სამართალდამცველი რობოტები

მოსალოდნელია, რომ სამართალდამცავების დასახმარებლად რობოტების გამოყენება  მომდევნო 3 წლის განმავლობაში სწრაფი ტემპით გაიზრდება. WinterGreen Research-ის პროგნოზით, სამართალდამცავი რობოტების ბაზარი 2015 წლის $1 მილიარდიდან 2023 წელს $5,7 მილიარდამდე გაიზრდება.

ბარდის კოლეჯის სამართალდამცავი რობოტების მონაცემთა კვლევის ცენტრის მიხედვით, პოლიციის ძალებმა აშშ-ს არმიისგან 2016 წელს რობოტების რეკორდული რაოდენობა შეიძინეს.

დღეს რობოტებს, როგორც წესი, საშიშ სიტუაციებში დაზვერვისთვისა და ბომბების განადგურებისთვის იყენებენ. დუბაიში, არაბეთის გაერთიანებულ საემიროებში, დუბაის რობოტი პოლიციელები მოქალაქეებს ჯარიმებს უწერენ, კითხვებს უსვამენ და მონაცემებსაც უმოწმებენ. პოლიციელის შესაძლებლობების მქონე რობოტები ჩინეთშიც აქტიურად გამოიყენება.

შსს რუსულ და ბელარუსულ პროგრამებს და საექსპერტო ტექნოლოგიას იყენებს

თემის მიხედვით

შსს რუსულ და ბელარუსულ პროგრამებს და საექსპერტო ტექნოლოგიას იყენებს