ცნობილი ციფრული ბანკის, Monzo-ს დამფუძნებელმა, Bigpay-ის CTO-მ საიმონ ვან კოლინამ ბიზნეს ლიდერებთან ერთად, კომპანიის შექმნის ისტორიასა და საკუთარ გამოცდილებაზე დეტალურად ისაუბრა.
როგორც თქვა, Monzo Bank-ში ღია საბანკო ოპერაციებს ხელმძღვანელობდა, ასევე ღია საბანკო სამუშაო ჯგუფის (Open Banking Working Group) წევრი იყო — OPWG-მ დიდ ბრიტანეთში ღია ბანკინგი განსაზღვრა.
Monzo-ს შემდეგ ის Big Pay ბანკის თანადამფუძნებელი და CTO გახდა — ციფრული ბანკი სამხრეთ-აღმოსავლეთ აზიაში, რომელიც მილიონობით მომხმარებელი ჰყავს.
თბილისში შეხვედრაზე საიმონ ვანს კოლინამ განაცხადა, რომ საქართველოს ტექნოლოგიური ბაზრით დაინტერესებულია და ერთ-ერთი ინოვაციური პროექტის გაკეთება სწორედ აქ სურს.
გარდა ამისა, ღონისძიებაზე საბანკო საქმიანობის მომავალსა და «შემდეგი თაობის» Fintech-ზე მოკლე პანელურ დისკუსიაც გაიმართა, რომელმაც აუდიტორიის დიდი ინტერესი გამოიწვია.
ღონისძიება Fintech.ge-ის მიერ იყო დაფინანსებული, ორგანიზებას კი Startup Grind Tbilisi უწევდა, რომელიც Startup Grind-ის გლობალური ქსელის ნაწილია.
