ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
27 ივლისი 2023, 17:00
2023-07-27
Samsung მეხსიერების ჩიპების წარმოებას ამცირებს და AI ჩიპებზე ორიენტირდება
Samsung Electronics მეხსიერების ჩიპების წარმოების შემცირებას აგრძელებს, მათ შორის NAND flash-ის, რომელიც სმარტფონებსა და კომპიუტერებში გამოიყენება. კომპანიამ მიმდინარე წლის მეორე კვარტალში მეხსიერების ჩიპების განყოფილებაში 3,4 მილიარდი აშშ დოლარის (4,36 ტრილიონი ვონი) საოპერაციო ზარალი გამოაცხადა. მეხსიერების ჩიპების მსოფლიოს უდიდესმა მწარმოებელმა ნახევარგამტარების ბიზნესში, ბოლო ექვსი თვის განმავლობაში დაახლოებით 7 მილიარდი აშშ დოლარის ზარალი დააფიქსირა.
Samsung Electronics მეხსიერების ჩიპების წარმოების შემცირებას აგრძელებს, მათ შორის NAND flash-ის, რომელიც სმარტფონებსა და კომპიუტერებში გამოიყენება. კომპანიამ მიმდინარე წლის მეორე კვარტალში მეხსიერების ჩიპების განყოფილებაში 3,4 მილიარდი აშშ დოლარის (4,36 ტრილიონი ვონი) საოპერაციო ზარალი გამოაცხადა. მეხსიერების ჩიპების მსოფლიოს უდიდესმა მწარმოებელმა ნახევარგამტარების ბიზნესში, ბოლო ექვსი თვის განმავლობაში დაახლოებით 7 მილიარდი აშშ დოლარის ზარალი დააფიქსირა.
ტექნოლოგიურმა გიგანტმა ეს გადაწყვეტილება მას შემდეგ მიიღო, რაც მეხსიერების ჩიპების წარმოება აპრილში შეამცირა — კომპანიამ 2009 წლის შემდეგ ყველაზე ცუდი კვარტალური მოგება დააფიქსირა, რადგან სამომხმარებლო მოწყობილობებზე მოთხოვნა შესუსტდა.
თუმცა, Samsung მომავლისთვის უფრო ნათელი AI სურათის შექმნას აპირებს: კომპანიამ თქვა, რომ 2024 წლისთვის, ძლიერი AI მოთხოვნის გამო მაღალი ხარისხის ჩიპების წარმოებას გაზრდის, როგორიცაა, მაგალითად, მაღალი გამტარუნარიანობის მქონე ჩიპი (HBM). HBM, რომელიც ხელოვნურ ინტელექტში, 5G-სა და გრაფიკული დამუშავების აპლიკაციებში გამოიყენება, მონაცემთა უფრო სწრაფ დამუშავებასა და ენერგიის დაბალ მოხმარებას უზრუნველყოფს, ვიდრე ტრადიციული NAND.
«სერვერებზე მოთხოვნა სუსტი დარჩა, რადგან მომხმარებლები მარაგების კორექტირებას განაგრძობენ, მაგრამ მაღალი სიმკვრივის/მაღალი ეფექტურობის პროდუქტებზე მოთხოვნა ძლიერდება, რაც AI-ზე ფოკუსირებული ინვესტიციების გაზრდით არის განპირობებული». — თქვა კომპანიამ.
Samsung-ის მეხსიერების განყოფილების აღმასრულებელმა ვიცე-პრეზიდენტმა, ჯეჯუნ კიმმა თქვა, რომ მეხსიერების ჩიპების წარმოების შემცირებას გააგრძელებს, მ მაგრამ მაღალი ხარისხის მეხსიერების ჩიპების წარმოაებას გააორმაგებს.
მეხსიერების ორი ძირითადი ჩიპი — DRAM და NAND — სმარტფონებში, სერვერებსა და მონაცემთა ცენტრებში გამოიყენება. მაგალითად, DRAM დიდ ენობრივ მოდელებს, მათ შორის Open AI-ის ChatGPT-ს, მოწინავე ფუნქციების შესრულების საშუალებას აძლევს. DRAM რთული AI აპლიკაციების შექმნისთვისაც გამოიყენება. NAND მონაცემთა შენახვას ეხმარება.
მიუხედავად იმისა, რომ საოპერაციო მოგება მეორე კვარტალში 95%-ით შემცირდა, Samsung ელოდება, რომ გლობალური მოთხოვნა მეხსიერების ჩიპებზე ამ წლის მეორე ნახევარში, ეტაპობრივად აღდგება.
«მოსალოდნელია, რომ გლობალური მოთხოვნა წლის მეორე ნახევარში გაიზრდება, რამაც შემოსავლის გაუმჯობესება უნდა გამოიწვიოს». — ნათქვამია Samsung-ის განცხადებაში. «თუმცა, მუდმივი მაკროეკონომიკური რისკები შეიძლება მოთხოვნის აღდგენისას მთავარი გამოწვევა იყოს.
გუშინ, Samsung-მა თავისი უახლესი მოწყობილობების მოდელები — Galaxy Z fold 5, flip 5, Galaxy Tap S9 და Galaxy Watch 6/ Watch 6 Classic წარადგინა.
დღეს, 21 მაისს ევროპულმა საბჭომ მიიღო ხელოვნური ინტელექტის აქტი — კანონი, რომელიც «მიზნად ისახავს ხელოვნური ინტელექტის წესების ჰარმონიზაციას». ევროპული საბჭო აცხადებს, რომ აქტი მიჰყვება რისკებზე დაფუძნებულ მიდგომას — რაც უფრო მაღალია საზოგადოებისთვის ზიანის მიყენების რისკი, მით უფრო მკაცრია წესები. ეს არის პირველი კანონმდებლობა მსოფლიოში, რომელსაც შეუძლია, დააწესოს ხელოვნური ინტელექტის რეგულირების გლობალური სტანდარტი.
