საქართველოში ინფორმაციულ-საკომუნიკაციო სექტორის ასოციაცია (ICTA) გამოჩნდა, რომელსაც IT კომპანია Lineate-ის ბიზნესის განვითარების ხელძღვანელი, თორნიკე სულაბერიძე უხელმძღვანელებს. ამასთან, საბჭოს წევრებს შორის EPAM Georgia-ს გენერალური დირექტორი, გივი სართანია და Exactpro Systems Georgia-ს ხელმძღვანელი, ნათია სირბილაძე არიან.
საქართველოში ინფორმაციულ-საკომუნიკაციო სექტორის ასოციაცია (ICTA) გამოჩნდა, რომელსაც IT კომპანია Lineate-ის ბიზნესის განვითარების ხელძღვანელი, თორნიკე სულაბერიძე უხელმძღვანელებს. ამასთან, საბჭოს წევრებს შორის EPAM Georgia-ს გენერალური დირექტორი, გივი სართანია და Exactpro Systems Georgia-ს ხელმძღვანელი, ნათია სირბილაძე არიან.
ICT ასოციაციის ყოველთვიური შეხვედრა 4 მარტს გაიმართა.
ასოციაციის სამეთვალყურეო საბჭოს ხელმძღვანელმა, თორნიკე სულაბერიძემ BM.GE-სთან ასოციაციის სამომავლო გეგმებსა და მიზნებზე, ასევე მუშაობის სტილზე დეტალურად ისაუბრა.
თორნიკე სულაბერიძის თქმით, ICT ასოციაცია ჯერ კიდევ 2020 წელს ჩამოყალიბდა, როდესაც IT სექტორი პირველ ნაბიჯებს დგამდა. ამასთან, მის სრულყოფილ მუშაობას პანდემიამაც შეუშალა ხელი. შესაბამისად, ასოციაცია იმ დროისთვის ნაკლებად აქტიური იყო, თუმცა ახლა მათ ადგილობრივი ტექნოლოგიური ეკოსისტემის გარდაქმნა და განვითარება სურთ.
«ამ 4 წელიწადში საქართველოს ბაზარზე უამრავი საერთაშორისო კომპანია შემოვიდა და ადგილობრივი კომპანიებიც განვითარდნენ. ამიტომ, შევიკრიბეთ იმ იდეის გარშემო, რომ ქართულმა და საერთაშორისო კომპანებმა, ერთად, ადგილობრივი ტექნოლოგიური ეკოსისტემა განვავითაროთ». — განაცხადა თორნიკე სულაბერიძემ.
მანვე აღნიშნა, რომ სექტორის სწრაფი ზრდა, თავისმხრივ, გამოწვევებსა და პრობლემებს აჩენს, რომელთა აღმოფხვრაც აუცილებელია. მისი აზრით, ამ ეტაპზე ყველაზე მნიშვნელოვანი ქართულ და საერთაშორისო კომპანიებს შორის არსებული არათანაბარი გარემოს დაბალანსებაა.
«საერთაშორისო კომპანიები საგადასახადო შეღავათებით სარგებლობენ, თუმცა ქართული კომპანიები ამას ვერ აკეთებენ, ამიტომ ადგილობრივ ბაზარზე სერვისი ძვირდება. ჩვენ სახელმწიფო უწყებებთან აქტიურად ვმუშაობთ, რათა ეს მდგომარეობა შევცვალოთ». — განაცხადა თორნიკემ.
ICT ასოციაციაში ჯამში 15 კომპანიაა გაერთიანებული. თორნიკე სულაბერიძის თმით, მათი გეგმა გაცილებით დიდ არეალზე გასვლაა, რისი პოტენციალიც ნამდვილად არსებობს».
«თამამად შემიძლია ვთქვა, რომ ჩვენი წევრები უმსხვილესი კომპანიები არიან — ჯამში 15 კომპანია საქართველოში 7000-მდე ადამიანს ასაქმებს. ამასთან, 2019-20 წლიდან ჯამში 200 მილიონამდე ინვესტიცია განვახორციელეთ. დარწმუნებული ვარ, რომ ის კომპანიები, რომლებიც ჩვენი წევრები არ არიან აქტიურად მუშაობენ და იმედი მაქვს, შემოგვიერთდებიან». — თქვა თორნიკე სულაბერიძემ bm.ge-ს ეთერში.
