სიახლეების განყოფილება ახალი ამბები 27 აპრილი 2023, 10:15

საქართველოს მოსახლეობის 70% სოცქსელებს იყენებს, მათი 96% Facebook-ის მომხმარებელია

საერთაშორისო რესპუბლიკური ინსტიტუტის (IRI) კვლევის თანახმად, საქართველოს მოსახლეობის 70% ყოველდღე ან თითქმის ყოველდღე იყენებს სოციალურ მედიას.

სოციალური მედიის მომხმარებლების 96% ყველაზე ხშირად Facebook-ს მოიხმარს.

საქართველოს მოსახლეობა სხვა სოციალურ ქსელებს ასე იყენებს:

instagram — 26%.
Tik-Tok — 17%;
Telegram — 5%;
Twitter — 3%;
Linkedin — 2%.

კვლევის საველე სამუშაოები გამოკითხვისა და მარკეტინგის ინსტიტუტმა USAID-ის დაფინანსებით ჩაატარა. მონაცემები 2023 წლის 4-23 მარტს შეგროვდა, რესპონდენტთა სახლებში პირისპირ ინტერვიუების მეთოდით. გამოიკითხა 1500, საქართველოში მუდმივად მცხოვრები სრულწლოვანი ადამიანი. ცდომილების ზღვარი ±2.5%-ია.

გამოკითხულთა ასაკი, საცხოვრებელი ადგილი და დასახლების სიდიდე საქართველოს მთლიანი მოსახლეობის რეპრეზენტატიულია.