ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

როგორ მუშაობს Sellu — ონლაინ აუქციონების ვებ პლატფორმა

ონლაინ აუქციონები მთელ მსოფლიოში ფართოდ არის გავრცელებული. გამონაკლისი არც საქართველოა, თუმცა ის, რასაც ქართული ვებლატფორმა, Sellu გვთავაზობს, ახალი და საინტერესოა. 

კომენტარის დატოვება
როგორ მუშაობს Sellu — ონლაინ აუქციონების ვებ პლატფორმა

ონლაინ აუქციონები მთელ მსოფლიოში ფართოდ არის გავრცელებული. გამონაკლისი არც საქართველოა, თუმცა ის, რასაც ქართული ვებლატფორმა, Sellu გვთავაზობს, ახალი და საინტერესოა. 

Sellu-ს შემქმნელები კიდევ ერთი ქართული სტარტაპის, Caru-ს დამფუძნებლები, ნიკა და ანა აბაშიძეები არიან. 

ანამ dev.ge-სთან Sellu-ს მნიშვნელობაზე, მუშაობის მექანიზმზე, მიზნებსა და სამომავლო გეგმებზე ისაუბრა.

Sellu ქართული ვებპლატფორმაა, რომელზეც სასურველი ნივთის შეძენა მინიმალურ ფასად, 5 ლარად არის შესაძლებელი. მონაწილეობა ძალიან მარტივია —  გამოცხადებული აუქციონისთვის ბილეთს ყიდულობ. ერთი ბილეთი 5 ბიდის გაკეთების საშუალებას გაძლევს. შემდეგ ყველა ჩართული მონაწილე თავის ბიდს ჩამოდის და ვისიც ყველაზე ბოლოს, ზემოდან მოხვდება, ნივთიც მას რჩება.

ანა აბაშიძე
«მოგებულ ნივთის აღება Sellu-ს ოფისში შეგიძლიათ. მოგებას ნივთის თავდაპირველი პატრონიც იღებს, რომელსაც პლატფორმის საშუალებით თანხის მარტივად გამომუშავება და ნივთების გაყიდვა შეუძლია». 

თითოეული აუქციონისთვის ბილეთების ჯამური რაოდენობის მაქსიმუმ 5%-ის ყიდვაა შესაძლებელი. ბილეთების ყიდვა აუქციონის გამოცხადებისთანავე შეგიძლია. ყიდვის ბოლო დრო არის აუქციონის დაწყებამდე 10 წუთით ადრე.

ანა აბაშიძე
«თითო ბილეთით ყიდულობ 5 ბიდს. მაგალითად, ერთი 5-ლარიანი ბილეთით გაქვს 5 ბიდი, ორი ბილეთით 10 ბიდი და ა.შ. აუქციონი გრძელდება იქამდე, სანამ რომელიმე მომხმარებელი ნივთს მოიგებს. მაგალითად, თუკი ერთი მომხმარებელი დადებს ბიდს და პირველი 3 წამის განმავლობაში სხვა არავინ დადებს, ნივთი პირველ მომხმარებელს რჩება». 

Sellu-ს პირველივე აუქციონმა, რომელიც პლატფორმაზე გაიმართა, დიდი ყურადღება მიიქცია. 

Რითი განსხვავდება Sellu-ს აუქციონი სტანდარტული აუქციონისგან?

Sellu-ში ფიქრობენ, რომ სტანდარტული აუქციონი თაღლითობის წყაროა. Ნიკა აბაშიძე გვიხსნის, რომ ამ დროს ფასის გაბერვა და მომატება მარტივია, რასაც Sellu-ში ვერასდროს შეხვდებით.

ნიკა აბაშიძე
«მე რომ ნივთის არაკეთილსინდისიერი მფლობელი ვიყო, ფასის გაბერვა მარტივად შემიძლია. ამასთან ერთად, ხალხი მიჩვეულია, რომ აუქციონში მონაწილეობისთვის საწევროს გადახდა არ უწევთ, რეალურად კი, დიდ აუქციონებში საწევროს გადახდა გიწევს, რათა მონაწილეობა მიიღო». 

Sellu-ს დამფუძნებლების თქმით, სტარტაპის იდეაა, მდიდარი და არამდიდარი ხალხის ნივთები აღარ არსებობდეს — ნივთებს აღარ ჰქონდეს ფასები და ისინი ყველასთვის იყოს ხელმისაწვდომი.

«Sellu-ზე ყველაფერი კეთილი და მარტივია. Წინასწარ იცი, რამდენი გაქვს ხარჯი და მაღლა ვერ გაგექცევა. Ყველაფერი შენს სტრატეგიაზეა დამოკიდებული». — ამბობს ნიკა. 

ანას თქმით კი, Sellu-ს ქართულ ბაზარზე კონკურენტი არ ჰყავს და პლატფორმა უნიკალურია.

ანა აბაშიძე
«ვერ გეტყვით, რა გამოგვარჩევს სხვებისგან, რადგან ქართულ ბაზარზე ჩვენი ანალოგი არ არსებობს, თუმცა, ეს განვითარებაში ხელს არ გვიშლის. პირიქით, ვისურვებდით, საქმიანობა უფრო კონკურენტულ გარემოში გაგვეგრძელებინა». 

Sellu რამდენიმე საინტერესო და კეთილი წამოწყების ავტორია.  Sellu-ზე გადახდილი 

თანხიდან 2% მიუსაფარი ცხოველების დასახმარებლად მიდის და Tamaz Elizbarashvili dog shelter-ს ერიცხება.

Მეტი ინფორმაციისთვისა და აუქციონში მონაწილეობის მიღების სურვილის შემთხვევაში შეგიძლიათ ეწვიოთ პლატფორას.

როგორ მუშაობს Carusell — მეორადი მანქანების ყიდვა-გაყიდვის სტარტაპი
როგორ მუშაობს Carusell — მეორადი მანქანების ყიდვა-გაყიდვის სტარტაპი
თემის მიხედვით
როგორ მუშაობს Carusell — მეორადი მანქანების ყიდვა-გაყიდვის სტარტაპი


ასევე წაიკითხეთ
GITA-ს მხარდაჭერითა და StrategEast-ის ორგანიზებით,  საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
TikTok Notes — TikTok-ი Instagram-ის კონკურენტი აპლიკაციის გამოშვებას აპირებს
TikTok Notes — TikTok-ი Instagram-ის კონკურენტი აპლიკაციის გამოშვებას აპირებს
TikTok Notes — TikTok-ი Instagram-ის კონკურენტი აპლიკაციის გამოშვებას აპირებს
კრიპტო ბაზარი USAID-ის პროგრამის ფარგლებში სტაჟირებას აცხადებს
კრიპტო ბაზარი USAID-ის პროგრამის ფარგლებში სტაჟირებას აცხადებს
კრიპტო ბაზარი USAID-ის პროგრამის ფარგლებში სტაჟირებას აცხადებს
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
თორნიკე მჟავანაძე რუსულ კანონზე: ცხადია, დადებითი გავლენა არ ექნება
აგრო-ტექნოლოგიური სტარტაპის, DG Systems-ის აღმასრულებელმა დირექტორმა, თორნიკე მჟავანაძემ dev.ge-სთან იმ საფრთხეებზე ილაპარაკა, რომლებიც რუსული კანონის დამიტკიცებას მოჰყვება. მან აღნიშნა, რომ ამით სტარტაპ ეკოსისტემამ შესაძლოა ინვესტიციები დაკარგოს.
განხილვა
კომენტარები ჯერ არაა.