ბლოკჩეინის სტარტაპ Ripple-ის აღმასრულებელი დირექტორი, ბრედ გარლინგჰაუსი ვარაუდობს, რომ კრიპტოვალუტის ბაზრის ერთობლივი საბაზრო კაპიტალიზაცია 2024 წლის ბოლოს 5 ტრილიონ აშშ დოლარს გადააჭარბებს.
ბლოკჩეინის სტარტაპ Ripple-ის აღმასრულებელი დირექტორი, ბრედ გარლინგჰაუსი ვარაუდობს, რომ კრიპტოვალუტის ბაზრის ერთობლივი საბაზრო კაპიტალიზაცია 2024 წლის ბოლოს 5 ტრილიონ აშშ დოლარს გადააჭარბებს.
მან CNBC-ს განუცხადა, რომ კრიპტო ბაზრის მთლიანი ღირებულების გაორმაგებას ელის — გარლინგჰაუსი ამ პროცესის ხელშემწყობ ფაქტორებზეც საუბრობს, მათ შორის ე.წ. Halving დღეზე.
«მე დიდი ხანია ამ ინდუსტრიის გარშემო ვტრიალებს და და ვხედავ, რომ ეს ტენდენციები მოდის». — განუცხადა გარლინგჰაუსმა CNBC-ს. «ძალიან ოპტიმისტურად ვარ განწყობილი. ვფიქრობ, რომ მაკრო ტენდენციები, დიდი სურათი, როგორიცაა ETF-ები, ისინი რეალური ინსტიტუციური ფულის მართვას შეძლებენ».
«თქვენ ხედავთ, რომ მოთხოვნა იზრდება, ხოლო მიწოდება მცირდება». — თქვა გარლინგჰაუსმა. «ამას ეკონომიკის ღრმად ცოდნა არ სჭირდება, რათა მიხვდეთ, რა ხდება, როდესაც მოთხოვნა იზრდება, ხოლო მიწოდება მცირდება».
2024 წლის 20 აპრილს Bitcoin-ის Halving, იგივე განახევრების დღეა. ეს ისტორიაში მეოთხე ჰალვინგია და ნიშნავს, რომ განახევრდება მაინინგით გამომუშავებული ბიტკოინების რაოდენობა ბლოკჩეინის ყოველ 210 000 ბლოკში. მიზანია, შემცირდეს ბიტკოინის ქსელში ახალი მონეტების რაოდენობა.
Bitcoin Halving პროცესია, როდესაც ამ Bitcoin-ის ბლოკჩეინზე მაინერების მიერ გამომუშავებული ბიტკოინის რაოდენობა ნახევრდება. თავდაპირველად თითოეულ ბლოკზე მაინინგით გამომუშავებული ბიტკოინის რაოდენობა 50 იყო. ახლა თითოეულ ბლოკზე 6.25 ბიტკოინი გამომუშავდება, ჰალვინგის შემდეგ კი 3.125 გახდება.
«კრიპტო ინდუსტრიის მთლიანი საბაზრო კაპიტალი, ადვილი მოსალოდნელია, რომ ამ წლის ბოლომდე გაორმაგდება…». — თქვა გარლინგჰაუსმა.
კრიპტო ბაზრის მთლიანი კაპიტალიზაცია 4 აპრილის მდგომარეობით, დაახლოებით 2,6 ტრილიონი აშშ დოლარი იყო. თუ ბაზარი გაორმაგდება, ეს ნიშნავს ახალი ჯამური კრიპტო საბაზრო კაპიტალიზაციას — კერძოდ, $5,2 ტრილიონს.
Bitcoin ბოლო 12 თვეში 140%-ზე მეტით გაიზარდა. CoinGecko-ს მონაცემებით, მან 13 მარტს 73,000 აშშ დოლარს გადააჭარბა. თუმცა, მას შემდეგ 70,000 აშშ დოლარს საკმაოდ ჩამოსცდა.
აშშ-ის კრიპტო ბირჟის, Gemini-ის მთავარმა ოპერაციულმა ოფიცერმა, მარშალ ბერდმა ცოტა ხნის წინ CNBC-ს ლონდონში გამართულ კრიპტოკონფერენციაზე განუცხადა, რომ მისი აზრით, ამ წლის ბოლოს Bitcoin-ის ფასი 150,000 აშშ დოლარამდე გაიზრდება.
