ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Retain — ქართული სტარტაპი, რომელიც კომპანიებს უკუკავშირის პროცესის გაციფრულებაში ეხმარება

კომპანიების უდიდესი ნაწილი, რომლებიც მომხმარებლებისთვის უმაღლესი ხარისხის შეთავაზებას ცდილობენ, უკუკავშირს დიდ მნიშვნელობას ანიჭებს — მათი მოთხოვნილებებისა და სურვილების დაკმაყოფილების გარეშე ნებისმიერი ბიზნესის განვითარება წარმოუდგენელია.

ამ პროცესის სრულყოფისთვის ორგანიზაციები სხვადასხვა საშუალებას იყენებენ. თუმცა, სასურველ შედეგს რთულად ან ვერ იღებენ.

რამდენიმე თვის წინ საქართველოში სტარტაპი Retain გამოჩნდა, რომელიც კომპანიებს პროცესის გაციფრულებაში ეხმარება და პლატფორმას სთავაზობს, რომლის მეშვეობითაც მომხმარებელს უკუკავშირის დატოვება რამდენიმე წამში, დისტანციურად შეუძლია.

კომენტარის დატოვება
Retain — ქართული სტარტაპი, რომელიც კომპანიებს უკუკავშირის პროცესის გაციფრულებაში ეხმარება

კომპანიების უდიდესი ნაწილი, რომლებიც მომხმარებლებისთვის უმაღლესი ხარისხის შეთავაზებას ცდილობენ, უკუკავშირს დიდ მნიშვნელობას ანიჭებს — მათი მოთხოვნილებებისა და სურვილების დაკმაყოფილების გარეშე ნებისმიერი ბიზნესის განვითარება წარმოუდგენელია.

ამ პროცესის სრულყოფისთვის ორგანიზაციები სხვადასხვა საშუალებას იყენებენ. თუმცა, სასურველ შედეგს რთულად ან ვერ იღებენ.

რამდენიმე თვის წინ საქართველოში სტარტაპი Retain გამოჩნდა, რომელიც კომპანიებს პროცესის გაციფრულებაში ეხმარება და პლატფორმას სთავაზობს, რომლის მეშვეობითაც მომხმარებელს უკუკავშირის დატოვება რამდენიმე წამში, დისტანციურად შეუძლია.

dev.ge-სთან Retain-ის თანადამფუძნებელმა და აღმასრულებელმა დირექტორმა, ლევან ჯაბუამ სტარტაპის იდეაზე, მუშაობის მექანიზმზე, სირთულეებსა და სამომავლო გეგმებზე დეტალურად ისაუბრა.

ლევანი გვიყვება, რომ Retain კომპანიებს QR-კოდების გამოყენებას სთავაზობს, რომელთა დასკანერების შემდეგ, მომხმარებლებს უკუკავშირის დატოვება სულ რაღაც 10 წამში შეუძლიათ.

უკუკავშირი პირდაპირ კომპანიის მენეჯმენტთან მიდის, რაც სასარგებლოა როგორც მომხმარებლისთვის, ასევე ბიზნესისთვის. კომპანიებს კი ეს ტექნოლოგია უკუკავშირის ერთ პლატფორმაზე მიღების საშუალებას აძლევს, რაც გადაწყვეტილებებს უფრო ეფექტურსა და ზუსტს ხდის.

ლევან ჯაბუა
«ნებისმიერ განვითარებაზე ორიენტირებულ კომპანიას აინტერესებს, რას ფიქრობენ მომხმარებლები მომსახურებაზე, რომლებსაც ისინი მათ სთავაზობენ. თუმცა, ამისთვის, ძირითადად, სოციალურ ქსელებს, ცხელ ხაზსა და სხვა არაეფექტურ საშუალებებს იყენებენ — ხშირად ეს უკუკავშირი კომპანიის განყოფილებებს შორის იკარგება. სწორედ ამ პრობლემის გადასაჭრელად შევქმენით Retain».

Retain ოფიციალურად 2023 წლის მაისიდან გაეშვა და უკვე 150 კომპანიის 1600-ზე მეტ ფილიალს ემსახურება. პროცესი მარტივია — მომხმარებელი QR კოდს ასკანერებს და უმოკლეს დროში წერს უკუკავშირს, რომელიც პირდაპირ კომპანიის სათავო ოფისში მიდის.

ლევანი გვიხსნის, რომ Retain კომპანიებს ასევე სთავაზობს ბმულს, რომლის საშუალებითაც მომხმარებლებს სერვისისა თუ მომსახურების შეფასება შეუძლიათ. 

ლევან ჯაბუა
«მაგალითად, აფთიაქში მომსახურების მიღების შემდეგ, ალბათ, ტექსტური შეტყობინება მოგსვლიათ, რომელსაც მომსახურების შესაფასებელი ბმული ახლავს თან. ჩვენ კომპანიებს ამ ბმულებს ვუგენერირებთ, რომელიც QR კოდის დასკანერების დროს მოდის ან კომპანიები თავად უგზავნიან მომხმარებლებს — შეგიძლიათ შეაფასოთ, ფოტო გადაუღოთ პროდუქტს და ა.შ. ეს ყველაფერი ერთ სივრცეში იყრის თავს, რაც პროცესს ამარტივებს».

Retain საკუთარ სერვისს ნებისმიერი ინდუსტრიის წარმომადგენელს სთავაზობს — სტარტაპი ბანკებს, სავაჭრო ცენტრებს, აფთიაქებს, სადაზღვევო კომპანიებს, ფესტივალებს, სილამაზის სალონებსა თუ ონლაინ მაღაზიებს ემსახურება.

ლევან ჯაბუმ გვითხრა, რომ სტარტაპის პარტნიორი საქართველოს ტურიზმის ადმინისტრაცია გახდა — ამიერიდან ტურისტების კმაყოფილების ხარისხი Retain-ის QR კოდების საშუალებით გაიზომება.

ლევან ჯაბუა

«ჩვენ სერვისს ნებისმიერ კომპანიას ვთავაზობთ, რომელსაც საკუთარი მომხმარებლის აზრი აინტერესებს.

ვემსახურებით ისეთ კომპანიებს, როგორიცაა, Socar, Tegeta Motors, Goodwill, Aversi, GPC, ასევე ჩვენი პარტნიორია Fitpass. ბოლო პერიოდში საქართველოს ტურიზმის ადმინისტრაციასთან პატრნიორება დავიწყეთ — ძალიან მალე ჩვენი QR კოდები ყველა ტურისტულ ადგილას იქნება გაკრული, მათ შორის აეროპორტში თუ რკინიგზაში.

ამასთან, დავიწყეთ მეღვინეებთან თანამშრომლობა — საზღვარგარეთ გატანილ ღვინოს ჩვენი QR კოდი ექნება.  შესაბამისად, კახეთიდან გაგზავნილი სასმელი, შეიძლება გერმანელმა მომხმარებელმა რამდენიმე წამში შეაფასოს».

ცხადია, როდესაც QR კოდს, ფაქტობრივად, მთელი ქვეყნის მასშტაბით იყენებ, კონფიდენციალურობასთან და უსაფრთხოებასთან დაკავშირებით ლოგიკური კითხვები ჩნდება.

ლევანის თქმით, პროცესი სრულიად უსაფრთხო და კონფიდენციალურია — სტარტაპის სერვერები გერმანიაში, ფრანკფურტში მდებარეობს და უმაღლეს დონეზე მუშაობს.

ლევანი გვიხსნის, რომ QR კოდით მიღებული ინფორმაცია მათ არ ეკუთვნით და რაიმე სარეკლამო ან სხვა მიზნით გამოყენება აკრძალულია.

ლევან ჯაბუა

«როდესაც სტარტაპის შექმნის იდეა გაგვიჩნდა პერსონალური ინფორმაციის დაცვის სამსახურს ვესაუბრეთ და გვითხრეს, რომ არც ნომრის და არც მეილის დატოვება, თუ ეს მომხმარებლის ნებაა, პრობლემა არ არის.

ამასთან ერთად, ეროვნულ ბანკთან გავიარეთ სქემა და დასტური მივიღეთ — წინააღმდეგ შემთხვევაში ბანკებს ვერ მოვემსახურებოდით.

სერვერულ ინფრასტრუქტურასთან დაკავშირებით დიდი გამოცდილება გვაქვს — მე პირადად ერთ-ერთი პირველი ვარ, ვინც ქართულ აპლიკაციაზე, Phubber-ზე აქტიურად მუშაობდა და იქ დაგროვებულ გამოცდილებას Retain-ის სერვერის გასამართად წარმატებით ვიყენებთ. ასე რომ, როგორც ტექნიკურად, ასევე იურიდიულად დაზღვეულები ვართ».

Retain-ში უშუალოდ QR კოდის დიზაინსაც დიდ ყურადღებას აქცევენ. როგორც ლევანი ამბობს, მათ დიზაინერების გუნდი ჰყავთ, რომლებიც მთელი დღის განმავლობაში ფიქრობენ, როგორ გახადონ QR კოდები ადამიანებისთვის მიმზიდველი. 

Retain-ის მსგავსი კომპანია საქართველოში არ არსებობს, შესაბამისად ქვეყნის შიგნით კონკურენციაზე საუბარი შეუძლებელია. თუმცა სტარტაპს საზღვარგარეთ ჰყავს კონკურენტები. ლევანი ამბობს, რომ მათგან განსხვავებით, Retain-ს სრული ციკლი აქვთ — ყველაფერს თავად აკეთებენ. ასევე მომხმარებლებს შეფასების მრავალფეროვან ფორმას სთავაზობენ.

ლევან ჯაბუა
«კონკურენტებისგან ის გამოგვარჩევს, რომ უკუკავშირის სხვა კომპანიებისგან განსხვავებით, ჩვენ ყველაფერს თავად ვაკეთებთ. ამასთან ერთად, მომხმარებლებს შეფასებისას მრავალფეროვნებას ვთავაზობთ — ეს შეიძლება იყოს ვარსკვლავით, ქულით, ღია კითხვით თუ სხვა გზით შეფასება. ასევე მიწოდების არხიც მნიშვნელოვანია — გვაქვს, როგორც QR, ასევე ბმულიც. 

Retain-ს რამდენიმე გეგმა აქვს, რომელთა განხორციელებასაც სამომავლოდ შეეცდება. ლევანის თქმით, ამ ეტაპზე, სტარტაპის მთავარი მიზანი საქართველოს მასშტაბით კიდევ უფრო გაფართოება და მომხმარებლების ზრდაა.

ამასთან, Retain-ში სურთ,  სერვისი საზღვარგარეთ გაიტანონ, რაზეც 2024 წელს აქტიურად იმუშავებენ. კომპანიას გაყიდვების წარმომადგენლები რამდენიმე ქვეყანაში, კერძოდ, ავსტრალიაში, ესპანეთში, გერმანიაში და უკრაინაში, უკვე ჰყავს. 

GITA-მ 150 000-ლარიანი გრანტის გამარჯვებული 20 სტარტაპი დაასახელა — ნახეთ სია
GITA-მ 150 000-ლარიანი გრანტის გამარჯვებული 20 სტარტაპი დაასახელა — ნახეთ სია
თემის მიხედვით
GITA-მ 150 000-ლარიანი გრანტის გამარჯვებული 20 სტარტაპი დაასახელა — ნახეთ სია
Phubber — მოდის პირველი ქართული ონლაინ პლატფორმა
Phubber — მოდის პირველი ქართული ონლაინ პლატფორმა
თემის მიხედვით
Phubber — მოდის პირველი ქართული ონლაინ პლატფორმა


ასევე წაიკითხეთ
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
ანა აბაშიძემ თავისი დაფუძნებული სტარტაპი — მანქანების ყიდვა-გაყიდვის პლატფორმა, Carusell შეაჩერა. ერთ-ერთი მიზეზი მენტალური ჯანმრთელობის პრობლემები და გადაღლაა — სტარტაპის შექმნა და მართვა ფსიქოლოგიური ომია, რომელთან გამკლავებაც არც ისე მარტივია. ანა ამბობს, რომ არც არის აუცილებელი, ადამიანმა ამ სტრესს ყველაფრის ფასად გაუძლოს — გაჩერება და დამსახურებული პაუზის აღება ნებისმიერ დროს არის შესაძლებელი.
განხილვა
კომენტარები ჯერ არაა.