„რესპუბლიკაში" Agile mentor-ის ორგანიზებით და თიბისის მხარდაჭერით Agile Summit გაიმართა

ალისტერ ქობერნმა შეკრებილი საზოგადოებისთვის ვრცლად ილაპარაკა, რა არის ეჯაილი და რატომ არის ის მნიშვნელოვანი.

მოკლე განმარტება, მისი თქმით, ასეთია: 

ხოლო მნიშვნელოვანია იმიტომ, რომ მსოფლიო არასტაბილური, გაურკვეველი, რთული და არაერთგვაროვანია, მასში სწორად ნავიგაცია კი — გადამწყვეტი. 

«ჩვენ გვჭირდება ეჯაილის გული». — ამბობს ალისტერ ქობერნი, რაც მისივე ახსნით, გულისხმობს შემდეგს: კოლაბორაციას, გაუმჯობესებას, [შედეგს] მიწოდებას და რეფლექსიას. 

ოთხოვე ამ კომპონენტს თავისი მცირე მიმართულება აქვს, რომელთა გათვალისწინებაც აუცილებელია.

ალისტერ ქობერნმა თავისი პრეზენტაციისას მუდმივ სწავლასა და განვითარებაზეც ილაპარაკა და თქვა, რომ მეტი ცოდნა ნაკლებ რისკს უდრის.  

რაც შეეხება შედეგებს — ქობერნი ამბობს, რომ ყოველი მათგანი ჩვენი გადაწყვეტილებების შედეგადაა მიღებული. ხოლო ადამიანი 5-10 გადაწყვეტილებიდან ერთ შეცდომას ყოველთვის უშვებს. 

ალისტერ ქობერნის შემდეგ აუდიტორიის წინაშე ეჯაილის საერთაშორისო კონსორციუმის მიერ სერტიფიცირებული ტრენერი და ქოუჩი, ანტონ მარკი წარდგა. 

მან ეჯაილის ბენეფიტებზე ილაპარაკა და საზოგადოებას გააცნო 8 ნაბიჯი, რომელთა გადადგმაც საჭიროა წარმატებული ეჯაილ ტრანსფორმაციისთვის. 

ეს ნაბიჯებია: 

• შექმენით გადაუდებლობის განცდა; 
• შექმენით ხელმძღვანელი კოალიცია;
• ჩამოაყალიბეთ სტრატეგიული ხედვა და ინიციატივები; 
• შემოიკრიბეთ მოხალისეები;
• მოშალეთ ბარიერები და შესაძლებელი გახადეთ მოქმედება;
• დააგენერირეთ მცირე გამარჯვებები; 
• შეინარჩუნეთ სისწრაფე; 
• განიცადეთ ინსტიტუციური ცვლილება; 

შეხვედრის დასასრულს პანელური დისკუსია გაიმართა. მასში მონაწილეობა ქართული კომპანიების წარმომადგენლებმა მიიღეს, კერძოდ: თიბისის ეჯაილ მწვრთნელმა/ჯგუფის ლიდერმა, გუკა კიტიამ, NGT partners-ის მმართველმა პარტნიორმა, დავით ხოსიაშვილმა და Apeople-ის IT განვითარების დირექტორმა. დისკუსიას მოდერაცია Agile Mentor-ის ხელმძღვანელმა, მარია ღლონტმა გაუწია.