Nvidia და iPhone-ის მწარმოებელი Foxconn ააშენებენ AI ქარხნებს

კომპანიები ამბობენ, რომ ეს ახალი ტიპის ცენტრია, რომელიც Nvidia-ს ჩიპებს აპლიკაციების «ფართო სპექტრის» გასაძლიერებლად იყენებს. მათ შორისაა ავტონომიური მანქანების საწვრთნელი, რობოტიკის პლატფორმები და დიდი ენობრივი მოდელები.

ეს მას შემდეგ ხდება, რაც აშშ-მ ჩინეთში მოწინავე ჩიპების ექსპორტი შეაჩერა, რამაც Nvidia-ს სერიოზული დარტყმა მიაყენა.

ვაშინგტონის მიერ ამ კვირაში გამოცხადებული უახლესი საექსპორტო შეზღუდვები ორი მაღალი დონის AI ჩიპს დაბლოკავს, რომელიც ჩინეთის ბაზრისთვის შეიქმნა — A800 და H800.

ტაივანში დაფუძნებული Nvidia-ს აღმასრულებელმა დირექტორმა, ჯენსენ ჰუანმა და Foxconn-ის თავმჯდომარემ, იანგ ლიუმ სიახლე Foxconn-ის ყოველწლიურ ტექნოლოგიურ გამოფენაზე, ტაიპეიში დააანონსეს.

«წარმოების ახალი ტიპი გაჩნდა — მონაცემთა ცენტრები, რომლებიც მას აწარმოებენ, ხელოვნური ინტელექტის ქარხნებია», — თქვა ჰუანგმა და დასძინა, რომ Foxconn-ს ამ ქარხნების გლობალურად ასაშენებლად საკმარისი გამოცდილება და მასშტაბები აქვს.

ხელოვნური ინტელექტის აპლიკაციებში კომპანიის მოწინავე ჩიპების გამოყენების წყალობით, Nvidia-ს საფონდო ბირჟის ღირებულება 1 ტრილიონ დოლარამდე გაიზარდა, რადგან მისი აქციების ღირებულება წელს სამჯერ გაიზარდა.

ეს საჯარო ვაჭრობის მეხუთე ამერიკული კომპანია გახდა, რომელიც ეგრეთ წოდებულ «ტრილიონის კლუბს» შეუერთდა — Apple, Microsoft, Alphabet და Amazon-თან ერთად.

თავისმხრივ, Foxconn, რომელიც მსოფლიოში Apple-ის პროდუქციის ნახევარზე მეტს აწარმოებს, თავისი ბიზნესის დივერსიფიკაციასა და პერსონალური კომპიუტერებისა და სმარტფონების აწყობაში წარმატებების გამეორებას ცდილობს.

ივნისში მიცემულ ექსკლუზიურ ინტერვიუში, ლიუმ BBC-ის განუცხადა, რომ ელექტრო მანქანები (EVs) არის ის, რაც მომდევნო ათწლეულებში კომპანიის ზრდას განაპირობებს.

იანვარში Foxconn-მა და Nvidia-მ პარტნიორობა ავტონომიური მანქანების პლატფორმების შემუშავების მიზნით გააფორმეს.

Google და Nvidia AI ინფრასტრუქტურის შექმნის მიზნით ერთიანდებიან

თემის მიხედვით

Google და Nvidia AI ინფრასტრუქტურის შექმნის მიზნით ერთიანდებიან